រាជធានីភ្នំពេញ ៖ នាព្រឹកថ្ងៃទី១២ តុលា ឆ្នាំ២០១១ ប្រតិភូកាកបាទក្រហមកម្ពុជាសាខារាជធានីភ្នំពេញដឹកនាំដោយលោកប៉ា សុជាតិវង្ស ទីប្រឹក្សាផ្ទាល់សម្ដេចអគ្គមហាសេនាបតី
តេជោហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា និងជាប្រធានគណៈកម្មាធិការសាខា កាកបាទក្រហមកម្ពុជារាជធានីភ្នំពេញ និងលោកជំទាវ រួមដំណើរដោយលោកជំទាវ លោកឧកញ៉ា លោក
រាជធានីភ្នំពេញ ៖ នាព្រឹកថ្ងៃទី១២ តុលា ឆ្នាំ២០១១ ប្រតិភូកាកបាទក្រហមកម្ពុជាសាខារាជធានីភ្នំពេញដឹកនាំដោយលោកប៉ា សុជាតិវង្ស ទីប្រឹក្សាផ្ទាល់សម្ដេចអគ្គមហាសេនាបតី
តេជោហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា និងជាប្រធានគណៈកម្មាធិការសាខា កាកបាទក្រហមកម្ពុជារាជធានីភ្នំពេញ និងលោកជំទាវ រួមដំណើរដោយលោកជំទាវ លោកឧកញ៉ា លោក លោកស្រី ក្នុងជួរគណៈកិត្ដិយសសាខា គណៈកម្មាធិការសាខា មន្ដ្រីប្រតិបត្ដិសាខាអនុសាខាខណ្ឌមានជ័យជាច្រើនរូប បានចុះសាកសួរសុខទុក្ខ និងនាំយកអំណោយសង្គ្រោះទៅចែកជូនដល់បងប្អូន ប្រជាពលដ្ឋដែលកំពុងរងគ្រោះដោយសារទឹកជំនន់រស់នៅសង្កាត់ច្បារអំពៅទី២ ខណ្ឌមានជ័យចំនួន៩៩០គ្រួសារ ដើម្បីជួយសំរាលការលំបាកចំពោះមុខ។
តាមសេចក្ដីរាយការណ៍របស់លោកគួច ចំរើន ប្រធានកិត្ដិយសអនុសាខាកាកបាទក្រហមកម្ពុជាខណ្ឌមានជ័យបានឱ្យដឹងថា នៅក្នុងខណ្ឌមានជ័យមានប្រជាពលរដ្ឋទទួលរងគ្រោះដោយសារទឹកជំនន់ចំនួន៧.០៤៤គ្រួសារ ក្នុងនោះរងគ្រោះធ្ងន់ធ្ងរជាងគេមកស្នាក់នៅបណ្ដោះអាសន្ននៅទីទួលសុវត្ថិភាពចំនួន៦៥៩គ្រួសារ និងបានបណ្ដាលឱ្យមានមនុស្សស្លាប់ចំនួន២នាក់ ហើយក៏បានធ្វើឱ្យលិចផ្លូវចំនួន៥០ខ្សែ វត្ដចំនួន៣ សាលាចំនួន១ មណ្ឌលសុខភាពចំនួន១ និងបានរលំផ្ទះធ្លាក់ចូលក្នុងទន្លេចំនួន១ខ្នង។
លោកប៉ា សុជាតិវង្ស បានមានប្រសាសន៍ពាំនាំនូវការផ្ដាំផ្ញើសាកសួរសុខទុក្ខ និងការចូលរួម រំលែកនូវទុក្ខលំបាកជាមួយបងប្អូនពីសំណាក់់លោកជំទាវកិត្ដិព្រឹទ្ឋបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលលោកជំទាវកិត្ដិព្រឹទ្ធបណ្ឌិតប្រធានមានការព្រួយបារម្ភគិតគូរយកចិត្ដទុកដាក់ចំពោះបញ្ហាគ្រោះទឹកជំនន់ដែលបានលិចលង់លំនៅដ្ឋានរបស់បងប្អូនប្រជាពលរដ្ឋយើង ដោយបានចាត់នូវវិធានឱ្យទាំងថ្នាក់កណ្ដាល និងតាមសាខារាជធានី-ខេត្ដដែលមានការរងគ្រោះត្រូវឆ្លើយតបឱ្យបានទាន់ពេលវេលាក្នុងការជួយសង្គ្រោះ ដោយមិនបណ្ដែត បណ្ដោយឱ្យប្រជាពលរដ្ឋយើងណាម្នាក់អត់បាយហូបនោះឡើយ។
