អ្នកវិទ្យាសាស្ត្របាននិយាយថា បណ្តាស្ត្រីវ័យក្មេងដែលទទួលទានត្រីជាប្រចាំរៀងរាល់សប្តាហ៍ មានភាគរយកើតជំងឺបេះដូងតិចតួចបំផុត។ ការសិក្សាមួយដែលធ្វើឡើងដោយក្រុមអ្នកវិទ្យាសាស្ត្ររបស់ប្រទេសដាណឺម៉ាកបានរកឃើញថា ទទួលទានរបបអាហារដែលសំបូរដោយត្រីអាចកាត់បន្ថយការគាំងបេះដូងព្រមទាំងជំងឺដាច់សរសៃឈាមក្នុងខួរក្បាលបាន៩០ភាគរយ ។
អ្នកវិទ្យាសាស្ត្របាននិយាយថា បណ្តាស្ត្រីវ័យក្មេងដែលទទួលទានត្រីជាប្រចាំរៀងរាល់សប្តាហ៍ មានភាគរយកើតជំងឺបេះដូងតិចតួចបំផុត។ ការសិក្សាមួយដែលធ្វើឡើងដោយក្រុមអ្នកវិទ្យាសាស្ត្ររបស់ប្រទេសដាណឺម៉ាកបានរកឃើញថា ទទួលទានរបបអាហារដែលសំបូរដោយត្រីអាចកាត់បន្ថយការគាំងបេះដូងព្រមទាំងជំងឺដាច់សរសៃឈាមក្នុងខួរក្បាលបាន៩០ភាគរយ ។
តាមការសិក្សាពិសោធន៍លើបុរសលើកមុនៗបញ្ជាក់ថា អត្ថប្រយោជន៍របស់ត្រីចំពោះសុខភាពមនុស្សកើតឡើងក៏ព្រោះតែវាមានអាស៊ីដខ្លាញ់អូមេហ្គា-៣។ សារធាតុនេះមានច្រើននៅក្នុងត្រីសូម៉ុង ត្រីស្បៃកា និងត្រីសាឌីន។ អ្នកដឹកនាំការស្រាវជ្រាវវេជ្ជបណ្ឌិត Marin Stromមកពីវិទ្យាស្ថានផ្នែកស្រាវជ្រាវ Statens Serum Institut របស់ដាណឺម៉ាកបាននិយាយថា៖«ការសិក្សារបស់យើងបង្ហាញថា បណ្តាស្ត្រីវ័យក្មេងដែលទទួលទានត្រីគឺពិតជាមានសារៈសំខាន់ចំពោះសុខភាពជាទូទៅ»។
សូមបញ្ជាក់ថា ការសិក្សាលើកនេះបានពិសោធន៍លើស្ត្រី៤៩.០០០នាក់អាយុចាប់ពី១៥ទៅ៤៩ឆ្នាំដោយចំណាយពេលអស់៨ឆ្នាំ ។ វេជ្ជបណ្ឌិត Marin Stromបានបញ្ជាក់ទៀតថា៖«វាជាការសិក្សាលើកដំបូងដែលបានផ្តោតជាសំខាន់ទៅលើស្ត្រី។ ថ្វីបើយើងបានរកឃើញពីផលប្រយោធន៍ទប់ទល់នឹងជំងឺបេះដូងក្នុងកម្រិតរបបអាហារមធ្យម ប៉ុន្តែក្នុងកម្រិតខ្ពស់ជាងនេះប្រហែលជាអាចនាំមកនូវផលប្រយោជន៍បន្ថែមទៀតផងដែរ»។
លទ្ធផលនៃការរកឃើញនៅពេលនេះ ក្រុមអ្នកស្រាវជ្រាវសង្ឃឹមថា នឹងជួយលើកទឹកចិត្តដល់មនុស្សក្មេងៗងាកមកទទួលទានត្រីកាន់តែច្រើនឡើង៕
ចែករំលែកព័តមាននេះ