រាជធានីភ្នំពេញ ៖ លោកគួច ចំរើន អភិបាលខណ្ឌមានជ័យ បានមានប្រសាសន៍ថា យុទ្ធនាការចុះចែកអំណោយសង្គ្រោះដល់បងប្អូនប្រជាពលរដ្ឋ ដែលរងគ្រោះដោយសារទឹកជំនន់ជាបន្តបន្ទាប់ តាំងពីថ្ងៃទី២៣ កញ្ញា ២០១១ រហូតមកទល់ពេលនេះ គឺធ្វើឡើងក្នុងគោលបំណងមនុស្សធម៌សុទ្ធសាធ គ្មានប្រកាន់និន្នាការនយោបាយ ឬពណ៌សម្បុរអ្វីឡើយ។
រាជធានីភ្នំពេញ ៖ លោកគួច ចំរើន អភិបាលខណ្ឌមានជ័យ បានមានប្រសាសន៍ថា យុទ្ធនាការចុះចែកអំណោយសង្គ្រោះដល់បងប្អូនប្រជាពលរដ្ឋដែលរងគ្រោះដោយសារទឹកជំនន់ជាបន្តបន្ទាប់ តាំងពីថ្ងៃទី២៣ កញ្ញា ២០១១ រហូតមកទល់ពេលនេះ គឺធ្វើឡើងក្នុងគោលបំណងមនុស្សធម៌សុទ្ធសាធ គ្មានប្រកាន់និន្នាការនយោបាយ ឬពណ៌សម្បុរអ្វីឡើយ។
មូលហេតុនៃការលើកឡើងយ៉ាងដូច្នេះ ដោយសារអាជ្ញាធរខណ្ឌមានជ័យ បានទទួលព័ត៌មានចចាមអារ៉ាមថា ការចែកអំណោយសង្គ្រោះជូនដល់បងប្អូនប្រជាពលរដ្ឋជាបន្តបន្ទាប់មួយរយៈកន្លងមកមានការប្រកាន់បក្សពួក តែធាតុពិត អាជ្ញាធរមូលដ្ឋានមិនមានគំនិតដូច្នេះឡើយ។ សូមបញ្ជាក់ថា ការចែកអំណោយនេះ គឺធ្វើឡើងតាមការសម្រង់ឈ្មោះអ្នកលិចលង់ទឹកជំនន់ជាក់ស្តែង និងប្រកាសឱ្យបងប្អូនអ្នករងគ្រោះទៅចុះឈ្មោះ ឬរាយការណ៍ជូនអាជ្ញាធរ ប៉ុន្តែមានបងប្អូនមួយចំនួនមិនបានទៅចុះឈ្មោះត្រឹមត្រូវនោះ ហើយការចែកអំណោយធ្វើទៅតាមបញ្ជីឈ្មោះ ម៉្លោះហើយទើបអ្នកមិនបានទៅចុះឈ្មោះមិនត្រូវបានទទួលអំណោយ ព្រោះអំណោយចែកទៅតាមបញ្ជីឈ្មោះ និងតាមការពិនិត្យឃើញជាក់ស្តែងរបស់អាជ្ញាធរ។
ដើម្បីជម្រះនូវការរិះគន់គ្មានហេតុផលខាងលើនេះ លោកគួច ចំរើន បានលើកឡើងថា កាលពីថ្ងៃទី៥ តុលា ២០១១ រូូបលោកផ្ទាល់រួមសហការជាមួយព្រះតេជគុណហោ សុខុន ព្រះចៅអធិការវត្តច្បារអំពៅ បាននាំយកអំណោយសង្គ្រោះជិះទូកចុះទៅចែកជូនប្រជាពលរដ្ឋដែលជាសមាជិកគណបក្សសម រង្ស៊ី នៅភូមិដើមស្លែង សង្កាត់ច្បារអំពៅទី២ ដូចមានក្នុងរូបថតបញ្ជាក់ស្រាប់…ដូច្នេះជាការសបញ្ជាក់ថា អាជ្ញាធរមិនប្រកាន់និន្នាការនយោបាយ ឬពណ៌សម្បុរអ្វីឡើយ ក្នុងការចែកអំណោយនេះ។
ជាក់ស្តែង លោកឡុង រ៉ា សមាជិកក្រុមប្រឹក្សាសង្កាត់ច្បារអំពៅទី២ នៃគណបក្សសម រង្ស៊ី ក៏បានទទួលអំណោយកាលពីពេលកន្លងមកដែរ ៕
ចែករំលែកព័តមាននេះ