ខេត្តកំពង់ឆ្នាំង ៖ នៅសាលប្រជុំនៃទីបញ្ជាការតំបន់ប្រតិបត្តិការសឹករង កំពង់ឆ្នាំង កាលពី ព្រឹកថ្ងៃទី៨ ធ្នូ មានរៀបចំពិធីបរិច្ចាគឈាម របស់នាយទាហាន ពលទាហាន និងកងឯកភាពតំបន់ប្រតិបត្តិការសឹករងកំពង់ឆ្នាំង ក្រោមអធិបតីភាពលោកឧត្តមសេនីយ៍ត្រីឈួរ ច័ន្ទឌឿន មេបញ្ជាការកងឯកភាពតំបន់ប្រតិបត្តិការសឹករងកំពង់ឆ្នាំង និងមានការអញ្ជើញចូលរួមពីមេបញ្ជាការរង
ខេត្តកំពង់ឆ្នាំង ៖ នៅសាលប្រជុំនៃទីបញ្ជាការតំបន់ប្រតិបត្តិការសឹករងកំពង់ឆ្នាំង កាលពី ព្រឹកថ្ងៃទី៨ ធ្នូ មានរៀបចំពិធីបរិច្ចាគឈាម របស់នាយទាហាន ពលទាហាន និងកងឯកភាពតំបន់ប្រតិបត្តិការសឹករងកំពង់ឆ្នាំង ក្រោមអធិបតីភាពលោកឧត្តមសេនីយ៍ត្រីឈួរ ច័ន្ទឌឿន មេបញ្ជាការកងឯកភាពតំបន់ប្រតិបត្តិការសឹករងកំពង់ឆ្នាំង និងមានការអញ្ជើញចូលរួមពីមេបញ្ជាការរង នាយទាហាន និងពលទាហានជាច្រើនរូបទៀត ។
លោកវរសេនីយ៍ឯកនន្ទ រាសី មេបញ្ជាការរងកងឯកភាពតំបន់ប្រតិបត្តិការសឹករងកំពង់ឆ្នាំង និងជាប្រធានក្រុមការងារសម្របសម្រួលកម្មវិធីបរិច្ចាគឈាមមានប្រសាសន៍ថា នេះជាការបរិច្ចាគឈាមលើកទី២ហើយ ដែលនាយទាហាន ពលទាហាន ក្នុងកងឯកភាពតំបន់ប្រតិបត្តិការសឹករងកំពង់ឆ្នាំង បានលះបង់ឈាម បរិច្ចាគដល់មន្ទីរពេទ្យខេត្ត ដើម្បីជួយសង្គ្រោះជីវិតមនុស្ស ដែលលើកទីមួយបានផ្តល់ឈាមនៅថ្ងៃទី១៤ វិច្ឆិកា ចំនួន១១៣នាក់ និងថ្ងៃទី៨ ធ្នូ នេះ មានចំនួន២៣៩នាក់ ។
លោកឧត្តមសេនីយ៍ត្រីឈួរ ច័ន្ទឌឿន មេបញ្ជាការតំបន់ប្រតិបត្តិការសឹករងកំពង់ឆ្នាំង មានប្រសាសន៍ថា ដោយយោងតាមអនុសាសន៍របស់សម្តេចអគ្គមហាសេនាបតីតេជោ ហ៊ុន សែន ស្តីពីការបរិច្ចាគឈាមដើម្បីសង្គ្រោះជីវិតមនុស្ស ព្រោះថា ឈាមមានសារសំខាន់ខ្លាំងណាស់ សម្រាប់ជួយជីវិតមនុស្ស ហើយបើយើងមិនបានធ្វើអ្វី ឬបរិច្ចាគធនធានដើម្បីជួយជាតិក៏យើងមានឈាម ដើម្បីជួយជីវិតមនុស្សដែរ ។ ដោយហេតុនេះហើយ ទើបលោកអំពាវនាវដល់នាយទាហាន ពលទាហានទាំងអស់ ដើម្បីលះបង់ឈាមជួយជីវិតមនុស្ស ដែលនេះជាមោទនភាពខ្លាំងណាស់សម្រាប់អង្គភាពរបស់លោក ។
ក្រុមគ្រូពេទ្យដែលបានទទួលឈាមបានប្រាប់ថា ថ្វីបើការបរិច្ចាគឈាមរបស់ទាហានមានដល់ជាង២០០នាក់ ប៉ុន្តែមិនប្រាកដយកបានទាំងអស់នោះទេ គឺទី១-សុខភាព និងទី២-ឈាមគ្រុបA ផ្អាកទទួល ព្រោះសល់ក្នុងឃ្លាំងច្រើនណាស់ ៕
ចែករំលែកព័តមាននេះ