ខេត្តកំពង់ឆ្នាំង ៖ មនុស្ស១៤នាក់ បានរងរបួសធ្ងន់ និងស្រាលក្នុងហេតុការណ៍រថយន្តធុនយីឌុប របស់ក្រុមហ៊ុន M.D.S មានលេខសំគាល់១៦៨ បានជ្រុលទៅបុករថយន្តកូរ៉េ មួយគ្រឿង ដែលមានមនុស្សជិះពេញ ខណៈវិលត្រឡប់មកពីធ្វើបុណ្យវិញ បង្កឱ្យមានការភ្ញាក់ផ្អើល និងរន្ធត់យ៉ាងខ្លាំងកាលពីវេលាម៉ោង៣និង៤០នាទីល្ងាច
ខេត្តកំពង់ឆ្នាំង ៖ មនុស្ស១៤នាក់ បានរងរបួសធ្ងន់ និងស្រាលក្នុងហេតុការណ៍រថយន្តធុនយីឌុប របស់ក្រុមហ៊ុន M.D.S មានលេខសំគាល់១៦៨ បានជ្រុលទៅបុករថយន្តកូរ៉េ មួយគ្រឿង ដែលមានមនុស្សជិះពេញ ខណៈវិលត្រឡប់មកពីធ្វើបុណ្យវិញ បង្កឱ្យមានការភ្ញាក់ផ្អើល និងរន្ធត់យ៉ាងខ្លាំងកាលពីវេលាម៉ោង៣និង៤០នាទីល្ងាចថ្ងៃទី១៦ តុលា ២០១១ នៅចំណុចភូមិថ្មី ឃុំពង្រ ស្រុករលាប្អៀរ ។
មន្ត្រីប៉ូលិសចរាចរនិយាយថា តួលេខអ្នករងរបួស១៤នាក់នេះគឺគ្រាន់តែជារបាយការណ៍បឋមប៉ុណ្ណោះ ។ សូមបញ្ជាក់ថា មុនពេលកើតហេតុ រថយន្តម៉ាកហ៊ីណូ ប្រភេទយីឌុប មានលេខសម្គាល់១៦៨ របស់ក្រុមហ៊ុន M.D.S ពាក់ស្លាកលេខ ភ្នំពេញ 3A-3322 ធ្វើដំណើរចេញពីភ្នំពេញ ទៅកាន់ខេត្តពោធិ៍សាត់ ក្នុងល្បឿនលឿន លុះដល់ចំណុចកើតហេតុ ជាកន្លែងផ្លូវកោងបត់ស្តាំ រថយន្តបានជ្រុលចូលទៅចំណែកផ្លូវខាងឆ្វេង ហើយបុកនឹងរថយន្តកូរ៉េមួយគ្រឿង ដែលមានមនុស្សជិះពេញសុទ្ធសឹងតែជាអ្នកត្រឡប់មកពីធ្វើបុណ្យវិញ។ ទោះជាយ៉ាងណា តួលេខអ្នកស្លាប់នៅមិនទាន់មាននៅឡើយទេ ពីព្រោះកំពុងសង្គ្រោះនៅមន្ទីរពេទ្យ។
សូមបញ្ជាក់ថា រថយន្តដែលគេបុកនេះជារថយន្តខូចត្រូវបានរថយន្តកូរ៉េមួយទៀត សណ្តោង ប៉ុន្តែរថយន្តយីឌុបមិនបានទៅបុករថយន្តខាងមុខទេ បែរជាទៅបុករថយន្តដែលគេសណ្តោងនៅខាងក្រោយទៅវិញ គឺបុកពេញទំហឹង បណ្តាលឱ្យប៉ើង និងអូសជាង១០ម៉ែត្រ បន្ទាប់មករថយន្តធុនយីឌុបបានជ្រុលទូលបុកយានដ្ឋានជួសជុលរថយន្តមួយកន្លែងទៀតដែលនៅក្បែរនោះ ហើយបុករថយន្ត៣គ្រឿង និងម៉ូតូ១គ្រឿង បណ្តាលឱ្យខូចខាតយ៉ាងដំណំផងដែរ ៕
ចែករំលែកព័តមាននេះ