ផែនការរបស់ធនាគារកណ្តាលចិនដើម្បីបង្កើតយន្តការថ្មីសម្រាប់មូលនិធិវិនិយោគនិងមានតម្លៃសរុបចំនួន៣០០ពាន់លានដុល្លារ ដើម្បីបង្កើនអត្រាប្រាក់បំរុងបរទេសឡើងវិញសម្រាប់ប្រទេសចិនដែលគេស្គាល់ថាជាប្រទេសដែលមានអត្រាប្រាក់បំរុងបរទេសច្រើនជាងគេបំផុតក្នុងពិភពលោក ។ ផែនការនេះនឹងដំណើរការទៅតាមមូលនិធិចំនួនពីរ។ ទីមួយសម្រាប់គោលដៅវិនិយោគក្នុងសហរដ្ឋអាមេរិក ឯមូលនិធិមួយទៀត សម្រាប់ទ្វីបអឺរ៉ុប។
គោលដៅនៃគ្រោងការនេះគឺការបង្កើនបន្ថែមទៀតលើការវិនិយោគបរទេសដើម្បីអាចទទួលបានផលតបស្នងកាន់តែខ្ពស់ ។ ចំណែកព័ត៌មានលំអិតនៃដំណើរការសាច់ ប្រាក់កំពុងស្ថិតក្រោមការពិភាក្សាគ្នានៅឡើយ។ ការវិនិយោគនឹងត្រូវធ្វើឡើងស្របតាមរដ្ឋ បាលចិននៃអត្រាប្តូរប្រាក់បរទេស(SAFE) ដែលជាផ្នែកមួយនៃធនាគារកណ្តាលចិន ទទួលបន្ទុកក្នុងការគ្រប់គ្រងប្រចាំថ្ងៃនៃប្រាក់បំរុងបរទេសចំនួន៣,២ពាន់លានដុល្លារ ។
មូលនិធិមួយនឹងត្រូវដាក់ឈ្មោះHua Mei ឬចិន-អាមេរិក សម្រាប់ការវិនិយោគនៅសហរដ្ឋអាមេរិក ហើយមូលនិធិមួយផ្សេងទៀតមានឈ្មោះថា Hau Ouឬ ចិនអឺរ៉ុប សម្រាប់ការវិនិយោគក្នុងទីផ្សារអឺរ៉ុប ។ បែបផែននៃមូលនិធិប្រហែលជាស្រដៀងនឹងមូលនិធិHua An ដែលមានទីតាំងនៅក្នុងទីក្រុងហុងកុងដែលគេស្គាល់ជាភាសាអង់គ្លេសថា SAFE Investment Company Ltd ។ ជាងនេះទៅទៀត SAFE បានទិញភាគហ៊ុនជាច្រើននៅបរទេស ។
មេដឹកនាំចិននាពេលថ្មីៗនេះនិយាយថា ពួកគេនឹងស្វែងរការវិនិយោគនៅសហរដ្ឋអាមេរិក និងអឺរ៉ុប ។ តែប្រភពមួយផ្សេងទៀតប្រាប់ឱ្យដឹងថា ដំណើរការរបស់មូលនិធិនោះគឺវាស្រដៀងនឹងវិធីសាស្ត្រ ក្នុងទីក្រុងសៀងហៃ ហើយប្រហែលជានឹងលក់រូបិយវត្ថុយន់នៅទីផ្សារក្នុងស្រុក ។ តាមប្រភពមួយនិយាយថា ក្រុមហ៊ុនដែលបង្កើតចេញពីមូលនិធិ នឹងបញ្ចេញប្រាក់យន់ ហើយក្រោយមកខ្លួនអាចយកប្រាល់យន់នោះទៅទិញរូបិយវត្ថុបរទេសពីធនាគារកណ្តាល និងធនាគារធម្មតាឬ ការវិនិយោគបរទេស។
