រាជធានីភ្នំពេញ ៖ ផ្ទាំងប៉ាណូខ្នាតធំផ្សាយពាណិជ្ជកម្មលក់ផ្ទះល្វែង និងវីឡា ត្រូវខ្យល់បោកបក់បាក់ធ្លាក់ពីលើជញ្ជាំងក្រុមហ៊ុនមកដីកាលពី វេលាម៉ោង៤រសៀលថ្ងៃទី១៣ ធ្នូ ។ ទោះជាយ៉ាងណា ពុំបង្កឱ្យមនុស្សរងរបួសឡើយ ព្រោះគេនាំគ្នារត់គេចផុត ។
រាជធានីភ្នំពេញ ៖ ផ្ទាំងប៉ាណូខ្នាតធំផ្សាយពាណិជ្ជកម្មលក់ផ្ទះល្វែង និងវីឡា ត្រូវខ្យល់បោកបក់បាក់ធ្លាក់ពីលើជញ្ជាំងក្រុមហ៊ុនមកដីកាលពីវេលាម៉ោង៤រសៀលថ្ងៃទី១៣ ធ្នូ ។ ទោះជាយ៉ាងណា ពុំបង្កឱ្យមនុស្សរងរបួសឡើយ ព្រោះគេនាំគ្នារត់គេចផុត ។
ផ្ទាំងប៉ាណូដែលបាក់ធ្លាក់ទាំងជំហរនេះមានទំហំប្រមាណ៤ម៉ែត្រគុណ១០ម៉ែត្រ ដែលបំពាក់លើអគារក្រុមហ៊ុន និងហាងលក់ខោអាវក្នុងOyange Shop នៅតាមមហាវិថីសហព័ន្ធរុស្ស៊ីកែងវិថីម៉ៅសេទុង សង្កាត់ផ្សារដេប៉ូទី៣ ខណ្ឌទួលគោក ទល់មុខអគ្គនាយកដ្ឋានពន្ធដារ ។
តាមមន្ត្រីប៉ូលិសចរាចរដែលឈរគោលដៅបានឱ្យដឹងថា មុនពេលកើតហេតុមិនដឹងមូលហេតុអ្វីទេ ស្រាប់តែផ្ទាំងបា៉ណូខាត់ធំបានបាក់ធ្លាក់ទាំងជំហរមកដល់ដីតែម្តង ។ នេះចាត់ទុកថាជាសំណាងហើយដែលការបាក់ធ្លាក់នោះពុំបង្កឱ្យមនុស្សរងរបួស ។
តាមប្រជាពលរដ្ឋរស់នៅក្បែរនោះបានឱ្យដឹងថា មុនពេលកើតហេតុរូបគាត់កំពុងអង្គុយលក់ចេក ស្រាប់តែផ្ទាំងបា៉ណូបានរបូតធ្លាក់មកក្រោម ហើយគាត់បានរត់គេចផុតដោយសារធ្លាក់មកគងលើជញ្ចាំងផ្ទះរបស់គាត់ ។ តាមព័ត៌មានឱ្យដឹងថា ការបាក់ធ្លាក់ប៉ាណូនោះដោយសារខ្យល់បោកបក់ ម្យា៉ងទៀតការបំពាក់ផ្ទាំងបា៉ណូនោះគ្មានលក្ខណៈបច្ចេកទេសធ្វើឱ្យតែរួចពីដៃក៏រហូតធ្លាក់មកក្រោមតែម្តង ៕
ចែករំលែកព័តមាននេះ