ក្រុមអ្នកស្រាវជ្រាវបានអះអាង ហាត់ប្រាណត្រឹមតែ១នាទីក្នុងមួយថ្ងៃអាចទប់ស្កាត់ជំងឺទឹកនោមផ្អែមបាន ។ ការធាក់កង់ជិតៗ៣ដងក្នុងមួយសប្តាហ៍វាគ្រប់គ្រាន់ល្មមអាចការពារនិងអាចព្យាបាលជំងឺទឹកនោមផ្អែមប្រភេទ២បាន ។ នេះគឺជាការរកឃើញថ្មីបំផុតរបស់សាកលវិទ្យាល័យប្រទេសអង់គ្លេស Bath University។ នៅក្នុងការពិសោធដែលមានរយៈពេល៦សប្តាហ៍ អ្នកស្ម័គ្រចិត្តត្រូវបានអ្នកវិទ្យាសាស្ត្រឲ្យធាក់កង់២០វិនាទី៣ដងក្នុងមួយសប្តាហ៍។ ជាលទ្ធផលគេពិនិត្យឃើញថា មុខងារអាំងស៊ុយលីនរបស់អ្នកស្ម័គ្រពិសោធន៍បានល្អប្រសើរឡើង២៨ភាគរយ។
ជំងឺទឹកនោមផ្អែមប្រភេទ២កើតឡើងនៅពេលកម្រិតស្ករក្នុងឈាមពូនផ្តុំដល់ចំណុចមួយដែលគ្រោះថ្នាក់និងបន្ថយមុខងារអាំងស៊ុយលីន។ លក្ខខណ្ឌនេះអាចគម្រាមកំហែងដល់អាយុជីវិតបង្កើតជាភាពស្មុគស្មាញដល់បេះដូង ក្រលៀន ភ្នែក អវយវៈដៃជើង ហើយឈានទៅរកការព្យាបាលមួយដែលចាយអស់ប្រាក់១លានផោនក្នុង១ម៉ោង។ ការហាត់ប្រាណទៀងទាត់អាចជួយរក្សាកម្រិតស្ករក្នុងឈាមឲ្យនៅទាប។ ប៉ុន្តែបែបបទនៃការរស់នៅដ៏សម្បូរបែបរួមនឹងកង្វះខាតការជម្រុញលើកទឹកដីធ្វើឲ្យមនុស្ស៦០ភាគរយមិនទទួលបានការហាត់ប្រាណជាមធ្យមរយៈពេល៣០នាទី៥ថ្ងៃក្នុងមួយសប្តាហ៍នោះទេ ។
វេជ្ជបណ្ឌិត Niels Vollaardដែលជាអ្នកដឹកនាំការស្រាវជ្រាវបាននិយាយថា៖«សាច់ដុំរបស់យើងមានកន្លែងទុកជាតិស្ករសម្រាប់ប្រើប្រាស់អំឡុងការហាត់ប្រាណឈ្មោះថា Glycogen។ ដើម្បីរក្សាទុកជាតិស្ករទាំងនេះជាថ្មីបន្ទាប់ពីការហាត់ប្រាណ សាច់ដុំចាំបាច់ត្រូវទាញយកសារធាតុស្ករពីក្នុងឈាម។ ចំពោះមនុស្សដែលមិនមានសកម្មភាព ត្រូវការបែបនេះរបស់សាច់ដុំគឺមានតិចតួច ហើយដែលបញ្ហានេះអាចនាំទៅរកការចុះខ្សោយអាំងស៊ុយលីន កើនកម្រិតជាតិស្ករក្នុងឈាមនិងទីបំផុតកើតជំងឺទឹកនោមផ្អែមប្រភេទ២។
យើងពិតជាបានដឹងហើយថា ការហ្វឹកហាត់ដោយធាក់កង់ញាប់ជើងអាចធ្វើឲ្យល្អប្រសើរនូវភាពចុះខ្សោយរបស់អាំងស៊ុយលីន( Insulin Sensitivity)»។ វេជ្ជបណ្ឌិតដដែលបានបានបន្តថា៖«យើងបានដឹងថា គ្មានមធ្យោបាយណាដែលលឿននិងងាយស្រួលក្នុងការធ្វើឲ្យសាច់ដុំប្រើប្រាស់ Glycogenបានល្អជាងការហាត់ប្រាណរយៈពេលខ្លីដូចដែលយើងបានធ្វើនោះទេ។
ការហាត់ប្រាណនេះវាអាចបំបែក Glycogenបានច្រើនដូចការហាត់ប្រាណជាមធ្យមដែលយើងធ្លាប់បានធ្វើអស់មួយម៉ោង។ នេះពិតជារឿងមួយថ្មីដ្បិតមិនធ្លាប់មានការសិក្សាណាមួយបង្ហាញពីវិធីងាយហាត់ប្រាណរយៈពេលខ្លីផ្តល់នូវផលប្រយោជន៍សុខភាពដូច្នេះទេ» ៕
ចែករំលែកព័តមាននេះ