*ឆ្នាំ១៩១៨
-សង្គ្រាមលោកលើកទី១ ៖ កងទ័ពសម្ព័ន្ធមិត្តអូទ្រីស ហុងគ្រី ឡោមព័ទ្ធប្រទេសអ៊ីតាលី ។
*ឆ្នាំ១៩២១
-នាយករដ្ឋមន្ត្រីជប៉ុន លោកហារ៉ា តាកាស៊ី ត្រូវគេលួចធ្វើឃាតក្នុងទីក្រុងកូត្យូ ។
*ឆ្នាំ១៩៥២
-រដ្ឋាភិបាលសហរដ្ឋអាមេរិក បានបង្កើតភ្នាក់ងារសន្តិសុខជាតិ ។
*ឆ្នាំ១៩៧០
-សង្គ្រាមវៀតណាម ៈ សហរដ្ឋអាមេរិក ចូលគ្រប់គ្រងមូលដ្ឋានអាកាសប៊ិញធ្វី នៅក្នុងតំបន់ដីសណ្តទន្លេមេគង្គវៀតណាមភាគខាងត្បូង។
*ឆ្នាំ១៩៧៩
-វិបត្តិចំណាប់ខ្មាំងក្នុងប្រទេសអ៊ីរ៉ង់ ៖ ប្រជាជនអ៊ីរ៉ង់មួយក្រុមធំដែលភាគច្រើនជានិស្សិត បានធ្វើការឡោមព័ទ្ធស្ថានទូតសហរដ្ឋអាមេរិក ហើយចាប់មនុស្ស៩០នាក់ ធ្វើជាចំណាប់ខ្មាំងដែលភាគច្រើនគឺជនជាតិអាមេរិក ។
*ឆ្នាំ១៩៩៣
-យន្តហោះប៊ូអ៊ីងរបស់ក្រុមហ៊ុនអាកាសចរណ៍ចិនជើងហោះហើរលេខ៧៤៧បានបើកហួសផ្លូវ ខណៈពេលចុះចតចំពេលមានខ្យល់ព្យុះទីហ្វុង ។ ការរត់ហួសផ្លូវនេះ បណ្តាលឱ្យមនុស្ស២២នាក់រងរបួស តែពុំមានស្លាប់បាត់បង់ជីវិតនោះទេ ។
*ឆ្នាំ២០០៨
-លោកបារ៉ាក់ អូបាម៉ា បានក្លាយទៅជាប្រធានាធិបតីសហរដ្ឋអាមេរិក ។
*ឆ្នាំ២០០៩
-រដ្ឋាភិបាលកម្ពុជាបានប្រកាសតែងតាំងលោកថាក់ស៊ីន ស៊ីណាវ៉ាត្រា អតីតនាយករដ្ឋមន្ត្រីថៃ ដែលត្រូវបណ្តេញចេញពីអំណាច ឱ្យធ្វើជាទីប្រឹក្សាសេដ្ឋកិច្ចរបស់រដ្ឋាភិបាល ។
-យា៉ងហោចណាស់មានមនុស្ស៧០០នាក់ រងរបួសនៅក្នុងការរញ្ជួយដីកម្រិតស្រាលនៅភាគខាងត្បូងប្រទេសអីុរ៉ង់ ។
*ឆ្នាំ២០១០
-ក្រុមហ៊ុនតូយ៉ូតាបានប្រមូលរថយន្តចំនួន១៣៥.០០០គ្រឿងនៅក្នុងប្រទេសជប៉ុន និងពីបណ្តាប្រទេសមួយចំនួនទៀតក្នុងតំបន់អឺរ៉ុប ដោយសារតែរថយន្តទាំងនោះមានបញ្ហាបច្ចេកទេសចង្កូត ។
-ទឹកជំនន់ក្នុងប្រទេសកូឡុំប៊ី បានសម្លាប់មនុស្ស១០២នាក់ ។
-បំណែកពូថៅថ្មបុរាណដែលមានអាយុកាល៣៥.៥០០ឆ្នាំ ត្រូវបានរកឃើញក្នុងកន្លែងលក់វត្ថុសិល្បៈ Gabarnmugng នៅក្នុងប្រទេសអូស្ត្រាលី ។ ពូថៅថ្មបុរាណនេះ ត្រូវបានគេចាត់ទុកថា មានអាយុកាលចំណាស់ជាងគេបំផុតនៅលើពិភពលោក ៕
ចែករំលែកព័តមាននេះ