ផ្សារហ៊ុនអាស៊ីនិងប្រាក់អឺរ៉ូកើនឡើងចូលថ្ងៃទី២ នាសប្តាហ៍ថ្មីនេះ។ ការកើនឡើងនោះដោយសារអ្នកវិនិយោគទិញចូលច្រើន ព្រោះសង្ឃឹមថា គោលនយោបាយទ្វីបអឺរ៉ុបនិងផ្តល់ព័ត៌មានលំអិតនៃគ្រោងការផ្លូវដើរប្រកបដោយសុពលភាពនៃប្រាក់មូលនិធិជំនួយ ដើម្បីប្រើប្រាស់ក្នុងទីផ្សារបំណុលក្នុងតំបន់។ផ្សារហ៊ុនអាស៊ីប៉ាស៊ីហ្វិក MSCI កើនឡើង១,៨ភាគរយ គិតត្រឹមម៉ោង៣និង៤នាទីម៉ោងនៅទីក្រុងតូក្យូ។
កាលពីថ្ងៃសុក្រសប្តាហ៍មុនបិទផ្សារហ៊ុននេះធ្លាក់ចុះដល់បាត់ដែលមិនធ្លាប់មានគិតត្រឹម៧សប្តាហ៍ចុងក្រោយគឺធ្លាក់ចុះ៧,៤ភាគរយ។ ផ្សារហ៊ុនជប៉ុនNikkei 225 កើនឡើង២ភាគរយ ផ្សារហ៊ុនកូរ៉េខាងត្បូងKospi កើនឡើង២,៣ភាគរយ ហើយផ្សារហ៊ុនអូស្ត្រាលីS&P/ASX 200 កើនឡើង១,១ភាគរយ។ លោកHirokazu Yuihama អ្នកយុទ្ធសាស្ត្រនៃក្រុមហ៊ុនDaiwa Capital Markets និយាយថា មានព័ត៌មានវិជ្ជមានមួយចំនួនបានវាយលុកទីផ្សារបានផ្តល់តម្លៃយ៉ាងល្អសម្រាប់ទីផ្សារ ហើយក៏លើកទឹកចិត្តដល់អ្នកវិនិយោគអាចដាក់ភាគហ៊ុនចូលមួយគ្រា បន្ទាប់ពីមានការធ្លាក់ចុះនាពេលកន្លងទៅ។
ផ្សារហ៊ុនអាស៊ីដ៏ធំមហិមាដូចជា មិនអើពើចំពោះការលើកឡើងរបស់សារព័ត៌មានបារាំង ជាច្រើនដែលនិយាយថា ក្រុមហ៊ុនStandard& Poor អាចផ្លាស់ប្តូរទស្សនវិស័យនៃអត្រាឥណទានដល់កំពូលបារាំងទៅរកភាពអវិជ្ជមានក្នុងរយៈពេល១០ថ្ងៃខាងមុខ ប៉ុន្តែផ្សារភាគហ៊ុនអឺរ៉ុបក៏ត្រូវបានគេរៀបចំដើម្បីធ្លាក់ចុះដែរ។ ដូចជាផ្សារហ៊ុនអង់គ្លេសFTSE និងអាល្លឺម៉ង់ DAX ពេលបើកផ្សារហ៊ុននៅថ្ងៃអង្គារធ្លាក់ចុះ០,១ភាគរយ។ ចំណែកផ្សារហ៊ុនបារាំង CAC-40 ធ្លាក់ចុះ០,៤ភាគរយ។
រដ្ឋមន្ត្រីតំបន់ប្រើប្រាស់ប្រាក់អឺរ៉ុបបានជួបប្រជុំគ្នាថ្ងៃនេះ (២៩ វិច្ឆិកា) ដើម្បីអនុម័តច្បាប់នៃប្រតិបត្តិការលំអិត សម្រាប់ជំនួយមូលនិធិក្នុងតំបន់ ស្ថេរភាពហិរញ្ញវត្ថុអឺរ៉ុប និងបើកផ្លូវសម្រាប់លំហូរសាច់ប្រាក់ចំនួន៤៤០ពាន់លានអឺរ៉ូ ដើម្បីទាក់ទាញសាច់ប្រាក់ពីអ្នកនិវិយោគផង។ ចំណែកប្រទេសអ៊ីតាលីនឹងប្រទេសប៊ែលហ្ស៊ិក និងចេញច្បាប់ពាណិជ្ជកម្មរូបិយវត្ថុ។
ប្រាក់អឺរ៉ូកើនឡើង០,៣ភាគរយ ឬមួយអឺរ៉ូបន្តបាន១,៣៣៦៤ដុល្លារកាលពីថ្ងៃអង្គារ៍ ។ ចំណែកប្រាក់ដុល្លារខ្លួនឯងធ្លាក់ចុះ ព្រមជាមួយប្រាក់យ៉េនជប៉ុនចំនួន០,៣ភាគរយ ធៀបជាមួយប្រាក់អឺរ៉ូ។ តម្លៃប្រាក់វ៉ុនរបស់កូរ៉េខាងត្បូងបានកើនឡើង។ ពាណិជ្ជករជាច្រើនកំពុងពិនិត្យតាមដានដោយយកចិត្តទុកដាក់ពីច្បាប់ពាណិជ្ជកម្មដែលចេញ ក្នុងសប្តាហ៍នេះ ជាមួយសាច់ប្រាក់ចំនួនជិត១៩ពាន់លានអឺរ៉ូជាប័ណ្ណប្រាក់ថ្មី។ ក្តីសង្ឃឹម គឺការចេញពីប្រទេសប៊ែលហ្ស៊ីក អ៊ីតាលី អេស្ប៉ាញ និងបារាំង។
ប្រទេសអ៊ីតាលីមានផែនការលក់ប័ណ្ណប្រាក់ចំនួន៨ពាន់លានអឺរ៉ូ។ ចំណែកមាសកើនឡើង០,១ភាគរយ មានតម្លៃ១.៧០០ដុល្លារក្នុងមួយអោន ហើយតម្លៃប្រេងនៅថេរ បន្ទាប់ពីកើនឡើង១ភាគរយកាលពីថ្ងៃចន្ទ៕
ចែករំលែកព័តមាននេះ