ខេត្តកណ្តាល ៖ ជនជាឃាតកដៃឆៅម្នាក់បានឡើងទៅកា.ប់ស្ត្រីចំណាស់ម្នាក់ដែល កំពុងដេកលង់លក់នៅរានហាលលើផ្ទះបណ្តាលឱ្យស្លា.ប់ បាត់បង់ជីវិតនៅក្នុងថ្លុកឈាម បន្ទាប់មកជននោះស្ទុះរត់គេចខ្លួនទៅបាត់ដោយសុវត្ថិ ភាព។ ទាក់ទិនទៅនឹងរឿងឃាតក.ម្មព្រៃ.ផ្សៃនេះត្រូវបានសមត្ថកិច្ច សន្និដ្ឋានជំហានដំបូងថា ជារឿងគំនុំ។
ខេត្តកណ្តាល ៖ ជនជាឃាតកដៃឆៅម្នាក់បានឡើងទៅកាប់ស្ត្រីចំណាស់ម្នាក់ដែលកំពុងដេកលង់លក់នៅរានហាលលើផ្ទះបណ្តាលឱ្យស្លាប់បាត់បង់ជីវិតនៅក្នុងថ្លុកឈាម បន្ទាប់មកជននោះស្ទុះរត់គេចខ្លួនទៅបាត់ដោយសុវត្ថិភាព។ ទាក់ទិនទៅនឹងរឿងឃាតកម្មព្រៃផ្សៃនេះត្រូវបានសមត្ថកិច្ចសន្និដ្ឋានជំហានដំបូងថា ជារឿងគំនុំ។
ហេតុការណ៍នោះបានកើតឡើងកាលពីវេលាម៉ោង១០និង៤៥នាទីយប់ថ្ងៃទី៥ ខែវិច្ឆិកា ឆ្នាំ២០១១ នៅក្នុងភូមិត្រពាំងភូមិ ឃុំពើក ស្រុកអង្គស្នួល ។ ស្ត្រីចំណាស់រងគ្រោះឈ្មោះឆឹល សឿន អាយុ៤៩ឆ្នាំ មុខរបរលក់បាយនិងកាហ្វេ ត្រូវឃាតកកាប់ចំនួនពីរកាំបិតចំកញ្ចឹងកស្លាប់នៅនឹងកន្លែង។ ស្ត្រីរូបនេះមានប្តីឈ្មោះសួង មាន អាយុ៥៦ឆ្នាំ និងមានកូនបង្កើត៤នាក់ ព្រមទាំងកូនចិញ្ចឹម២នាក់ ។
តាមប្រភពព័ត៌មានបានឱ្យដឹងថា នៅមុនពេលកើតហេតុស្ត្រីរងគ្រោះបានដេកនៅលើផ្ទះតែពីរនាក់កូនស្រី ប៉ុន្តែគាត់ដេកនៅរានហាលខាងមុខ ឯកូនស្រីដេកនៅក្នុងបន្ទប់ផ្សេង ចំណែកឯប្តីរបស់គាត់ដេកនៅផ្ទះផ្សេងមួយទៀត។ ម្យ៉ាងទៀត ដោយសារនៅផ្ទះជិតខាងគ្នាមានពិធីកាត់ចំណងដៃអាពាហ៍ពិពាហ៍មានចាក់ធុងបាស់ រាំលេងផងកូនៗរបស់គាត់ផ្សេងទៀតបាននាំគ្នាទៅរាំលេងនៅទីនោះអស់ទៅ ។
ប្រភពដដែលបានបន្តទៀតថា ឆ្លៀតឱកាសពេលដែលឃើញស្ត្រីរងគ្រោះដេករានហាលលើផ្ទះម្នាក់ឯងបែបនេះ ជនជាឃាតកបានឡើងទៅកាប់បណ្តាលឱ្យស្លាប់បាត់បង់ជីវិត ។ តាមការត្រួតពិនិត្យនៅកន្លែងកើតហេតុទំនងជាស្ត្រីរងគ្រោះដឹងខ្លួនពេលដែលឃាតកឡើងទៅដល់ព្រោះបានរត់ចូលទៅក្នុងផ្ទះ ហើយឃាតកបានដេញតាមកាប់ទើបស្ត្រីរងគ្រោះដេកស្លាប់នៅក្នុងផ្ទះ ពុំមែនស្លាប់នៅរានហាលខាងមុខឡើយ ។
ចំណែកឯកូនស្រីរបស់គាត់ដែលដេកនៅក្នុងបន្ទប់លើផ្ទះនោះដែរ ពុំបានដឹងថាម្តាយត្រូវឃាតកឡើងទៅកាប់សម្លាប់ម្តាយនោះឡើយ ព្រោះខណៈនោះនាងបានដាក់កាសត្រចៀកស្តាប់បទចម្រៀង ក្នុងទូរស័ព្ទ និងថ្លង់ធុងបាស់នៅជាប់ផ្ទះនោះផង ហើយស្របពេលនោះក៏មានភ្លៀងនិងខ្យល់ខ្លាំងទៀតផង ។
