ខេត្តកំពង់ឆ្នាំង ៖ លោកសោម វឺន អភិបាលរងស្រុករលាប្អៀរ និងលោកតាំង ប៊ុនទត មេឃុំជ្រៃបាក់ ស្រុករលាប្អៀរកាលពីព្រឹកថ្ងៃទី២៨ វិច្ឆិកា បាននាំយកអំណោយជាអង្ករ និងថវិកា របស់លោកបណ្ឌិតអ៊ុក រ៉ាប៊ុន អនុប្រធានទី១ ក្រុមការងារគណៈបក្សប្រជាជនចុះជួយខេត្តកំពង់ឆ្នាំង និងលោកជំទាវគឹម រ៉ាវីរួមទាំងអំណោយលោកឧកញ៉ាស្រី ងួននិងលោកជំទាវឧកញ៉ាស្រី វុទ្ធី
ខេត្តកំពង់ឆ្នាំង ៖ លោកសោម វឺន អភិបាលរងស្រុករលាប្អៀរ និងលោកតាំង ប៊ុនទត មេឃុំជ្រៃបាក់ ស្រុករលាប្អៀរកាលពីព្រឹកថ្ងៃទី២៨ វិច្ឆិកា បាននាំយកអំណោយជាអង្ករ និងថវិកា របស់លោកបណ្ឌិតអ៊ុក រ៉ាប៊ុន អនុប្រធានទី១ ក្រុមការងារគណៈបក្សប្រជាជនចុះជួយខេត្តកំពង់ឆ្នាំង និងលោកជំទាវគឹម រ៉ាវីរួមទាំងអំណោយលោកឧកញ៉ាស្រី ងួននិងលោកជំទាវឧកញ៉ាស្រី វុទ្ធី ទៅជូនលោកយាយពៅ សាត អាយុ៨៤ឆ្នាំរស់នៅចំណុចព្រៃសំរោងភូមិអាឡែង ឃុំជ្រៃបាក់ ដែលកំពុងរស់នៅឯកោដោយសារកូនប្រុសទាំងពីរដែលម្នាក់ស្លាប់ដោយឪម៉ាល់ទិចនិងម្នាក់ទៀតស្លាប់ដោយការប្រមាថឪម៉ាល់សងសឹកឱ្យប្អូនក៏បានស្លាប់បន្ទាប់គ្នាទាំងពីរនាក់ ។
លោកសោម វឺន មានប្រសាសន៍ក្នុងពិធីប្រគល់អំណោយនោះថា ដោយមើលឃើញពីទុក្ខលំបាកវេទនារបស់លោកយាយពៅ សាត ដែលកូនប្រុសទាំងពីរទើបស្លាប់ពេលថ្មីៗនេះដោយសារសត្វឪម៉ាល់ទិចនិងស្លាប់ដោយការប្រមាថកំទិចសម្បុកសត្វឪម៉ាល់ជាការសងសឹកកាលពីពេលកន្លងទៅនេះ តាមរយៈការចុះផ្សាយលើទំព័រសារព័ត៌មានកោះសន្តិភាពទើប លោកបណ្ឌិតអ៊ុក រ៉ាប៊ុន និងលោកជំទាវគឹម រ៉ាវី លោកឧកញ៉ាស្រី ងួននិងលោកជំទាវឧកញ៉ាស្រី វុទ្ធីបានឧបត្ថម្ភលោកយាយនូវទឹកប្រាក់សរុបចំនួន៨០មឺុនរៀលនិងអង្ករចំនួន៥០គីឡូក្រាម។
ក្នុងឱកាសនោះដែរខាងសាលាឃុំជ្រៃបាក់ ក៏បានឧបត្ថម្ភនូវទឹកប្រាក់ចំនួន២មឺុនរៀល និងអង្ករ១០គីឡូក្រាមផងដែរ ។ ឆ្លៀតឱ្យកាសនោះលោកសោម វ៉ីន អភិបាលរងស្រុកក៏បានបញ្ជាក់ដែរថា ក្រៅពីទឹកប្រាក់សម្រាប់លោកយាយខាងលើ លោកបណ្ឌិតអ៊ុក រ៉ាប៊ុន ក៏បានឧបត្ថម្ភទឹកប្រាក់ចំនួន១០០ដុល្លារ និងកូនឈើចំនួន១០០ដើមសម្រាប់ធ្វើធ្នួសបញ្ចាល់ទប់ទឹកយកមកធ្វើស្រូវបណ្តេញទឹកក្នុងឃុំជ្រៃបាក់ដែលមាន១៦ភូមិដែលកន្លងមកភូមិទាំងនេះទទួលរងគ្រោះដោយទឹកជំនន់។ ចំណែកលោកជា ម៉ុងក្រុមការងារគណបក្សប្រជាជនក៏បានជួយឧបត្ថម្ភការ៉ុងចំនួន៣០០សម្រាប់ច្រកដីទប់ទឹកបញ្ចាល់ផងដែរ ។
ក្រោយពីបានទទួលអំណោយដ៏ច្រើននេះលោកយាយពៅ សាត បានលើកដៃសំពះថ្លែងអំណរគុណយ៉ាងជ្រាលជ្រៅដល់លោកបណ្ឌិតអ៊ុក រ៉ាប៊ុន និងលោកជំទាវ លោកឧកញ៉ាស្រី ងួន និងលោកជំទាវព្រមទាំងកិច្ចខិតខំប្រឹងប្រែងរបស់រដ្ឋអំណាចភូមិ ឃុំដែលបានយកចិត្តទុកដាក់ដល់រូបគាត់ក្នុងជីវិតទុរគតនិងជរានេះនិងសូមជូនពរជ័យដល់លោកបណ្ឌិត លោកឧកញ៉ានិងក្រុមការងារព្រមទាំងក្រុមគ្រួសារជួបប្រទះតែពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕
ចែករំលែកព័តមាននេះ