រាជធានីភ្នំពេញ ៖ នាល្ងាចថ្ងៃទី១០ តុលា ឆ្នាំ២០១១ ប្រតិភូកាកបាទក្រហមកម្ពុជាសាខារាជធានីភ្នំពេញដឹកនាំដោយលោកប៉ា សុជាតិវង្ស ទីប្រឹក្សាផ្ទាល់សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា និងជាប្រធានគណៈកម្មាធិការសាខា កាកបាទក្រហមកម្ពុជារាជធានីភ្នំពេញ និងលោកជំទាវ រួមដំណើរដោយ លោកជំទាវ
រាជធានីភ្នំពេញ ៖ នាល្ងាចថ្ងៃទី១០ តុលា ឆ្នាំ២០១១ ប្រតិភូកាកបាទក្រហមកម្ពុជាសាខារាជធានីភ្នំពេញដឹកនាំដោយលោកប៉ា សុជាតិវង្ស ទីប្រឹក្សាផ្ទាល់សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា និងជាប្រធានគណៈកម្មាធិការសាខា កាកបាទក្រហមកម្ពុជារាជធានីភ្នំពេញ និងលោកជំទាវ រួមដំណើរដោយ លោកជំទាវ លោកឧកញ៉ា លោក លោកស្រី ក្នុងជួរគណៈកិត្ដិយសសាខា គណៈកម្មាធិការសាខា មន្ដ្រីប្រតិបត្ដិសាខា អនុសាខាខណ្ឌឬស្សីកែវជាច្រើនរូប បានចុះសាកសួរសុខទុក្ខ និងនាំយកអំណោយសង្គ្រោះទៅចែកជូនដល់បងប្អូនប្រជាពលដ្ឋដែលកំពុងរងគ្រោះដោយសារទឹកជំនន់រស់នៅសង្កាត់ស្វាយប៉ាកចំនួន៣៩៤គ្រួសារ និងសង្កាត់គីឡូម៉ែតលេខ៦ចំនួន១៥៦គ្រួសារ នៃខណ្ឌឫស្សីកែវ ដើម្បីជួយសំរាលការលំបាកចំពោះមុខ ។
មានប្រសាសន៍ទៅកាន់បងប្អូនប្រជាពលរដ្ឋរងគ្រោះនៅតាមទីកន្លែងនីមួយៗ លោកប៉ា សុជាតិវង្ស បានលើកឡើងពីការព្រួយបារម្ភគិតគូរខ្ពស់របស់លោកជំទាវកិត្ដិព្រឹទ្ឋបណ្ឌិតប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ចំពោះបញ្ហគ្រោះទឹកជំនន់ដែលបានលិចលង់លំនៅដ្ឋានរបស់បងប្អូនប្រជាពលរដ្ឋយើង ដែលលោកជំទាវកិត្ដិព្រឹទ្ធបណ្ឌិតប្រធាន បានចាត់នូវវិធានឱ្យទាំងថ្នាក់កណ្ដាល និងតាមសាខារាជ
ធានី-ខេត្ដណាដែលមានការរងគ្រោះត្រូវឆ្លើយតបឱ្យបានទាន់ពេលវេលាក្នុងការជួយសង្គ្រោះ ដោយមិនបណ្ដែតបណ្ដោយឱ្យប្រជាពលរដ្ឋយើងណាម្នាក់អត់បាយហូបនោះឡើយ។ លោកបានមានប្រសាសន៍បន្ដថា ថ្វីដ្បិតតែអំណោយសង្គ្រោះដែលនាំយកមកចែកជូននាពេលនេះ មានចំនួនតិចមិនអាចបំពេញតាមតំរូវការរបស់បងប្អូនឱ្យបានគ្រប់គ្រាន់ក៏ដោយ តែវាអាចរួមចំណែកជួយដោះស្រាយនូវបញ្ហាចំពោះមុខបានមួយរយៈផងដែរ ទំរាំនឹងទឹកស្រក់ទៅវិញ ដែលនេះបានសរបញ្ជាក់ឱ្យឃើញពីស្មារតីរួមសុខ រួមទុក្ខនៅជាប់ជានិច្ចជាមួយប្រជាពលរដ្ឋយើងនៅគ្រប់កាលៈទេសៈទាំងអស់ ពោលគឺ ទីណាមានការលំបាក ទីនោះមានកាកបាទក្រហមកម្ពុជាជានិច្ច។
ចុងបញ្ចប់លោកប្រធានគណៈកម្មាធិការសាខាក៏សូមឱ្យប្រជាពលរដ្ឋដែលរងគ្រោះដោយសារទឹកជំនន់ទាំងអស់ត្រូវមានប្រុងប្រយ័ត្នចំពោះកូនចៅកុំឱ្យលេងទឹក និងប្រយ័ត្នចំពោះសត្វអសិរពិសនានា ហើយសូមឱ្យបងប្អូនត្រូវរក្សាឱ្យបាននូវអនាម័យជាពិសេសត្រូវបរិភោគទឹកឆ្អិនដើម្បីចៀសវាងនូវជំងឺដង្កាត់ផ្សេងៗ ទន្ទឹមនឹងដែរ សំរាប់គ្រួសារដែលមានស្ដ្រីមានផ្ទៃពោះជិតគ្រប់ខែត្រូវត្រៀមបង្ការនូវមធ្យោបាយធ្វើដំណើរ និងឆាប់រូសរាន់មកមន្ទីរពេទ្យ។អំណោយសង្គ្រោះដែលនាំយកមកចែកជូនគ្រួសាររងគ្រោះទាំង២សង្កាត់ខាងលើសរុបទាំងអស់ចំនួន៥៥០គ្រួសារ រួមមាន ៖ អង្ករ៥.៥០០គីឡូក្រាម, មី៨.២៥០កញ្ចប់, ទឹកត្រីទឹកស៊ីអ៊ីវ៣.៣០០ដប, ត្រីខ២.៧៥០កញ្ចប់, ទឹកដោះគោ៥៥០កំប៉ុង, ទឹកបរិសុទ្ធឱរ៉ាល់ដបធំ៣.៣០០ដប ជាអំណោយរបស់កាកបាទក្រហមកម្ពុជាសាខារាជធានីភ្នំពេញ និងថវិកាបន្ថែមទទួលបានពីលោកជំទាវឧកញ៉ាឡោក ខេង ឧបត្ថម្ភអង្ករជំនួយសុខភាព១.១០០កញ្ចប់, លោកអូស្មាន់ ហាសាន់ និងលោកជំទាវ ឧបត្ថម្ភថវិកា៥.៥០០.០០០រៀល៕
ចែករំលែកព័តមាននេះ