ខេត្តកណ្តាល ៖ នៅព្រឹកថ្ងៃទី១៣ ធ្នូ ឆ្នាំ ២០១១ ប្រតិភូសាខាកាកបាទក្រហមកម្ពុជាខេត្តកណ្តាល ដឹកនាំដោយលោកហេ កាន់ ប្រធានគណៈកម្មាធិការសាខា រួមដំណើរដោយលោកជំទាវហូ ណូន សមាជិកាសភាមណ្ឌលខេត្តកណ្តាល, លោកវេជ្ជបណិ្ឌតប្រាក់ ផន សមាជិកគណៈកម្មាធិការសាខា, លោកជំទាវប្រាក់ សុគន្ធា, លោកជំទាវទឹម ស៊ីលីតា ហ៊ួត ហ៊ាង,លោកស្រីចាន់ លកិ្ខណា អ៊ិន វ៉ានវិបុល, លោកស្រីគង់ សារីយ៉ា នាយិកាសាខា និងមន្ត្រីក្រុមប្រតិបតិ្តសាខាមួយចំនួនបាននាំយកជំនួយសង្គ្រោះទៅផ្តល់ជូនប្រជាពលរដ្ឋរងគ្រោះដោយខ្យល់ព្យុះចំនួន១០គ្រួសារ នៅបរិវេណស្នាក់ការគយច្រកទ្វារអន្តរជាតិជ្រៃធំ ឃុំសំពៅពូន ស្រុកកោះធំ ខេត្តកណ្តាល។
និមន្ត និងអញ្ជើញចូលរួមជាកិតិ្តយសព្រះតេជគុណស៊ិន ម៉ាប់ ព្រះអនុគណស្រុក, លោក កែវ ឈុនហ៊ អភិបាលរងស្រុក និងជាអនុប្រធានគណៈកម្មាធិការអនុសាខាកាកបាទ
ក្រហមកម្ពុជាស្រុក, ក្រុមប្រឹក្សាឃុំ, មន្ត្រីអនុសាខាស្រុក និងសប្បុរសជននៅក្នុងស្រុកមួយចំនួន ។
តាមរបាយការណ៍ស្វាគមន៍របស់លោកកែវ ឈុនហ៊ បានឱ្យដឹងថា កាលពីខែកន្លងទៅមានភ្លៀងផ្គរ និងខ្យល់ព្យុះបោកបក់យ៉ាងខ្លាំងប៉ះចំភូមិសាស្រ្តភូមិប៉ាក់ណាម ឃុំព្រែកជ្រៃ ស្រុកកោះធំ ខេត្តកណ្តាល ដែលបណ្តាលឱ្យលំនៅដ្ឋានប្រជាពលរដ្ឋចំនួន១០ខ្នង ស្មើនឹង១០គ្រួសារត្រូវរលំដល់ដី ហើយប្រជាពលរដ្ឋទាំងនោះបានជួបប្រទះនូវការខ្វះខាតទីជម្រកសម្ភារប្រើប្រាស់ប្រចាំថ្ងៃ និងស្បៀងអាហារយ៉ាងខ្លាំង ។
ក្នុងប្រសាសន៍សំណេះសំណាលលោកហេ កាន់ និងលោកជំទាវហូ ណូន បាននាំមកនូវការផ្តាំផ្ញើសាកសួរសុខទុក្ខពីលោកជំទាវកិតិ្តព្រឹទ្ធ បណិ្ឌតប៊ុន រ៉ានី ហ៊ុន សែន ប្រធានកាកបាទក្រហមកម្ពុជាជូនចំពោះគ្រួសារជនរងគ្រោះទាំង អស់ដោយកី្តនឹករឭក។
