ទោះបីជាពួកលោកខាងលិចផ្អឹបទុកទ្រព្យសម្បត្តិរបស់លីប៊ីក៏ដោយ ក៏មេដឹកនាំប្រទេសនេះលោកមូអាម៉ា កាដាហ្វី មានមាស និងប្រាក់គរទុកយ៉ាងច្រើនដែលអាចផ្គត់ផ្គង់សម្រាប់ការធ្វើសង្គ្រាមរយៈពេលយូរអង្វែងមួយ ។
លោកកាដាហ្វីសន្យាប្រាប់ពួកសម្ព័ន្ធមិត្តលោកខាងលិចពីការធ្វើសង្គ្រាមយូរអង្វែងមួយ។ បើនិយាយពីខាងហិរញ្ញវត្ថុលោកពិតជាមានមធ្យោបាយ ។ ពិតណាស់ ពួកលោកខាងលិចបានផ្អឹបទុកទ្រព្យសម្បត្តិរបស់ក្រុមជនផ្តាច់ការរូបនេះគឺបណ្តាមូលនិធិអធិបតេយ្យជាតិ និងរបស់ធនាគារកណ្តាល ។ យោងតាមការវាយតម្លៃមួយចំនួនថា លោកកាដាហ្វីនឹងពុំអាចដកយកបានប្រាក់ជិត២០០ពាន់លានដុល្លារ ។
ប៉ុន្តែលោកកាដាហ្វីបានគ្រោងទុកចំពោះសភាពការណ៍នៃការហ៊ុមព័ទ្ធខាងសេដ្ឋកិច្ច និងហិរញ្ញវត្ថុ ។ លោកបានរៀបចំប្រមូលទុកមាសយ៉ាងច្រើននៅលីប៊ីដោយសារធនាគារកណ្តាលរបស់ប្រទេស ។ ស្ថាប័ននេះដែលលោកជាអ្នកកាន់កូនសោមានមាសតម្កល់ទុកដល់ទៅ១៤៣,៨តោន ។ នេះបើយោងតាមការឱ្យដឹងរបស់ IMF។ មាសតម្កល់ទុកនេះតំណាងឱ្យទឹកប្រាក់ប្រមាណជា៤,៦ពាន់លានអឺរ៉ូធ្វើឱ្យលីប៊ីស្ថិតក្នុងលំដាប់ទី២៤នៃប្រទេសដែលតម្កល់ទុកមាសច្រើនជាងគេបំផុតលើពិភពលោក គឺមានមាសស្តុកទុកច្រើនជាងមាសតម្កល់ទុករបស់សិង្ហបុរីទៅទៀត ។ មាសទាំងនេះលោកកាដាហ្វីអាចចំណាយជាពិសេសទៅកាន់អាហ្វ្រិកឆ្លងកាត់ព្រំដែនភាគខាតត្បូងលីប៊ីជាមួយប្រទេសនីហ្ស័រ ឆាដ និងស៊ូដង ។ តំបន់ទាំងនេះសំបូរដោយ
ព្រលានយន្តហោះ ។ តាមផ្លូវនេះ ដុំមាសអាចបញ្ជូនឆ្ពោះទៅកាន់បណ្តាក្រុមហ៊ុននៅនីហ្សេរីយា៉ ឬឆាដ របស់ធនាគារ LIBYAN FORE-IGN BANK ដែលចំណុះឱ្យធនាគារកណ្តាល ។ ម្យ៉ាងទៀត ធនាគារនេះមានធនាគារពាណិជ្ជកម្មជាង៨០%នៅនីហ្ស័រ និងធនាគារពាណិជ្ជកម្ម៥០%នៅប្រទេសឆាដ ៕
ចែករំលែកព័តមាននេះ