រាជធានីភ្នំពេញ ៖ ចាប់បានជនជាប់សង្ស័យប្លន់រថយន្តអ្នករត់តាក់ស៊ីភ្នំព្រឹក ក្រុងបាត់ដំបងរសៀលថ្ងៃទី៣០ វិច្ឆិកា ២០១១ សមត្ថកិច្ចនគរបាលរាជ ធានីភ្នំពេញសហការជាមួយនគរបាលខណ្ឌចំការមន បានស្ទាក់ចាប់ រថយន្តមួយគ្រឿងម៉ាកកាមរីឆ្លាមពណ៌ស្ករ ស៊េរីឆ្នាំ១៩៩៧ ពាក់ស្លាកលេខភ្នំពេញ 2D 6343 នៅចំណុចស្ថានីយប្រេងឥន្ធនៈ សូគីម៉ិចច្រមុះជ្រូកក្បាលថ្នល់ ស្ថិតក្នុង
រាជធានីភ្នំពេញ ៖ ចាប់បានជនជាប់សង្ស័យប្លន់រថយន្តអ្នករត់តាក់ស៊ីភ្នំព្រឹក ក្រុងបាត់ដំបងរសៀលថ្ងៃទី៣០ វិច្ឆិកា ២០១១ សមត្ថកិច្ចនគរបាលរាជធានីភ្នំពេញសហការជាមួយនគរបាលខណ្ឌចំការមន បានស្ទាក់ចាប់រថយន្តមួយគ្រឿងម៉ាកកាមរីឆ្លាមពណ៌ស្ករ ស៊េរីឆ្នាំ១៩៩៧ ពាក់ស្លាកលេខភ្នំពេញ 2D 6343 នៅចំណុចស្ថានីយប្រេងឥន្ធនៈសូគីម៉ិចច្រមុះជ្រូកក្បាលថ្នល់ ស្ថិតក្នុងសង្កាត់ផ្សារដើមថ្កូវ ខណ្ឌចំការមន ។
ក្រុមសមត្ថកិច្ចបានកំណត់ជាជំហានដំបូងថាការឃាត់រថយន្តនេះ គឺជាករណីជាប់ពាក់ព័ន្ធនឹងការប្លន់អ្នករត់តាក់ស៊ីភ្នំព្រឹក- ក្រុងបាត់ដំបងដែលចាប់ម្ចាស់រថយន្តយកមកឃុំឃាំងក្នុងផ្ទះសំណាក់មហាលាភ រាជធានីភ្នំពេញ ។ ជនសង្ស័យ៣នាក់ក៏ត្រូវបានសមត្ថកិច្ចឃាត់ខ្លួននៅក្នុងរថយន្តដែលកំពុងបើកបរដល់ចំណុចខាងលើនេះ ១-ឈ្មោះទី ចក់ភេទប្រុស អាយុ២៨ឆ្នាំ ២-ឈ្មោះអ៊ួង បុប្ផា ភេទប្រុស អាយុ៣០ឆ្នាំ និងទី៣-ឈ្មោះចាន់ វឌ្ឍនា ភេទប្រុស អាយុ៣១ឆ្នាំ ។ នៅចំពោះមុខសមត្ថកិច្ចឈ្មោះអ៊ួង បុប្ផា បាននិយាយថា ខ្លួនមានមុខរបររកសីុទិញ លក់រថយន្ត ប៉ុន្តែករណីខាងលើនេះអត់ពាក់ព័ន្ធនឹងរូបគេឡើយ ។ ដោយឡែកឈ្មោះចាន់ វឌ្ឍនា ក៏និយាយដូចគ្នាដែរ ។ ចំណែកឯឈ្មោះទី ចក់ និយាយថា រថយន្តខាងលើគឺរូបគេទិញពីបុរស និងស្ត្រីជាប្តីប្រពន្ធដែលបានយកទៅលក់ឱ្យខ្លួនដល់យានដ្ឋានជួសជុលរថយន្តក្នុងតម្លៃ៦.២០០ដុល្លារ ។
