រាជធានីភ្នំពេញ ៖ អំណោយរបស់លោកកែប ជុតិមា អភិបាលរាជធានីភ្នំពេញដែលផ្តល់តាមរយៈសាលាខណ្ឌប្ញស្សីកែវ ត្រូវបានលោកនុត ពុធដារ៉ា អភិបាលរងខណ្ឌ និងលោកប្រាក់ចាន់ណា ប្រធានក្រុមប្រឹក្សាខណ្ឌប្ញស្សីកែវ នាំយកទៅចែកជូនដល់ប្រជាពលរដ្ឋរងគ្រោះដោយទឹកជំនន់ចំនួន៩៦គ្រួសារ រស់នៅសង្កាត់ទួលសង្កែ និងសង្កាត់បាក់ខែង ខណ្ឌប្ញស្សីកែវ កាលពីរសៀល
រាជធានីភ្នំពេញ ៖ អំណោយរបស់លោកកែប ជុតិមា អភិបាលរាជធានីភ្នំពេញដែលផ្តល់តាមរយៈសាលាខណ្ឌប្ញស្សីកែវ ត្រូវបានលោកនុត ពុធដារ៉ា អភិបាលរងខណ្ឌ និងលោកប្រាក់ចាន់ណា ប្រធានក្រុមប្រឹក្សាខណ្ឌប្ញស្សីកែវ នាំយកទៅចែកជូនដល់ប្រជាពលរដ្ឋរងគ្រោះដោយទឹកជំនន់ចំនួន៩៦គ្រួសារ រស់នៅសង្កាត់ទួលសង្កែ និងសង្កាត់បាក់ខែង ខណ្ឌប្ញស្សីកែវ កាលពីរសៀលថ្ងៃទី៣០ កញ្ញា ។ ពិធីនេះរៀបចំឡើងនៅក្នុងដីឡូត៍តាមផ្លូវជាតិលេខ៥ ក្នុងភូមិផ្សារតូច សង្កាត់ទួលសង្កែ ។ អំណោយដែលនាំទៅចែកជូនក្នុងឱកាសនោះក្នុងមួយគ្រួសារទទួលបានអង្ករ២០គីឡូក្រាម មី១កេស ទឹកត្រី ៦ដប ទឹកស៊ីអីុវ៦ដប និងទឹកបរិសុទ្ធឱរ៉ាល់៦ដបធំ ។
លោកនុត ពុធដារ៉ា អភិបាលរងខណ្ឌប្ញស្សីកែវបានឱ្យដឹងថា ដើម្បីជួយសម្រួលការលំបាករបស់បងប្អូនប្រជាពលរដ្ឋដែលរងគ្រោះដោយទឹកជំនន់នៅតាមដងទន្លេសាប និងទន្លេមេគង្គ លោកកែប ជុតិមា អភិបាលរាជធានីភ្នំពេញនិងលោកជំទាវបានផ្តល់អំណោយ់តាមរយៈសាលាខណ្ឌមកចែកជូនដល់ប្រជាពលរដ្ឋរងគ្រោះជាបន្តបន្ទាប់ ។ កន្លងមកមានប្រជាពលរដ្ឋរងគ្រោះចំនួន៥២២គ្រួសារ ដែលរស់នៅក្នុងសង្កាត់ចំនួន១០ក្នុងខណ្ឌប្ញស្សីកែវ បានទទួលអំណោយពីលោកអភិបាលរាជធានីភ្នំពេញ និងនៅថ្ងៃនេះមានចំនួន៩៦គ្រួសារទៀត ។
លោកនុត ពុធដារ៉ា អភិបាលរងខណ្ឌប្ញស្សីកែវបានបន្តទៀតថា បន្ទាប់ពីប្រជាពលរដ្ឋរងគ្រោះដោយទឹកជំនន់ លោកអភិបាលរាជធានីភ្នំពេញក៏ដូចជាគណៈអភិបាលខណ្ឌប្ញស្សីកែវ បានយកចិត្តទុកដាក់យ៉ាងខ្លាំងដោយបានចាត់ចែងកម្លាំងចុះទៅទប់ទឹកដោយប្រើបាវខ្សាច់នៅក្នុងសង្កាត់ជ្រោយចង្វា និងផ្តល់អំណោយចែកជូនដល់បងប្អូនជាបន្តបន្ទាប់ ។ លោកក៏បានណែនាំដល់ប្រជាពលរដ្ឋឱ្យមានការប្រុងប្រយ័ត្នថែទាំកូនចៅកុំឱ្យលេងទឹក ចៀសវាងមានគ្រោះថ្នាក់ ។ ត្រូវចេះសំអាតលំនៅឋានពេលទឹក
ស្រកអស់ និងពិសាទឹកដាំពុះជាប្រចាំចៀសវាងមានជំងឺតម្កាត់ផ្សេងៗ ៕
ចែករំលែកព័តមាននេះ