ខេត្តបន្ទាយមានជ័យ ៖ គ្រួសារក្រីក្រកូនច្រើនរហូតដល់ទៅ៧នាក់ក្នុងបន្ទុករស់នៅក្នុង ភូមិតំបន់ក៥ សង្កាត់ប៉ោយប៉ែត កាលពីវេលាម៉ោង៥ល្ងាចថ្ងៃទី២៥ វិច្ឆិកា បានទទួលអំណោយជាអង្ករចំនួន៥០គីឡូក្រាមនឹងថវិកា១០ម៉ឺនរៀលពី កម្លាំងប៉ូលិស ការពារព្រំដែនគោកវរសេនាតូចលេខ៩១១ ប៉ុស្តិ៍ព្រៃគប់។
ខេត្តបន្ទាយមានជ័យ ៖ គ្រួសារក្រីក្រកូនច្រើនរហូតដល់ទៅ៧នាក់ក្នុងបន្ទុករស់នៅក្នុងភូមិតំបន់ក៥ សង្កាត់ប៉ោយប៉ែត កាលពីវេលាម៉ោង៥ល្ងាចថ្ងៃទី២៥ វិច្ឆិកា បានទទួលអំណោយជាអង្ករចំនួន៥០គីឡូក្រាមនឹងថវិកា១០ម៉ឺនរៀលពីកម្លាំងប៉ូលិស ការពារព្រំដែនគោកវរសេនាតូចលេខ៩១១ ប៉ុស្តិ៍ព្រៃគប់។
គ្រួសារក្រីក្រដែលទទួលបានអំណោយជាអង្ករ និងថវិកាខាងលើឈ្មោះសេង ភី អាយុ៥៣ឆ្នាំ ក្នុងគ្រួសារមួយនេះមានកូន៧នាក់ប្រុស៤នាក់ ស្រី៣នាក់ ។ ស្រ្តីកូនច្រើនខាងលើបានរៀបរាប់ថា គ្រួសារគាត់គ្មានផ្ទះនៅទេ បច្ចុប្បន្នសុំអតីតរោងចិញ្ចឹមពពែគេស្នាក់នៅហើយប្តីគាត់ឈ្មោះសេង គង់ អាយុ៦១ឆ្នាំទៅធ្វើការនៅប្រទេសថៃដើម្បីរកប្រាក់មកដោះស្រាយជីវភាពក្នុងគ្រួសារ ប៉ុន្តែប្តីគាត់ក៏បាត់ដំណឹងឈឹងមួយរយៈនេះធ្វើឱ្យគាត់ជួបការលំបាកនិងមានកូនរៀន៣នាក់ផង។ ស្រ្តីចំណាស់បានរៀបរាប់ទាំងទឹកភ្នែកថា គ្រួសារនេះមានពេលខ្លះដាំបបរហូបទាំងព្រឹកទាំងល្ងាចហើយពុំដែលមានម្ហូបគ្រប់គ្រាន់ទេ ។
លោកស៊ូ បាន មេភូមិតំបន់ក៥ដែលបានជូនគ្រួសារក្រីក្រទៅទទួលអំណោយអង្ករ ថវិកានៅប៉ុស្តិ៍ព្រៃគប់បានប្រាប់ថា គ្រួសារនេះពិតជាខ្វះខាតដូចការរៀបរាប់មែន។ លោកកែវ បូរ៉ា មេប៉ុស្តិ៍ព្រែគប់នៃប៉ូលិសការពារព្រំដែនគោកវរសេនាតូចលេខ៩១១ បានប្រាប់កោះសន្តិភាពថា ដោយការចង្អុលបង្ហាញពីេមបញ្ជាការឱ្យកម្លាំងតាមបន្ទាយព្រំដែនយកចិត្តទុកដាក់ដល់ប្រជាពលរដ្ឋតាមបន្ទាត់ព្រំដែននិងក្រោយពីមានសេចក្តីរាយការណ៍ពីអាជ្ញាធរភូមិថាគ្រួសារខាងលើក្រីក្រហើយមានកូនច្រើនទើបលោកផ្តួចផ្តើមគំនិតរៃអង្គាសថវិកាពីកម្លាំងប៉ុស្តិ៍រួមទាំងថវិកាលោកវរសេនីយ៍ត្រីអ៊ូច ធឿន មេបញ្ជាការរងវរៈមួយចំនួនផងជួយដល់គ្រួសារក្រីក្រនេះ ៕
ចែករំលែកព័តមាននេះ