ខេត្តប៉ៃលិន ៖ អំណោយជាថវិកាចំនួន៥ ម៉ឺនរៀលដែលកោះសន្តិភាពបានទទួលពីសប្បុរសជន ត្រូវបាននាំយកទៅប្រគល់ជូនលោកយាយអាយុ៧៨ឆ្នាំកាលពីវេលាម៉ោង៣និង៤៥នាទី រសៀលថ្ងៃទី១ ខែធ្នូ កន្លងមកនេះ។ លោកយាយវ័យចំណាស់រូបនេះរស់នៅឯកោម្នាក់ឯង ស្ថិតនៅក្នុងភូមិអូររអិល ឃុំស្ទឹងកាច់ ស្រុកសាលាក្រៅ ។
ខេត្តប៉ៃលិន ៖ អំណោយជាថវិកាចំនួន៥ ម៉ឺនរៀលដែលកោះសន្តិភាពបានទទួលពីសប្បុរសជន ត្រូវបាននាំយកទៅប្រគល់ជូនលោកយាយអាយុ៧៨ឆ្នាំកាលពីវេលាម៉ោង៣និង៤៥នាទីរសៀលថ្ងៃទី១ ខែធ្នូ កន្លងមកនេះ។ លោកយាយវ័យចំណាស់រូបនេះរស់នៅឯកោម្នាក់ឯង ស្ថិតនៅក្នុងភូមិអូររអិល ឃុំស្ទឹងកាច់ ស្រុកសាលាក្រៅ ។
លោកយាយតាត ពៅ អាយុ៧៨ឆ្នាំ បច្ចុប្បន្នរស់នៅឯកោម្នាក់ឯងមិនមានកូនមើលថែ គឺរស់ដោយសារពឹងផ្អែកទៅលើអ្នកភូមិផងរបងជាមួយដែលគេតែងជូនបាយទឹក និងម្ហូបអាហារស្ទើរតែរៀងរាល់ថ្ងៃ ។ លោកយាយតាត ពៅ នៅមានកម្លាំងល្មមអាចធ្វើដំណើរដោយមិនពឹងលើឈើច្រត់ទេ ។ លោកយាយបានប្រាប់កោះសន្តិភាពថា កាលពីកន្លះខែមុន អ្នកជិតខាងគេអាណិតដោយឃើញខ្ទមគាត់ធ្លុះធ្លាយលេចស្រក់ទឹកនៅពេលភ្លៀង គេក៏បាននាំគ្នារុះរើខ្ទមចាស់ចេញ ហើយសង់ខ្ទមថ្មីនៅលើដីដដែលជូនរូបគាត់ស្នាក់នៅបន្តទៀត ។ រីឯដីដែលគាត់សង់ខ្ទមរស់នៅជាដីខ្ចីអ្នកជិតខាង ព្រោះរូបគាត់គ្មានដីភូមិ ឬដីចំការទេ ហើយការរស់នៅគឺពឹងផ្អែកទៅលើអ្នកភូមិដែលគេអាណិតស្រឡាញ់ដាក់ទានជាបាយម្ហូប អង្ករជូនរូបគាត់ ជួនកាលគេជូនជាប្រាក់កាសបន្តិចបន្តួចដែរគ្រាន់បានទិញថ្នាំលេបពេលមានជំងឺម្តងៗ ។
លោកយាយតាត ពៅ បានបន្តថា រូបគាត់មានចិត្តត្រេកអរយ៉ាងខ្លាំងពេលទទួលបានប្រាក់ទាំងអស់នេះហើយក៏សូមថ្លែងអំណរគុណចំពោះម្ចាស់អំណោយដែលបានផ្តល់ជូនរូបគាត់តាមរយៈកោះសន្តិភាពផងដែរ។ បើទោះបីជាទឹកប្រាក់នេះមានចំនួនតិចតួចស្តួចស្តើងក្តី ប៉ុន្តែលោកយាយបានមានប្រសាសន៍ថា អំណោយនេះច្រើនខ្លាំងណាស់ មួយជីវិតនេះរូបគាត់គ្មានអ្វីសងគុណដល់ម្ចាស់អំណោយវិញទេ មានតែលើកម្រាមដៃទាំងដប់ឡើងលើបួងសួងសូមឱ្យម្ចាស់អំណោយជួបតែសេចក្តីសុខ ជួបជុំក្រុមគ្រួសារ កុំឱ្យស្គាល់អត់ស្គាល់ឃ្លានដូចជារូបគាត់ឡើយ ។ ទឹកប្រាក់៥ម៉ឺនរៀលដែលបានផ្តល់ជូនលោកយាយគឺទទួលបានពីលោកសេង គី លក់ជ្រូកខ្វៃនៅច្បារអំពៅ ៣ម៉ឺនរៀល និងកញ្ញាស្រី ពៅ ២ម៉ឺនរៀល ៕
ចែករំលែកព័តមាននេះ