ចំណែកឯការធ្វើដំណើរជាមួយគ្នានៅក្នុងរថយន្តនេះគឺពួកគេនាំគ្នាទៅរកទិញរថយន្ត LEXUS មួយគ្រឿងទៀត នៅកន្លែងផ្សេង ។ ទោះបីជាមានការបកស្រាយបែបនេះ ក្តី ក៏បូ៉លិសកំពុងបន្តធ្វើការសួរនាំបន្តទៀត ព្រោះរថយន្តនេះមានភិនភាគពាក់ព័ន្ធដូចករណីប្លន់រថយន្តពីអ្នករត់តាក់ស៊ីអ៊ីចឹង ។
សូមបញ្ជាក់ថា មុននេះបន្តិចចោរប្លន់៣នាក់បានចាប់អ្នករត់តាក់ស៊ីម្នាក់ចងដៃ ចងជើងជាប់រួចប្លន់យករថយន្ដដែលកំពុងដឹកពួកគេធ្វើដំណើរពីទីប្រជុំ ជនស្រុកភ្នំព្រឹកមកកាន់ក្រុងបាត់ ដំបង ប៉ុន្តែក្រុមចោរមិនបានទម្លាក់អ្នករត់តាក់ស៊ីនោះនៅក្រុងបាត់ដំបងទេ បែរជាដឹកបង្ហួសចូលមករាជធានីភ្នំពេញ និងចូលមកស្នាក់នៅមួយភ្លែតក្នុងផ្ទះ សំណាក់មហាលាភ បន្ទាប់មកគេចខ្លួនចេញពីផ្ទះសំណាក់កាលពីវេលាម៉ោង៥ភ្លឺ ថ្ងៃទី៣០វិច្ឆិកា២០១១ ហើយជាង៤ម៉ោងក្រោយមកទើបរាយការណ៍ប្រាប់ សត្ថកិច្ចឱ្យចុះទៅត្រួតពិនិត្យ។
វេលាម៉ោង១០ព្រឹក ថ្ងៃទី៣០វិច្ឆិកា២០១១ ប៉ូលិសបានដឹកនាំកម្លាំង សហការជាមួយអាជ្ញាធរមូលដ្ឋាន ចុះទៅត្រួតពិនិត្យកន្លែងដែលចោរឃុំឃាំងជនរងគ្រោះ នៅផ្ទះសំណាក់មហាលាភ ស្ថិតនៅតាមបណ្ដោយផ្លូវជាតិលេខ៦អា ភូមិកៀនឃ្លាំង សង្កាត់កៀនឃ្លាំង ខណ្ឌឫស្សីកែវ និងធ្វើការសាកសួរ ដល់ជនរងគ្រោះជុំវិញអំពើប្លន់នេះ។
បុរសរងគ្រោះឈ្មោះអ៊ឹង ឧត្តម ហៅវែង អាយុ២៧ឆ្នាំ ជាអ្នករត់តាកស៊ីភ្នំព្រឹក-ក្រុងបាត់ដំបង បើកបររថយន្ដម៉ាកកាមរី ស៊េរី ឆ្នាំ១៩៩៧ (ឆ្លាម) ពណ៌ស្ករ បានឱ្យដឹងថា ចោរប្លន់យកទៅមានរថយន្ដ១គ្រឿង ទូរស័ព្ទ១គ្រឿង និងលុយជាង១០ម៉ឺនរៀល។ ក្រុមចោរប្លន់មានគ្នា៣នាក់ បានរត់គេចខ្លួនបាត់ទៅហើយ… ឥឡូវប៉ូលិសកំពុងស្រាវជ្រាវតាមចាប់ក្រុមចោរទាំងនោះ។
ចែករំលែកព័តមាននេះ