*ឆ្នាំ១៣២២
-ព្រះមហាក្សត្រស្កុតឡែន Roberb The Bruce បានផ្តួលរំលំព្រះមហាក្សត្រ អង់គ្លេស Edward II ហើយបង្ខំឱ្យព្រះមហាក្សត្រអង់គ្លេសទទួលស្គាល់ឯករាជ្យភាពរបស់ស្កុតឡែន ។
*ឆ្នាំ១៨៩៨
-នាវាដើរដោយចំហាយទឹករបស់អង់គ្លេសបានលិចបណ្តាលឱ្យមនុស្ស១០៦នាក់ស្លាប់។
*ឆ្នាំ១៩៤៩
-សង្គ្រាមស៊ីវិលប្រទេសចិន ៖ កងកម្លាំងកុម្មុយនីស្តចិនបានចូលកាន់កាប់ទីក្រុង Guangzhou ក្នុងខេត្ត Guangdong ជាប់ឆ្នេរសមុទ្រចិនខាងត្បូង ។
*ឆ្នាំ១៩៦៨
-សង្គ្រាមវៀតណាម ៖ ក្រសួងការបរទេសសហរដ្ឋអាមេរិក បានប្រកាសថា សហរដ្ឋអាមេរិកនឹងបញ្ជូនកងទ័ព និងកងម៉ារីនប្រហែល២៤.០០០នាក់ ចូលទៅកាន់តំបន់ប្រយុទ្ធសាជាថ្មី ។
*ឆ្នាំ១៩៧៣
-និស្សិតសាកលវិទ្យាល័យធម្មសាត (Thammasat) បានងើបបះបោរប្រឆាំងនឹងរដ្ឋាភិបាលយោធាថៃដែលដឹកនាំដោយលោក Thanom ។ ការតវ៉ានេះបណ្តាលឱ្យនិស្សិត៧៧នាក់ស្លាប់ និង៨៥៧នាក់រងរបួសដោយសារតែការបង្ក្រាបរបស់ទាហានរដ្ឋាភិបាល។
*ឆ្នាំ២០០៤
-ក្រុមប្រឹក្សារាជសម្បត្តិដែលមានចំនួន៩រូប បានបោះឆ្នោតជ្រើសរើសសម្តេចព្រះបរមនាថនរោត្តម សីហមុនី ឱ្យឡើងគ្រងរាជ្យដើម្បីស្នងតំណែងព្រះបិតា ។
*ឆ្នាំ២០០៨
-ប្រទេសអេមីរ៉ាត អារ៉ាប់រួមទទួលស្គាល់កូសូវ៉ូជារដ្ឋឯករាជ្យ ។
*ឆ្នាំ២០០៩
-ក្រសួងទទួលបន្ទុកសិទ្ធិមនុស្សរបស់អ៊ីរ៉ាក់បានប្រកាសថា យ៉ាងហោចណាស់ប្រជាពលរដ្ឋអ៊ីរ៉ាក់ចំនួន៨៥.០០០នាក់បានស្លាប់ដោយសារការទម្លាក់គ្រាប់បែកក្នុងចន្លោះពីឆ្នាំ២០០៤ ដល់២០០៨ ។
*ឆ្នាំ២០១០
-នាយករដ្ឋមន្ត្រីជប៉ុន លោកណាអូតូ ខាន់ (Naoto Khan) បានអំពាវនាវឱ្យប្រទេសចិនដោះលែងអ្នកទោសពានរង្វាន់ណូបែលសន្តិភាពគឺលោក Liuxiaobo
-យុវជន Anton Abele វ័យ១៨ឆ្នាំ បានក្លាយទៅជាសមាជិកសភាវ័យក្មេងជាងគេបំផុតដែលមិនធ្លាប់មានពីមុនមករបស់ប្រទេសស៊ុយអែត ។ គាត់គឺជាសមាជិកមកពីគណបក្សកាន់អំណាច Moderate Party ៕
ចែករំលែកព័តមាននេះ