អំណោយសប្បុរសធម៌ដែលជាថវិកាមួយផ្នែកនៃចំណងដៃអាពាហ៍ពិពាហ៍គូស្វាមីភរិយាថី្ម របស់កូនប្រុសឈ្មោះ សុខ ឆៃយ៉ាយុទ្ធ និងកូនស្រី សរ សិទ្ធានីខត្តា ជាបុត្ររបស់លោកសរ សិទិ្ធ អនុប្រធានទី១ក្រុមការងារគណៈពង្រឹងស្រុកស្អាង និងលោកជំទាវ គង់ សុផល ជាភរិយា ,លោក សុខ សំខាន់ និងលោកស្រី គង់ ស្រីមុំ ជាដន្លង សរុបចំនួន៤លានរៀល និងកុំព្យូទ័រលើតុចំនួន១គ្រឿង មានតម្លៃស្មើនឹង៧០០ដុល្លារតាមរយៈលោកស្រី គង់ សារីយ៉ា នាយិកាសាខាបានរៀបចំពិធីប្រគល់ជូនសាខាកាក បាទក្រហមកម្ពុជាខេត្ត កាលពីព្រឹកថ្ងៃទី២៥ ខែ វិចិ្ឆកា ឆ្នាំ២០១១ នៅទីស្នាក់ការសាខាកាកបាទក្រហមកម្ពុជាខេត្តកណ្តាល ។
ពិធីនេះបានប្រព្រឹត្តទៅក្រោមអធិបតីភាព លោកហេ កាន់ ប្រធានគណៈកម្មាធិការសាខា និងមានការអញ្ជើញចូលរួមជាកិតិ្តយសពីលោក ហាក់ ប៊ុនធឿន អនុប្រធានគណៈកម្មាធិការសាខា លោក លោកស្រីជាសមាជិកគណៈកម្មាធិការសាខា នាយិកាសាខា មន្ត្រីក្រុមប្រតិបតិ្តសាខា លោកសរ សិទិ្ធ និងលោកជំទាវ គង់ សុផល, លោក សុខ សំខាន់ និងលោកស្រី គង់ ស្រីមុំ ជាមាតាបិតារបស់គូស្វាមីភរិយាថី្ម លោកជំទាវ មាស ម៉េឡូឌី ព្រមទាំងកូនប្រុសកូនស្រី និងអស់លោកមួយចំនួនទៀត ។
ជាកិច្ចចាប់ផ្តើម លោកសរ សិទិ្ធ តំណាងសប្បុរសជនបានសម្តែងនូវចំណាប់អារម្មណ៍ ជំរាបជូនអង្គពិធីថាដោយពិនិត្យឃើញអំពីតម្រូវ ការចាំបាច់របស់ប្រជាពលរដ្ឋរងគ្រោះដោយទឹក ជំនន់ផង ហើយមួយផ្នែកទៀតក៏ចង់ផ្សារភ្ជាប់ ជាមួយការងារមនុស្សធម៌ផងនោះបន្ទាប់ ពីពិធីរៀបអាពាហ៍ពិពាហ៍របស់កូនប្រុសស្រី កាលពីថ្ងៃទី១៨ ខែវិចិ្ឆកា ឆ្នាំ២០១១កន្លងមក រូបលោក និងភរិយា និងលោក-លោកស្រីជាដន្លង ព្រមទាំងបុត្រប្រុសស្រីជាគូស្វាមីភរិយាថី្ម បានស្ម័គ្រចិត្តផ្តល់វិភាគទានថវិកាចំណងដៃតាមចំនួនខាងលើ និងកុំព្យូទ័រលើតុចំនួន១គ្រឿងប្រគល់ជូនដល់សាខាកាកបាទក្រហមកម្ពុជាខេត្ត សម្រាប់សាខាចាត់ចែងដោះស្រាយតាមតម្រូវ ការចាំបាច់ ។
លោកសន្យាថា នៅថ្ងៃខាងមុខ លោក ព្រមទាំងក្រុមគ្រួសារនឹងជួយឧបត្ថម្ភដល់សាខាកាកបាទក្រហមកម្ពុជាខេត្តជាបន្តទៀតតាមលទ្ធភាពដែលមាន ។
សូមបញ្ជាក់ថា ក្នុងចំនួនថវិកាសរុប និងសម្ភារៈឧបត្ថម្ភខាងលើ លោកសរ សិទ្ធិ និង លោកជំទាវ គង់ សុផល ថវិកា២លានរៀល និងកុំព្យុទ័រចំនួន១គ្រឿង បូករួមទាំងតុ មានតម្លៃស្មើនឹង៧០០ដុល្លារ, លោកសុខ សំខាន់ និងលោកស្រី គង់ ស្រីមុំ ជាដន្លង ថវិកាចំនួន២លានរៀលផងដែរ ។
ជាការឆ្លើយតបវិញលោក ហេ កាន់ មានប្រសាសន៍សំណេះសំណាលនិងបានវាយតម្លៃខ្ពស់ចំពោះកាយវិការដ៏ល្អប្រពៃប្រកបដោយទឹកចិត្តសប្បុរសធម៌របស់សប្បុរសជនទាំង៤រូប ពិសេសគូស្វាមីភរិយាថ្មីដែលបានស្ម័គ្រចិត្តរំលែកចំណងដៃអាពាហ៍ពិពាហ៍របស់ខ្លួនមួយចំនួនផ្តល់ជាវិភាគទានដល់សាខាកាកបាទក្រហមកម្ពុជាខេត្តដើម្បីបង្កលក្ខណៈឲ្យសាខាមានលទ្ធភាពក្នុងការឆ្លើយតបចំពោះតម្រូវការ ចាំបាច់ដល់ប្រជាពលរដ្ឋងាយរងគ្រោះ និងរងគ្រោះដោយគ្រោះមហន្តរាយផ្សេងៗ ។
លោកបានបន្តទៀតថា ការផ្តល់វិភាគទានជាថវិកានិងសម្ភារប្រើប្រាស់ដល់សាខាខេត្តនៅ ក្នុងឱកាសនេះ គឺជាកាយវិការដ៏គំរូសម្រាប់គូស្វាមីនិងភរិយាថី្មដទៃទៀតនៅក្នុងព្រះរាជាណាចក្រកម្ពុជាហើយលោកបានសន្យានឹងយកថវិកា ទាំងនេះទៅចាត់ចែងប្រើប្រាស់ឲ្យចំគោលដៅក្នុងសកម្មភាពមនុស្សធម៌ មានតម្លាភាព ស្របតាមគោលការណ៍គ្រឹះទាំង៧របស់ចលនាអន្តរជាតិកាកបាទក្រហមអឌ្ឍចន្ទក្រហម ពិសេសអនុវត្តតាមលក្ខន្តិកៈរបស់កាកបាទក្រហមកម្ពុជាក្រោមការដឹកនាំប្រកបដោយគតិបណិ្ឌតរបស់ លោកជំទាវកិតិ្តព្រឹទ្ធបណិ្ឌត ប៊ុន រ៉ានី ហ៊ុន សែន ជាប្រធាន ៕
ចែករំលែកព័តមាននេះ