លោកបានបន្ដថា គ្រោះមហន្ដរាយទឹកជំនន់នេះ គឺជាគ្រោះធម្មជាតិដែលយើងមិនអាចទប់ស្កាត់បានទេ ប៉ុន្ដែយើងអាចត្រៀមបង្ការ និងធ្វើអន្ដរាគមន៍ដើម្បីជួយសង្គ្រោះ ក្នុងការបញ្ចៀសពីការបាត់បង់នូវអាយុជីវិត និងផលប៉ះពាល់ជីវិភាពរបស់បងប្អូន។ ក្នុងនោះដែរ លោកសូមកោតសរសើរដល់អាជ្ញាធរ និងអនុសាខា កាកបាទក្រហមខណ្ឌមានជ័យ ដែលបានយកចិត្ដទុកដាក់រួមគ្នាក្នុងការជួយសង្គ្រោះដល់បង
ប្អូនប្រជាពលរដ្ឋយើង ដោយទឹកចិត្ដមនុស្សធម៌មិនប្រកាន់ពីជាតិសាសន៍ សាសនា វណ្ណៈ ពណ៌សម្បុរ ឬនិន្នាការនយោបាយអ្វីឡើយ ឱ្យតែរងគ្រោះគឺជួយសង្គ្រោះបានយ៉ាងទាន់ពេលវេលា។
ចុងបញ្ចប់លោកប្រធានគណៈកម្មាធិការសាខាក៏សូមឱ្យប្រជាពលរដ្ឋដែលរងគ្រោះដោយសារទឹកជំនន់ទាំងអស់ត្រូវយកចិត្ដទុកដាក់គិតគូរចំពោះចាស់ជរា គ្រប់គ្រងកូនចៅឱ្យបានល្អ និងត្រូវប្រុងប្រយ័ត្នចំពោះសត្វអសិរពិសនានា ហើយសូមឱ្យបងប្អូនត្រូវរក្សាឱ្យបាននូវអនាម័យជាពិសេសត្រូវបរិភោគទឹកឆ្អិនដើម្បីចៀសវាងនូវជំងឺដង្កាត់ផ្សេងៗ។ ទន្ទឹមនឹងដែរសំរាប់គ្រួសារដែលមានស្ដ្រីមានផ្ទៃពោះជិតគ្រប់ខែត្រូវត្រៀមបង្ការនូវមធ្យោបាយធ្វើដំណើរ និងឆាប់រួសរាន់មកមន្ទីរពេទ្យ។ អំណោយសង្គ្រោះដែលនាំយកមកចែកជូនគ្រួសាររងគ្រោះទាំងអស់រួមមាន អង្ករ៩.៩០០គីឡូក្រាម, មី១៤.៨៥០កញ្ចប់, ទឹកត្រីទឹកស៊ីអុីវ៥.៩៤០
ដប, ត្រីខ៤.៩៥០កញ្ចប់, ទឹកដោះគោ៩៩០កំប៉ុង, ទឹកបរិសុទ្ឋឱរ៉ាល់ដបធំ៥.៩៤០ដប ជាអំណោយរបស់កាកបាទក្រហមកម្ពុជាសាខារាជធានីភ្នំពេញ និងសម្ភារថវិកាបន្ថែមទទួលបានពី លោកជំទាវឧកញ៉ាឡោក ខេង ឧបត្ថម្ភអង្ករជំនួយសុខភាព១.៩៨០កញ្ចប់, លោកអូស្មាន ហាស្សាន់ និងលោកជំទាវ ឧបត្ថម្ភថវិកា ៩.៩០០.០០០រៀល, លោកឧកញ៉ាថៃ សេងឡុង ឧបត្ថម្ភថវិកា៥លានរៀល, លោកជាងញ៉ឹប ឧបត្ថម្ភថវិកា១លានរៀល។
ក្នុងឱកាសនោះផងដែរ លោកប៉ា សុជាតិវង្ស បានប្រគល់អំណោយសង្គ្រោះរបស់សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា និងលោកជំទាវកិត្ដិព្រឹទ្ឋបណ្ឌិតប៊ុន រ៉ានី ហ៊ុន សែន ប្រធានកាកបាទក្រហម រួមមានសម្ភារប្រើប្រាស់គ្រឿងឧបភោគបរិភោគមួយចំនួន និងថវិកាចំនួន២លានរៀល ជូនដល់គ្រួសារសពប្រជាពលរដ្ឋដែលបានទទួលមរណភាពដោយសារលង់ទឹកជំនន់ ព្រមទាំងប្រគល់សម្ភារគ្រឿងឧបភោគបរិភោគមួយចំនួន និងថវិកាចំនួន៥០ម៉ឺនរៀល ជូនដល់គ្រួសារប្រជាពលរដ្ឋដែលបានរលំផ្ទះចូលក្នុងទន្លេ ។
ដោយឡែកកាកបាទក្រហមកម្ពុជាសាខារាជធានីភ្នំពេញ បានឧបត្ថម្ភទឹកបរិសុទ្ឋដបធំចំនួន៦៤០កេស សម្រាប់រួមចំណែក ជាមួយលោកអូស្មាន ហាស្សាន់ និងលោកជំទាវ ក្នុងពិធីចែកអំណោយជូនដល់ប្រជាពលរដ្ឋរងគ្រោះដោយសារទឹកជំនន់នៅសង្កាត់ច្រាំងចំរេះទី១ និងទី២ ចំនួន១.២៧៣គ្រួសារផងដែរ៕
ចែករំលែកព័តមាននេះ