ទឹកជំនន់ក្នុងប្រទេសថៃបានបំផ្លិចបំផ្លាញផលស្រូវចំនួនប្រហែល៧សែនតោន ប៉ុន្តែបានប៉ាន់ប្រមាណចុងក្រោយសរុបប្រហែលពី៦ទៅ៧លានតោនស្រូវ។ នេះបើតាមរដ្ឋមន្ត្រីក្រសួងពាណិជ្ជកម្មបានថ្លែងឱ្យដឹង។ ទោះជាយ៉ាងណាក្តី ផលប៉ះពាល់ការនាំអង្ករចេញសម្រាប់ឆ្នាំនេះត្រូវគេរំពឹងថា
ទឹកជំនន់ក្នុងប្រទេសថៃបានបំផ្លិចបំផ្លាញផលស្រូវចំនួនប្រហែល៧សែនតោន ប៉ុន្តែបានប៉ាន់ប្រមាណចុងក្រោយសរុបប្រហែលពី៦ទៅ៧លានតោនស្រូវ។ នេះបើតាមរដ្ឋមន្ត្រីក្រសួងពាណិជ្ជកម្មបានថ្លែងឱ្យដឹង។ ទោះជាយ៉ាងណាក្តី ផលប៉ះពាល់ការនាំអង្ករចេញសម្រាប់ឆ្នាំនេះត្រូវគេរំពឹងថា មានព្រំដែនកំណត់ ហើយប្រទេសថៃក៏នៅតែអាចមានលទ្ធភាពក្នុងការនាំចេញចំនួន១១លានតោនស្រូវដដែល។ នេះបើតាមសម្តីរបស់លោកYanyong Phuangrach អនុរដ្ឋមន្ត្រី។
តាមរបាយការណ៍ក្រសួងកសិកម្មថា ផ្ទៃដីសរុបដែលរងការខូចខាតមានចំនួន១០លានរ៉ៃ ដែលអាចទទួលបានផលស្រូវចំនួន៨លានតោន គិតជាផលស្រូវវិញមានចំនួនប្រហែលពី៦ទៅ៧លានតោនស្រូវ។ ក្នុងអំឡុងទឹកជំនន់ ប្រទេសថៃរំពឹងថា ស្រូវចំនួន២៥លានតោន នឹងប្រមូលចូលរដ្ឋតាមគោលនយោបាយថ្មីរបស់រដ្ឋ។ ខេត្តដែលទទួលរងផលប៉ះពាល់ពីទឹកជំនន់មានខេត្ត Phitsanulok ខេត្ត Nakhonsawan ខេត្តSuphan Buri ជាដើម។
លោក Yangyong និយាយថា គាត់សង្ឃឹមថាពាណិជ្ជករនិងរដ្ឋនឹងយោគយល់ពីការផ្គត់ផ្គង់ដែលនឹងត្រូវធ្លាក់ចុះ ហើយតម្លៃប្រហែលជានឹងកើនឡើងវិញ។
យើងត្រូវតែដឹងថា កសិករតែងតែទទួលផលស្រូវពីរដងក្នុងមួយឆ្នាំ ប៉ុន្តែសម្រាប់ឆ្នាំនេះពួកគេទទួលបានតែម្តងប៉ុណ្ណោះព្រោះទឹកជំនន់ជន់លិចអស់។
ការនាំអង្ករចេញរបស់ប្រទេសថៃប្រាកដជារងការប៉ះពាល់ ប៉ុន្តែលោក Yangyong នៅតែមានសុទិដ្ឋិនិយមថា ប្រទេសរបស់លោកនៅតែមានលទ្ធភាពក្នុងការនាំចេញចំនួន១១លានតោនក្នុងឆ្នាំនេះ។
ប្រទេសថៃបាននាំចេញស្រូវប្រមាណ៩លាន តោនរួចទៅហើយក្នុងឆ្នាំនេះ។ លោកបានព្យាករណ៍ថា តម្លៃអង្ករថៃនឹងកើនឡើង ប៉ុន្តែវាមិនខ្ពស់ដូចដែលទទួលផលប៉ះពាល់នោះទេ។
មានបញ្ហាមួយចំនួនក្នុងការដឹកជញ្ជូនស្រូវទៅកាន់កំពង់ផែដោយសារទឹកជំនន់ ប៉ុន្តែតំរូវការស្រូវថៃនៅតែមានកំរិតខ្ពស់។
គាត់បានកត់សម្គាល់ថា ប្រទេសឥណ្ឌាបាន នាំចេញត្រឹមតែ១០.០០០តោន ទេ បន្ទាប់ពីបានប្រកាសនាពេលថ្មីថានឹងនាំចេញ២លានតោន។
ប្រទេសឥណ្ឌានាំចេញលក់សម្រាប់តែប្រទេសប៉ាគីស្ថាន ដែលមិនមែនជាទីផ្សារសំខាន់ របស់ប្រទេសថៃ ដែលមានទីផ្សារធំបំផុតនៅ ទ្វីបអាហ្វ្រិកឯណោះ។
អង្ករសថៃមានតម្លៃប្រហែល៦០០ដុល្លារ ក្នុងមួយតោន ស្របពេលដែលអង្ករវៀតណាមមានតម្លៃតែ៥៧០ដុល្លារក្នុងមួយតោន។ លោកYangyong និយាយថា ប្រទេសកូដឌីវ័រទំនងជាទិញស្រូវប្រមាណ២០០.០០០តោនក្នុងឆ្នាំនេះ។
លោក Vatchai Wimooktayon ប្រធានទូទៅនាយកដ្ឋានពាណិជ្ជកម្មក្នុងស្រុកនិយាយថា ផ្សារនៅជាយក្រុងដាក់លក់អង្ករ២០គីឡូក្រាមតម្លៃ៥៥បាត ថ្លៃទ្វេដងខ្ពស់ជាងតម្លៃធម្មតា៕
ចែករំលែកព័តមាននេះ