ប៉ូលិសថៃនិយាយនៅថ្ងៃចន្ទ ថ្ងៃទី២៨ វិច្ឆិកា ថា ពួកគេបានកោះហៅលោកអតីតនាយករដ្ឋមន្ត្រីអាប់ភីស៊ីត វេចាជីវ៉ា និងឧបនាយករដ្ឋមន្ត្រីរបស់គាត់ដែលជាប់ពាក់ព័ន្ធនឹងការស្លាប់របស់បាតុករក្នុងអំឡុងពេលបង្ក្រាបបាតុករប្រឆាំងទីក្រុងបាងកកឆ្នាំមុន។ មានមនុស្សជាតិ៩០នាក់ ភាគច្រើនជាប្រជាជនស៊ីវិលត្រូវស្លាប់ និងមានមនុស្សជិត១.៩០០នាក់ ផ្សេងទៀតរងរបួស ក្នុងអំឡុងបាតុកម្មរយៈពេល២ខែ ដែលមានក្រុមអាវក្រហមប្រមាណមួយសែននាក់ បានប្រមូលផ្តុំគ្នាដើម្បីទាមទារឱ្យការបោះឆ្នោតភ្លាមៗ។
នាយកដ្ឋាននៃការស៊ើបអង្កេតពិសេសនៃក្រសួងយុត្តិធម៌ក្នុងខែកញ្ញានិយាយថា កងទ័ពយោធាមានជាប់ពាក់ព័ន្ធនឹងការស្លាប់ អ្នកថតរូបជប៉ុន និងប្រជាជនស៊ីវិល១២នាក់ផ្សេងទៀត ហើយក៏បានបញ្ជូនករណីនោះទៅដៃប៉ូលិស។ លោកឧត្តមសេនីយ៍Vinai Thongsong ដែលទទួលបន្ទុកបង្ក្រាបបទឧក្រិដ្ឋកម្មនិយាយថាអ្នកស៊ើបអង្កេតរបស់យើង ហៅលោកអាប់ភីស៊ីត និងលោកស៊ូថេប មកសាកសួរក្នុងនាមជាសាក្សីនិងជាផ្នែកមួយនៃការស៊ើបអង្កេតលើករណីមនុស្សស្លាប់១៣នាក់ ក្នុងអំឡុងធ្វើបាតុកម្ម ក្នុងនោះមានអ្នកថតរូប ជប៉ុននិងជនជាតិអ៊ីតាលី។
ដំបូងយើងសម្រេចយកថ្ងៃសុក្រនេះ ប៉ុន្តែវាអាស្រ័យលើពួកគេទាំងពីរនាក់ដែរ ប្រសិនបើពួកគេមានពេលឬយ៉ាងណា។ DSI នៅតែបន្តស៊ើបអង្កេតលើករណីស្លាប់នោះដដែល។ ប៉ូលិសធ្លាប់និយាយថា ក្រុមកងទ័ពមិនជាប់ពាក់ព័ន្ធនឹងការស្លាប់របស់អ្នកថតរូបរបស់ទីភ្នាក់ងារReuters ឈ្មោះHiroyuki Muramotoជនជាតិជប៉ុន ដែលត្រូវគេបាញ់សម្លាប់ក្នុងអំឡុងពេលពេលមានការប៉ះទង្គិចរវាងយោធានិងបាតុករ។ ចំណែកអ្នកថតរូបអ៊ីតាលីFabio Polenghiក៏ត្រូវគេបាញ់សម្លាប់ដូចគ្នានោះដែរ។
វាជាលើកទីមួយហើយ ដែលលោកអតីតនាយករដ្ឋមន្ត្រីថៃអាប់ភីស៊ីត ត្រូវបានគេកោះហៅមកសាកសួរ ទៅលើរដ្ឋាភិបាលរបស់គាត់ក្នុងការដោះស្រាយជាមួយក្រុមបាតុករ ដែលវាបានបញ្ចប់ពេលកងទ័ពចាប់ផ្តើមបាញ់ប្រហារនៅជុំវិញហ្វូងបាតុករ ។ លោកស៊ូថេប អតីតឧបនាយករដ្ឋមន្ត្រីថៃ ជាអ្នកទទួលបន្ទុកកិច្ចការរក្សាសន្តិសុខជាតិ ក្នុងអំឡុងពេលបង្ក្រាបក្រុមបាតុករ និងក៏ក្លាយជាមនុស្សដែលត្រូវទទួលបានការស្អប់ខ្ពើមពីក្រុមបាតុករអាវក្រហម។ ពេលនេះប្រទេសថៃមានរដ្ឋាភិបាលថ្មី ដែលមានសម័្ពន្ធភាពជាមួយវីរបុរសក្រុមអាវក្រហមថាក់ស៊ីនស៊ីណាវ៉ាត្រា ព្រោះប្អូនស្រីគាត់ យីងឡាក់ ស៊ីណាវ៉ាត្រា ជានាយករដ្ឋមន្ត្រីថ្មី៕
ចែករំលែកព័តមាននេះ