ពេលណាប្រទេសចិនបង្កើតក្រុមហ៊ុនសម្រាប់វិនិយោគChina Investment Corp(CIC) នៅឆ្នាំ២០០៧ ក្រសួងហិរញ្ញវត្ថុចិនបានចេញប្រាក់ចំនួន១,៥៥សែនកោដិយន់ ដើម្បីប្រមូលទិញរូបិយវត្ថុបរទេសចំនួន២០០ពាន់លានដុល្លារ ពីSAFE ក្នុងពេលវាមានចំនួនច្រើនលើសលប់។ នៅខែមេសា ២០១០ លោកប្រធានធនាគារកណ្តាលចិនZhou Xiachuan និយាយថា ប្រទេសចិននឹងបង្កើតផែនការថ្មីក្នុងការគ្រប់គ្រងប្រាក់បំរុងបរទេស។
កិច្ចប្រជុំកំពូលអឺរ៉ុបមិនអាចធ្វើឲ្យការវិនិយោគនៅស្ងៀមយូរឡើយ កាលពីសប្តាហ៍កន្លងទៅមានកិច្ចប្រជុំសហភាពអឺរ៉ុប ហើយកិច្ចប្រជុំដូចជាបានដើរទៅឆ្ងាយជិតកៀកដល់ទំនាក់ទំនងសេដ្ឋកិច្ចស្អិតរមួត ដែលជាតំរូវការក្នុងការការពារវិបត្តិប្រាក់បំណុល ប៉ុន្តែខាងទីផ្សារដូចជាកាត់សេចក្តីថា វាដូចជានៅខ្សោយ និងយឺតពេលបន្តិចក្នុងការដោះស្រាយវិបត្តិនាពេលបច្ចុប្បន្ន ។
កិច្ចប្រជុំនោះមិនអាចធ្វើឱ្យអ្នកវិនិយោគស្ងប់ចិត្តបានយូរអង្វែងឡើយ។ មេដឹកនាំសហភាពអឺរ៉ុបបានបញ្ចប់កិច្ចប្រជុំជាមួយកិច្ចព្រមព្រៀងជាប្រវត្តិសាស្ត្រ ក្នុងការធ្វើវិសោធនកម្មសន្ធិសញ្ញាថ្មី ដើម្បីធ្វើអន្តរាគមន៍កាន់តែស៊ីជម្រៅក្នុងតំបន់ប្រើប្រាស់ប្រាក់អឺរ៉ូ។ ប៉ុន្តែអ្នកវិភាគនិងអ្នកច្បាប់នៅតែមានសុទិដ្ឋិនិយមថាវាជាការបោះជំហានមួយដ៏វែងឆ្ងាយ ដែលអាចជួយដោះស្រាយវិបត្តិដែលញាំញីទ្វីបអឺរ៉ុបអស់រយៈពេល២ឆ្នាំ ។
ក្នុងពេលលោកស្រីអធិការបតីអាល្លឺម៉ង់ Angela Merkel និយាយថា គាត់មិនសង្ឃឹមថា មេដឹកនាំទាំងអស់និងជួបជុំគ្នាម្តងទៀតមុន ពេលបុណ្យគ្រីស្តស្មាស់ តែមន្ត្រីជាន់ខ្ពស់របស់សហភាពអឺរ៉ុបនិយាយថា សម្ពាធនៃទីផ្សារនឹងជំរុញឱ្យមានកិច្ចប្រជុំម្តងទៀតក្នុងពេលឆាប់ៗនេះ។ ប្រាក់អឺរ៉ូបានធ្លាក់ចុះនៅថ្ងៃចន្ទ ក្នុងទីផ្សារអាស៊ី ព្រោះអ្នកវិនិយោគមើលឃើញថា ផែនការសហភាពអឺរ៉ុបមិនទទួលបានការសម្រេចគាំទ្រចំពោះដំណើរចលនានេះឡើយដើម្បីដោះស្រាយវិបត្តិប្រាក់បំណុល។
មេដឹកនាំអឺរ៉ុបព្រមព្រៀងខ្ចីប្រាក់ចំនួន២០០ពាន់លានអឺរ៉ូពីIMF ដើម្បីជួយតំបន់អឺរ៉ុបនិងជួយនាំឱ្យធានាជានិរន្តរ៍ដល់យន្តការស្ថិរភាពមូលនិធិប្រាក់អឺរ៉ូនៅដំណាច់ឆ្នាំ២០១២ ។ គ្រាន់តែប្រទេសអ៊ីតាលីមួយមានប្រាក់ជំពាក់ដល់ទៅ១៥០ពាន់លានដុល្លារឯណោះ ៕
ចែករំលែកព័តមាននេះ