ភាពចម្រូងចម្រាស់ដ៏តឹងតែងមួយបានកើតឡើងក្នុងប្រទេសប៉ាគីស្ថានបន្ទាប់ពីលេចចេញរូបថតស្រាតរបស់តារាសម្តែង Veena Malik នៅលើក្របទស្សនាវដ្តី India FHM ចេញផ្សាយក្នុងខែធ្នូ ឆ្នាំ២០១១ នេះ ។ កាសែត The Hindustan Time បានរាយការណ៍ថា តារាសម្តែងប៉ាគីស្ថាន Veena Malik ដែលធ្វើការងារនៅក្នុងប្រទេសឥណ្ឌា បានថតរូបស្រាត ដោយយកដៃបិទសុដន់ទាំងគូរបស់នាង និងឈរលើកជើងម្ខាងដោយបង្ហាញស្នាមចាក់សាក់អក្សរ ISI នៅលើដៃដែលអក្សរនេះមានន័យសំដៅទៅលើទីភ្នាក់ងារចារកម្មដែលមានវត្តមានគ្រប់ទីកន្លែងរបស់ប៉ាគីស្ថាន ។
ការលេចចេញរូបថតស្រាតនេះបានធ្វើឱ្យប្រជាជនប៉ាគីស្ថានខឹងសម្បាយ៉ាងខ្លាំងដោយនិយាយថា រូបថតនេះវាគួរឱ្យស្អប់ខ្ពើម និងខ្មាសអៀនខ្លាំងណាស់ ហើយប្រសិនបើនាងថតរូបបែបនេះមែននោះ រដ្ឋាភិបាលគួរតែហាមនាងមិនឱ្យចូលក្នុងប្រទេសប៉ាគីស្ថាន មួយជីវិតទើបសម។ ចំណែកឯទីភ្នាក់ងារព័ត៌មានប៉ាគីស្ថានវិញបានច្រានចោលចំពោះរូបថតស្រាតនោះ ដោយនិយាយថា នាងមិនដែលថតរូបស្រាតបែបហ្នឹងទេ ។ ការច្រានចោលនេះ វាស្របគ្នាជាមួយនឹងនាង Veena Malilk ដែលបានបដិសេធចោលចំពោះរូបថតស្រាតនេះដែរ។
ជាការឆ្លើយតបទៅនឹងទីភ្នាក់ងារព័ត៌មានប៉ាគីស្ថាន និពន្ធនាយកការផ្សាយទស្សនាវដ្តី FHM បាននិយាយថា ៖ នេះគឺជារូបថតពិតរបស់នាងមិនមែនក្លែងក្លាយ ឬកាត់តនោះទេ ។ លោកបានបន្តទៀតថា យើងមានខ្សែអាត់វីឌីអូ និងអ៊ីម៉ែលពីនាង Veena ដែលក្នុងអ៊ីម៉ែលនោះនាងបាននិយាយថា ៖ខ្ញុំចង់ឃើញរូបថតស្រាតរបស់ខ្ញុំនៅលើក្របទស្សនាវដ្តីសម្រាប់ខែធ្នូនេះ៕
ចែករំលែកព័តមាននេះ