ឆ្លៀតក្នុងឱកាសនោះដែរ គណៈអធិបតីក៏បានចូលរួមសម្តែងនូវទឹកចិត្តអាណិតអាសូរយ៉ាងពន់ពេក ចំពោះបងប្អូនប្រជាពលរដ្ឋរងគ្រោះទាំងអស់ និងផ្តាំផ្ញើសូមមេត្តាកុំមានការអស់សង្ឃឹម ត្រូវជំនះរាល់ឧបសគ្គទាំងឡាយដែលបានជួបប្រទះនាពេលកន្លងទៅ ហើយត្រូវខិតខំប្រកបរបររកស៊ីចិញ្ចឹមគ្រួសារឡើងវិញ ។
គណៈអធិបតីថ្លែងថា ជំនួយដែលសាខាបាននាំយកមកឧបត្ថម្ភជូនដល់គ្រួសាររងគ្រោះ នៅពេលនេះ ថី្វត្បិតតែមានចំនួនតិចតួចមិនសមទៅនឹងទំហំនៃការរងគ្រោះរបស់បងប្អូនក៏ពិតមែន តែនេះគឺជាការបង្ហាញឲ្យឃើញនូវសិល្បៈ និងវប្បធម៌នៃការចែករំលែកគ្នាក្នុងគ្រាអាសន្ន ដែលជាប្រពៃណីដ៏ល្អផូរផង់របស់ដូនតាខ្មែរយើងផងដែរ ។
លោកស្រីគង់ សារីយ៉ា នាយិកាសាខា ក៏បានប្រកាសនូវនាមសប្បុរសជន ដែលបានផ្តល់វិភាគទានជាសម្ភារ និងថវិកាជួយដល់ជនរងគ្រោះ ហើយជំនួយដែលសាខាបានផ្តល់ជូនក្នុង១គ្រួសារទទួលបានមាន អង្ករ២៥គីឡូក្រាម,មី១កេស, នំហាណាមិ១កំប៉ុង, សម្ភារគ្រឿងឧបភោគបរិភោគចំនួន១៨មុខបន្ថែមទៀត ព្រមទាំងថវិកាចំនួន១៣៥.០០០រៀល (ដប់បីម៉ឺនប្រាំពាន់រៀលគត់ ) ។
សប្បុរសជនដែលបានឧបត្ថម្ភសម្ភារ និង ថវិការួមមាន ព្រះតេជគុណស៊ិន ម៉ាប់ ព្រះអនុគណស្រុក ថវិកា១០ម៉ឺនរៀល, លោកជំទាវហូ ណូន ថវិកា២០ម៉ឺនរៀល, លោកជំទាវគឹង ចាន់ឌី គន់ គីម ថវិកា៣០ម៉ឺនរៀល, លោកជំទាវ ឧកញ៉ាភាព ហៀក នំហាណាមិ១កេស ស្មើនឹង ១០កំប៉ុង, លោកជំទាវហែន ស្រីឡែន ស៊ិន ខ័ណី្ឌ ថវិកា១០ម៉ឺនរៀល, លោកជំទាវទឹម ស៊ីលីតា ហ៊ួត ហ៊ាង ថវិកា១០ម៉ឺនរៀល, លោកជំទាវ ប្រាក់ សុគន្ធា ថវិកា៥ម៉ឺនរៀល, លោកមាស សឿន ថវិកា១០ម៉ឺនរៀល, លោកស្រីចាន់ លកិ្ខណា អ៊ិន វ៉ានវិបុល ថវិកា១០ម៉ឺនរៀល,លោកស្រីសុខ សុវណ្ណារី ថវិកា៥ម៉ឺនរៀល, លោកស្រីកិច អៃដាគន្ធារី ថវិកា៥ម៉ឺនរៀល,លោកស្រីកាន កឿន ថវិកា៥ម៉ឺនរៀល, លោកស្រីវិន ចន្ធូ ថវិកា៥ម៉ឺនរៀល, លោកស្រីឃាង មួយ ថវិកា៥ម៉ឺនរៀល, លោកស្រីទិត្យ ស្រីមុំ ថវិកា៥ម៉ឺនរៀល ៕
ចែករំលែកព័តមាននេះ