រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោត (គជប) កាលពីថ្ងៃទី២៤តុលា ឆ្នាំ២០១១ បានប្រកាសពីចំនួនអាសនៈព្រឹទ្ធសភា៦១ ដែលត្រូវរៀបចំការបោះឆ្នោតនៅ ថ្ងៃទី២៩ មករា ឆ្នាំ២០១២ ក្នុងនោះ៥៧អាសនៈ ជ្រើសរើសដោយការបោះឆ្នោត ២អាសនៈតែងតាំងដោយព្រះមហាក្សត្រ និង២អាសនៈមកពីរដ្ឋសភា។ ការបោះឆ្នោតជ្រើសរើសសមាជិក សមាជិកា
រាជធានីភ្នំពេញ ៖ គណៈកម្មាធិការជាតិរៀបចំការបោះឆ្នោត (គជប) កាលពីថ្ងៃទី២៤តុលា ឆ្នាំ២០១១ បានប្រកាសពីចំនួនអាសនៈព្រឹទ្ធសភា៦១ ដែលត្រូវរៀបចំការបោះឆ្នោតនៅ ថ្ងៃទី២៩ មករា ឆ្នាំ២០១២ ក្នុងនោះ៥៧អាសនៈ ជ្រើសរើសដោយការបោះឆ្នោត ២អាសនៈតែងតាំងដោយព្រះមហាក្សត្រ និង២អាសនៈមកពីរដ្ឋសភា។ ការបោះឆ្នោតជ្រើសរើសសមាជិក សមាជិកា ព្រឹទ្ធសភានឹងត្រូវធ្វើឡើងនៅតាមមណ្ឌលភូមិភាគចំនួន៨នៅទូទាំងប្រទេសកម្ពុជា ។ ការ ប្រកាសនេះធ្វើឡើងនៅក្នុងកិច្ចប្រជុំមួយរបស់ គជបជាមួយគណបក្សនយោបាយនៅទីស្តីការ គជប ស្ថិតក្នុងបរិវេណ ក្រសួងមហាផ្ទៃ។
លោកសោម ច័ន្ទឌីណា សមាជិក គជប និងជាប្រធានអង្គប្រជុំបានថ្លែងថា អង្គបោះឆ្នោត និងអ្នកបោះឆ្នោតរួមមានសមាជិកសភាចំនួន១២៣រូប និងក្រុមប្រឹក្សាឃុំ-សង្កាត់ចំនួន ១១.៣៥២រូប ។ ឈ្មោះអ្នកបោះឆ្នោតឆ្នាំ២០១២ខាងមុខសរុបមានចំនួន១១.៤៧៥រូបដែលកំពុងស្ថិតនៅក្នុងមុខតំណែងបច្ចុប្បន្ន ។ បញ្ជីឈ្មោះអ្នកបោះឆ្នោត និងអង្គបោះឆ្នោតត្រូវបានគណបក្សនយោបាយបានបញ្ជូនមក គជបរួចហើយ។
លោកសោម ច័ន្ទឌីណាបន្តថា តាមច្បាប់ស្តីពីការបោះឆ្នោតជ្រើសរើសសមាជិកព្រឹទ្ធសភា គជបចែកជាមណ្ឌលបោះឆ្នោតចំនួន៨ភូមិភាគ និងចែកជា៣៣ការិយាល័យបោះឆ្នោត ។ ភូមិភាគ១ គឺរាជធានីភ្នំពេញមាន៦អាសនៈ មាន៩៦សង្កាត់។ កំពង់ចាមមានចំនួន៨អាសនៈមានចំនួន១៧៣ឃុំ-សង្កាត់ ។ កណ្តាលមាន៥អាសនៈមាន១២៧ឃុំ-សង្កាត់។នៅភូមិភាគ៤ មាន១០អាសនៈ មាន២៩២ឃុំ-សង្កាត់ ។ភូមិភាគ៥មាន៧អាសនៈ មាន១៩៧ឃុំសង្តាត់ ។ ភូមិភាគ៦មាន៧អាសនៈ ១៩៦ឃុំ-សង្កាត់ ។ភូមិភាគ៧មាន៨អាសនៈ មាន២៦០ឃុំ-សង្កាត់ និងភូមិភាគ៨មាន៦អាសនៈមាន២៨០ឃុំ-សង្កាត់។
អ្នកបោះឆ្នោតជាតំណាងរាស្រ្ត និងក្រុមប្រឹក្សាឃុំ-សង្កាត់ដែលកំពុងកាន់តំណែងក្នុងការងារ និងមានឈ្មោះនៅក្នុងបញ្ជីដែលខ្លួនបានចុះ ជាបេក្ខជន។ អ្នកទាំងនោះមានសិទ្ធិចុះឈ្មោះ និងបោះឆ្នោតអាចធ្វើឡើងតែក្នុងមណ្ឌលរបស់ខ្លួនប៉ុណ្ណោះ។ ការិយាល័យបោះឆ្នោតមានតែមួយទេ នៅអគ្គលេខាធិការដ្ឋានរដ្ឋសភា និងនៅតាមឃុំ-សង្កាត់ ។ ការិយាល័យបោះឆ្នោត នីមួយៗនឹងកា្លយជាកន្លែងរាប់សន្លឹកឆ្នោតផងដែរ។
ស្របពេលជាមួយគ្នានេះដែរ គជបក៏បានផ្សព្វផ្សាយពីលទ្ធផលបណ្តោះអាសន្ននៃការចុះឈ្មោះនិងពិនិត្យបញ្ជីឈ្មោះបោះឆ្នោតឆ្នាំ២០១១ គិតពីថ្ងៃទី១កញ្ញា ដល់ថ្ងៃទី១៨ តុលា ឆ្នាំ២០១១ ។ យោងតាមរបាយការណ៍ដែលគជបទទួលបានពីឃុំ-សង្កាត់ចំនួន១.៦១៧នៅទូទាំងប្រទេសឱ្យដឹងថា មានអ្នកបោះឆ្នោតថ្មីចំនួន៩១៧.១៧៨នាក់បានចុះឈ្មោះ ។ គជបបានរកឃើញឈ្មោះខ្មោចចំនួន២៤៩.០៩៥នាក់ ដែលត្រូវលុបចេញនិងឈ្មោះចំនួន១៣៦.៧៧៨នាក់ ត្រូវកែតម្រូវ៕
ចែករំលែកព័តមាននេះ