នាងជាកូនស្រីដែលដេកនៅលើផ្ទះជាមួយម្តាយបាននិយាយប្រាប់សមត្ថកិច្ចថា នាងពិតជាមិនបានដឹងថា ឃាតកឡើងកាប់សម្លាប់ម្តាយនោះទេ ប៉ុន្តែនាងបានដឹងថា មានសំរឹបជើងដូចជាមនុស្សរត់ខ្ទរក្តារផ្ទះ ទំនងជាពេលនោះម្តាយរបស់នាងត្រូវឃាតកដេញកាប់ ហើយនាងមិនបានចេញពីក្នុងបន្ទប់ទៅមើលទេ ។ លុះបន្តិចក្រោយមក បងប្រុសរបស់នាងដែលទៅចូលរួមពិធីកាត់ចំណងដៃផ្ទះអ្នកជាប់គ្នានោះបានទូរស័ព្ទប្រាប់ឱ្យនាងបើកទ្វាររបងផ្ទះឱ្យអ្នកស្គាល់គ្នាយកម៉ូតូដែលផ្ញើទុកចេញផង។
នាងក្រមុំរូបនោះបានបន្តប្រាប់សមត្ថកិច្ចទៀតថា ខណៈនោះនាងក៏បានចេញពីក្នុងបន្ទប់បម្រុងចុះទៅបើកទ្វាររបងស្រាប់តែឃើញមនុស្សប្រុសម្នាក់ពាក់អាវ មានភ្ជាប់ដោយមួកនិងបិទម៉ាស់មុខផង ឈរនៅក្បែរម្តាយរបស់នាងដែលដេកផ្កាប់មុខ។ គ្រាន់តែឃើញនាងភ្លាមជននោះបានរត់សំដៅទៅរកនាង ធ្វើឱ្យរូបនាងភ័យខ្លាចក៏រត់ចូលទៅក្នុងបន្ទប់វិញ រួចបិទទ្វារខ្ទាស់គន្លឹះជាប់ ឯជននោះក៏បានចុះមកដីរត់គេចខ្លួនទៅបាត់ដោយសុវត្ថិភាព។ ចំណែករូបនាងបានទូរស័ព្ទប្រាប់បងប្រុសថាមានមនុស្សឡើងទៅលើផ្ទះ ហើយភ្លាមៗនោះនាងមិនបានដឹងថា ម្តាយស្លាប់ឡើយ។ លុះក្រោយពេលទទួលបានទូរស័ព្ទ បងប្រុសបានត្រឡប់ទៅផ្ទះភ្លាមៗដែរ ឯនាងក៏បានចេញពីបន្ទប់ទៅមើលម្តាយឃើញដេកផ្កាប់មុខស្លាប់ក្នុងថ្លុកឈាមបាត់ទៅហើយ ។
ទាក់ទិនទៅនឹងហេតុការណ៍នោះ សមត្ថកិច្ចបានសន្និដ្ឋានថា ជារឿងគំនុំនិងកំពុងស្រាវជ្រាវរកឃាតករដុតដៃដុតជើងបំផុត។ សមត្ថកិច្ចបានដាក់មន្ទឹលទៅលើប្តីរបស់ ស្ត្រីរងគ្រោះដែលបានលែងលះគ្នាមួយរយៈពេលមកហើយ ដោយបុរសជាប្តីមានប្រពន្ធចុងម្នាក់ទៀត ។ ប៉ុន្តែរយៈពេលជាងមួយខែនេះបានជួបជុំគ្នាវិញ តែបុរសជាប្តីដេកនៅផ្ទះផ្សេងមួយទៀតនៅជិតនោះដែរ ។ ទោះបីបែបណា គេមិនទាន់ដឹងថា មានការពាក់ព័ន្ធនឹងរឿងនេះដែរ ឬអត់នោះទេ ហើយបុរសជាប្តីសមត្ថកិច្ចកំពុងសួរនាំនៅឡើយ។
តាមប្រភពព័ត៌មានចុងក្រោយនារសៀលថ្ងៃដដែលត្រូវបានសមត្ថកិច្ច ឱ្យដឹងថា ឃាតកដៃដល់នេះគ្មាននរណាក្រៅពីបុរសជាប្តីនោះទេ។ ជននេះបានសារភាពថា ខ្លួនជាអ្នកសម្លាប់ ដោយសារតែមានការមួម៉ៅនឹងប្រពន្ធឱ្យព្រមរួមរ័ក។ ទោះជាមានចម្លើយបែបនេះក្តី សមត្ថកិច្ចនៅបានសង្ស័យរឿងរ៉ាវជាច្រើនទៀត ដែលជំរុញឱ្យបុរសជាប្តីនេះសម្លាប់ប្រពន្ធបែបនេះ៕
ចែករំលែកព័តមាននេះ