ខេត្តស្វាយរៀង ៖ កាលពីថ្ងៃទី៣ តុលា ឆ្នាំ២០១១ នៅទីធ្លាសាលប្រជុំឆ្នេរទន្លេ ភូមិរោងបន្លែ សង្កាត់ស្វាយរៀង បានរៀបចំពិធីសួរសុខទុក្ខ និងចែកអំណោយដល់ប្រជាពលរដ្ឋរងគ្រោះដោយទឹកជំនន់ចំនួន១២៦ គ្រួសារ ដោយមានការអញ្ជើញចូលរួមពីសំណាក់លោកជំទាវបណ្ឌិតម៉ែន សំអន ឧបនាយករដ្ឋមន្ត្រីប្រចាំការ លោកជៀង អំ អភិបាលខេត្ត លោកគឹម ធា ប្រធានក្រុមប្រឹក្សា
ខេត្តស្វាយរៀង ៖ កាលពីថ្ងៃទី៣ តុលា ឆ្នាំ២០១១ នៅទីធ្លាសាលប្រជុំឆ្នេរទន្លេ ភូមិរោងបន្លែ សង្កាត់ស្វាយរៀង បានរៀបចំពិធីសួរសុខទុក្ខ និងចែកអំណោយដល់ប្រជាពលរដ្ឋរងគ្រោះដោយទឹកជំនន់ចំនួន១២៦គ្រួសារ ដោយមានការអញ្ជើញចូលរួមពីសំណាក់លោកជំទាវបណ្ឌិតម៉ែន សំអន ឧបនាយករដ្ឋមន្ត្រីប្រចាំការ លោកជៀង អំ អភិបាលខេត្ត លោកគឹម ធា ប្រធានក្រុមប្រឹក្សាខេត្ត តំណាងរាស្ត្រមណ្ឌលស្វាយរៀង មន្ត្រីរាជការ កងកម្លាំងប្រដាប់អាវុធ និងមន្ត្រីសាខាកាកបាទក្រហមកម្ពុជាខេត្តស្វាយរៀងជាច្រើនរូប។
លោកជៀង អំ អភិបាលខេត្តបានមានប្រសាសន៍ថា ខេត្តស្វាយរៀងបានរងផលប៉ះពាល់ពីឥទ្ធិពលទឹកភ្លៀងចាប់តាំងពីថ្ងៃទី២៥ កញ្ញា រហូតមកដល់ថ្ងៃទី៣ តុលា ឆ្នាំ២០១១នៅតែទទួលរងនូវឥទ្ធិពលជំនន់ទឹកភ្លៀង និងជំនន់ទឹកទន្លេមេគង្គដដែល ឯអាជ្ញាធរបានដាក់ម៉ាស៊ីនបូមទឹក៣កន្លែងបូមទឹកចេញពីក្រុង។
លោកបញ្ជាក់ថា ទឹកជំនន់បណ្តាលឱ្យប៉ះពាល់៤ស្រុក-ក្រុង ២៨ឃុំ-សង្កាត់ ស្មើនឹង៨០ភូមិ ប៉ះពាល់ផ្ទះចំនួន១.០៩១ខ្នង ផ្ទះដួលរលំ៤ខ្នង និងប៉ះពាល់ប្រជាពលរដ្ឋ១១.៣៣១នាក់។ ក្រៅពីនេះទឹកបានលិចស្រូវសន្ទូង៥.៣១៩ហិកតា ខូចទាំងស្រុង២.៥១៩ហិកតា ដំណាំរួមផ្សំ១០០ហិកតា និងសាលារៀន៤កន្លែង។ ចំណែកផ្លូវលំរងការខូចខាត៩.១៣៩ម៉ែត្រ ផ្លូវកៅស៊ូ២៧០ម៉ែត្រ ស្លាប់មនុស្សម្នាក់ ជម្លៀសមនុស្សចេញទៅរកទីទួលសុវត្ថិភាព១១៥គ្រួសារ ដែលមានចំនួនមនុស្ស៤៤១នាក់ សត្វពាហនៈ ចំនួន១.១៧៣ក្បាល។ អាជ្ញាធរខេត្តបាន ចាត់វិធានការការពារផ្លូវថ្នល់ ផ្លូវលំ ពិសេសទប់ការពារខ្សែក្រវាត់ក្រុងមិនឱ្យទឹកហូរចូល។
