តម្លៃអចលនទ្រព្យទំនងងើបឡើងវិញមុនឆ្នាំ២០២០ ហើយការខកខានក្នុងការសងប្រាក់បំណុល នឹងលែងកើតមាននៅឆ្នាំបន្ទាប់ទៀត។ នេះបើតាមការស្ទង់មតិស្តីពីហានិភ័យនៃការគ្រប់គ្រងធនាគារដែលបានចេញផ្សាយនៅថ្ងៃសុក្រ ទី៣០ កញ្ញា កន្លងមក ។
ការស្ទង់មតិដែលបានធ្វើឡើងបានបង្ហាញឲ្យឃើញថា ៤៩ភាគរយបានឆ្លើយតបថា ពួកគេមិនសង្ឃឹមពីការកើនឡើងនៃតម្លៃអចលនទ្រព្យ ដូចឆ្នាំ២០០៧ ទេសម្រាប់រយៈពេល៩ឆ្នាំទៅមុខទៀត។ តែមាន២១ភាគរយដែលគិតថាតម្លៃវានឹងកើនឡើង។
បន្ថែមលើសពីនេះ ៧៣ភាគរយនៃការស្ទង់មតិចំពោះម្ចាស់ធនាគារនិយាយថា ពួកគេនៅតែគិតថា ការខកខានក្នុងការសងប្រាក់បំណុលនៅតែបន្តទៅមុខ៥ឆ្នាំទៀត។ តែមាន៤៦ភាគរយជឿថាការខកខានក្នុងការសងប្រាក់បំណុលនឹងកើនឡើងខ្ពស់ក្នុងរយៈពេល៦ខែទៀត។
លោក Andrew Jennings ប្រធានការិយាល័យវិភាគនៃ FICO និយាយថា ស្របពេលវិស័យអចលនទ្រព្យនឹងកើនឡើងយ៉ាងជាក់លាក់នៅរយៈពេល៥ឆ្នាំខាងមុខ មានម្ចាស់ធនាគារជាច្រើនជឿជាក់ថា តម្លៃនឹងនៅតែស្រុតចុះ។
ជំនួញតូចតាចត្រូវគេរំពឹងថា នឹងនៅបន្តប្រឈមមុខចំពោះបរិយាកាសឥណទាន ហើយមនុស្ស១ភាគ៣ជឿថា ប្រាក់កម្ចីរបស់មុខជំនួញតូចតាចនឹងកាន់តែកើនឡើង។ តែធនាគារិកទាំងនោះក៏បានសម្តែងសុទិដ្ឋិនិយមពីការងើបឡើងវិញនៃការចំណាយរបស់អ្នកប្រើប្រាស់។ ចំនួនមនុស្ស៦៤ភាគរយ ឆ្លើយតបថា ពួកគេគិតថា ការប្រើប្រាស់ក្រេឌីដនៅតែស្ថិតនៅក្រោមកំរិតទាបបំផុតក្នុងរយៈពេល៥ឆ្នាំចុងក្រោយនេះ។
ការស្ទង់មតិនេះ មួយចំនួនបានឆ្លើយថា តុល្យភាពរបស់កាតឥណទាននឹងកើនឡើងនៅ៦ខែខាងមុខទៀត ដោយសារការចំណាយខ្ពស់លើតម្រូវការក្នុងផ្ទះ និងការចំណាយប្រចាំខែតិចតួចពីអ្នកផ្សេងទៀត៕
ចែករំលែកព័តមាននេះ