ប្រភពមួយរបស់ក្រសួងការពារប្រទេសលីប៊ី រាយការណ៍កាលពីថ្ងៃទី២១ វិច្ឆិកា ប្រាប់ទីភ្នាក់ងារព័ត៌មានចិនស៊ីនហួថាកូនប្រុសវ័យក្មេងជាង គេរបស់អតីតមេដឹកនាំលីប៊ី លោកមូអាម៉ា កាដាហ្វី ឈ្មោះខាមីស កាដាហ្វី នៅរស់រានមានជីវិត។
ប្រភពមួយរបស់ក្រសួងការពារប្រទេសលីប៊ី រាយការណ៍កាលពីថ្ងៃទី២១ វិច្ឆិកា ប្រាប់ទីភ្នាក់ងារព័ត៌មានចិនស៊ីនហួថាកូនប្រុសវ័យក្មេងជាងគេរបស់អតីតមេដឹកនាំលីប៊ី លោកមូអាម៉ា កាដាហ្វី ឈ្មោះខាមីស កាដាហ្វី នៅរស់រានមានជីវិត។
យោងតាមឥស្សរជនជាន់ខ្ពស់ម្នាក់ដែលស្នើមិនបញ្ចេញឈ្មោះថា កូនប្រុសលោកកាដាហ្វី ឈ្មោះ សៃអ៊ីហ្វ អាល់អ៊ិស្លាម និយាយប្រាប់កងកម្លាំងរបស់ក្រុមប្រឹក្សាជាតិបណ្តោះអាសន្នលីប៊ី CNT ថា ប្អូនប្រុសរបស់គេឈ្មោះខាមីស នៅរស់ទេ។
កងកម្លាំង CNT បានប្រទះឃើញខាមីស នៅឯទីក្រុងទ័រហ៊ូណា ជាទីក្រុងមួយស្ថិតនៅចម្ងាយ៩០គីឡូម៉ែត្រ ភាគអាគ្នេយ៍ក្រុងទ្រីប៉ូលី ហើយអះអាងថា ជននេះនឹងត្រូវចាប់ខ្លួនក្នុងប៉ុន្មានម៉ោងខាងមុខទៀត ។
កូនប្រុសទី២របស់លោកកាដាហ្វី ឈ្មោះ សៃអ៊ីហ្វ អាល់អ៊ិស្លាម ដែលត្រូវតុុលាការឧក្រិដ្ឋកម្មអន្តរជាតិតាមរកចាប់ខ្លួនពីបទឧក្រិដ្ឋប្រឆាំងមនុស្សជាតិត្រូវចាប់ខ្លួនបាននៅសេបហា នាភាគខាងត្បូងលីប៊ី កាលពីថ្ងៃទី១៩ វិច្ឆិកា កន្លងមកនេះ។ ការចាប់ខ្លួនគេអាចនាំផ្លូវទៅការរកចាប់ខ្លួនអតីតប្រមុខភ្នាក់ងារស៊ើបការណ៍លោកអាប់ឌុលឡាហ៍ អាល់សឺនូសស៊ី ដែលត្រូវតុលាការឧក្រិដ្ឋកម្មអន្តរជាតិតាមរកចាប់ខ្លួនដែរ។
ការស្លាប់របស់ខាមីស ត្រូវបានប្រកាសជាច្រើនលើកតាំងពីចាប់ផ្តើមជម្លោះនៅលីប៊ីមក។ ពួកយុទ្ធជន CNT ប្រកាសពីការស្លាប់របស់ខាមីស នៅភាគអាគ្នេយ៍ក្រុងទ្រីប៉ូលី កាលពីថ្ងៃទី២៩ សីហា ជាការអះអាងក្រោយមកត្រូវបានបញ្ជាក់ដោយទូរទស្សន៍ស៊ីរីស្និទ្ធលោកកាដាហ្វីមួយ៕
ចែករំលែកព័តមាននេះ