នៅប្រទេសកូឡុំប៊ី មានពួកនារីបានសម្រេចធ្វើកូដកម្មភេទ ដើម្បីតវ៉ាប្រឆាំងនឹងការភ្លេច និងការស្ថិតនៅឯកោនៃភូមិតូចមួយរបស់ពួកគេ ព្រោះតែគ្មានផ្លូវថ្នល់ហើយការធ្វើកូដកម្មនេះ ដើម្បីឱ្យសម្រេចបានការកសាងផ្លូវថ្នល់មួយភ្ជាប់ភូមិនោះទៅកន្លែងផ្សេងៗទៀតរបស់ប្រទេស។
ដើម្បីតវ៉ាប្រឆាំងនឹងការស្ថិតនៅឯកោដាច់ពីគេរបស់ភូមិតូចមួយរបស់ពួកគេគឺភូមិ SANTA MARIA DEL PUERTO DE TOLEDO DE LAS BARBACOAS ស្ថិតនៅឆ្នេរសមុទ្រប៉ាស៊ីហ្វិករបស់កូឡុំប៊ី និងប្រឆាំងចំពោះការមិនអើពើរបស់ពួកបុរសៗ ពួកនារីភូមិនេះបានប្រមូលផ្តុំគ្នាធ្វើសកម្មភាពដ៏គួរឱ្យអស់សំណើចនេះ។
ភូមិតូចនេះនៅដាច់ពីគេឯង ព្រោះគ្មានផ្លូវថ្នល់ ហើយផ្លូវចូលតែមួយគត់ គឺគ្រាន់តែច្រកចូលយ៉ាងតូចចង្អៀតស្ទើរតែទៅមិនរួចមួយ។ ចាប់តាំងពី១៦៣ឆ្នាំមកហើយ ផ្លូវនេះមានចម្ងាយដល់ទៅ៥៧គីឡូម៉ែត្រ ត្រូវបានប្រើប្រាស់ ទោះបីជាវាមិនល្អក៏ដោយ។
ប្រឈមមុខនឹងការមិនសូវអើពើរបស់ពួកបុរសៗ ហើយដើម្បីទាមទារឱ្យមានកសាងផ្លូវថ្នល់ថ្មី បណ្តានារីភូមិបានសម្រេចធ្វើការបង្ខិតបង្ខំស្វាមីពួកគេ គឺការធ្វើកូដកម្មមិនឱ្យពួកលោកប្តីរួមភេទ បើមិនជួយជំរុញឱ្យមានការកសាងផ្លូវថ្នល់ទេ។ ពួកនាងធ្វើកូដកម្មដោយនិយាយថា ទេគឺទេ ហើយ។ ពួកនាងធ្វើកូដកម្មបែបនេះ អស់រយៈពេលដល់ទៅ៣ខែ និង១៩ថ្ងៃ រហូតដល់ពេលមានការមកដល់នៃគ្រឿងចក្រធ្វើផ្លូវកាលពីថ្ងៃទី១៨ តុលា កន្លងមកនេះ ។
ដូចការពន្យល់របស់លោកស្រី LUZ MARIANO MARINA CASTILLO ជាគ្រូបង្រៀន ហើយជាអ្នកទទួលបន្ទុកបញ្ជាជាតិពន្ធ ក្នុងសហជីពគ្រូបង្រៀន ដែលរៀបចំចលនា «កៀបភ្លៅ» នេះនិយាយថា វាពុំមែនជាការងាយស្រួលឡើយ ក្នុងការធ្វើចលនាបែបនេះ។ លោកស្រីអះអាងប្រាប់កាសែត EL TIEMPO ថា ដើម្បីប្រមូលផ្តុំនារីឱ្យមកពិភាក្សាគ្នានាពេលយប់ ហើយបញ្ចុះបញ្ចូលពួកនាងកុំឱ្យរួមដំណេកជាមួយស្វាមី។ លោកស្រីត្រូវបញ្ចុះបញ្ចូលនារីក្នុងភូមិឱ្យអនុវត្តពាក្យស្លោកថា «ទេ គឺទេ»៕
ចែករំលែកព័តមាននេះ