លោកជៀង អំ បានថ្លែងអំណរគុណដល់សម្តេចអគ្គមហាសេនាបតីតេជោហ៊ុន សែន និងលោកជំទាវកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ដែលបានផ្តល់អំណោយផ្ទាល់ឧបត្ថម្ភដល់ក្រុមគ្រួសារប្រជាពលរដ្ឋរងគ្រោះក្នុងខេត្តស្វាយរៀង មានអង្ករចំនួន១០០តោន ថវិកាចំនួន២០០លានរៀល ឧបត្ថម្ភប្រជាពលរដ្ឋរលំផ្ទះ៤គ្រួសារ ក្នុង១គ្រួសារ ថវិកា១លានរៀល។ ចំពោះកាកបាទក្រហមកម្ពុជា ឧបត្ថម្ភប្រជាពលរដ្ឋ១២២គ្រួសារ ក្នុង១គ្រួសារប្រាក់២ម៉ឺនរៀល អង្ករ៣០គីឡូក្រាម មី១កេស ត្រីខ១០កំប៉ុង ក្រមា១ សារុង១។ ចំពោះគ្រួសាររលំផ្ទះ៤គ្រួសារ ក្នុង១គ្រួសារ ប្រាក់៤ម៉ឺនរៀល កៅស៊ូតង់១ផ្ទាំង ឆ្នាំង២ ភួយ២ មុងធំ១ កន្ទេល២ ធុងទឹក១ ក្រមា១ សារុង១ អង្ករ៥០គីឡូក្រាម មី១កេស និងត្រីខ១០កំប៉ុង។
លោកជំទាវបណ្ឌិតម៉ែន សំអន ឧបនាយករដ្ឋមន្ត្រីប្រចាំការបានមានប្រសាសន៍ថា សម្តេចអគ្គមហាសេនាបតីតេជោហ៊ុន សែន និងលោកជំទាវកិត្តិព្រឹទ្ធបណ្ឌិតប៊ុន រ៉ានី ហ៊ុន សែន បានយកចិត្តទុក្ខដាក់យ៉ាងខ្លាំង ដោយបានផ្តាំផ្ញើសួរសុខទុក្ខដល់ប្រជាពលរដ្ឋខេត្តស្វាយរៀង ក៏ដូចនៅទូទាំងប្រទេសដែលកំពុងមានទុក្ខលំបាកប្រឈមនឹងទឹកជំនន់។ ចំពោះខេត្តស្វាយរៀង បន្ទាប់ពីទទួលបានរបាយការណ៍ពីការរងគ្រោះដោយជំនន់ទឹកភ្លៀង និងទឹកទន្លេមេគង្គបុកមកពីប្រទេសវៀតណាមភ្លាម សម្តេចបានដាក់វិធានការក្នុងកិច្ចប្រជុំគណៈរដ្ឋមន្ត្រីរួមទាំងកាកបាទក្រហមកម្ពុជា សហការធ្វើយ៉ាងណាជួយដល់ប្រជាពលរដ្ឋ ព្រោះសម្តេចមិនទុកឱ្យប្រជាពលរដ្ឋណាម្នាក់ដាច់ពោះស្លាប់ដោយអត់អាហារនោះទេ។ សម្តេចតេជោហ៊ុន សែន បានផ្តាំផ្ញើឱ្យអាជ្ញាធរគ្រប់លំដាប់ថ្នាក់ ចុះត្រួតពិនិត្យមើលប្រជាពលរដ្ឋដល់លំនៅឋាន ដើម្បីជួយសង្គ្រោះបន្ទាន់ឱ្យបានទាន់ពេលវេលា៕
ចែករំលែកព័តមាននេះ