ខេត្តកណ្តាល ៖ កាលពីព្រឹកថ្ងៃទី១៥ ខែកញ្ញា ឆ្នាំ២០១១ ប្រតិភូសាខាកាកបាទក្រហមកម្ពុជាខេត្ត ដឹកនាំដោយលោកហាក់ ប៊ុនធឿន អនុប្រធានគណៈកម្មាធិការសាខា រួមដំណើរដោយលោកវេជ្ជបណិ្ឌតប្រាក់ ផន ,លោកឈឹម កន សមាជិកគណៈកម្មាធិការសាខា លោកជំទាវ ម៉ែន នារីវុឌ្ឍី ហូសិទ្ធី, លោកជំទាវ ដូ ញូ ប៊ុន សម, លោកជំទាវ គង់ ចនី្ធ ជា សុន សមាជិកាទ្រទ្រង់កាកបាទក្រហម ព្រមទាំងលោកជំទាវ អស់លោក លោកស្រី ជាសមាជិក-សមាជិកាទ្រទ្រង់ មន្ត្រីក្រុមប្រតិបតិ្តសាខា បានចុះចែកជំនួយសង្គ្រោះជូនប្រជាពលរដ្ឋរងគ្រោះដោយខ្យល់ព្យុះចំនួន១០គ្រួសារ នៅស្រុកលើកដែក។ ពិធីចែកអំណោយនេះបានប្រារព្ធធ្វើឡើងនៅ សាលាបឋមសិក្សាហ៊ុនសែនកំពង់ភ្នំ។
បន្ទាប់ពីលោកប្រធានក្រុមប្រឹក្សាឃុំ អានរបាយការណ៍ស្វាគមន៍រួចមក លោកប្រាក់ ផល្លី, លោកជំទាវ ម៉ែន នារីវុឌ្ឍី ហូ សិទ្ធី និងលោកហាក់ ប៊ុនធឿន បានមានមតិសំណេះសំណាលដោយពាំនូវការផ្តាំផ្ញើសាកសួរសុខទុក្ខពីលោកជំទាវកិតិ្តព្រឹទ្ធបណិ្ឌត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ជូនចំពោះគ្រួសារជនរងគ្រោះដោយកី្តអាណិតអាសូរ និងការនឹករឭក ។ សព្វថ្ងៃ កាកបាទក្រហមកម្ពុជាកំពុងតែមានសកម្មភាពយ៉ាងមមាញឹកនៅទូទាំងប្រទេស ដោយផ្តោតលើវិស័យស្នូលចំនួន៤ គឺការងារគ្រប់គ្រងគ្រោះមហន្តរាយ ការងារអប់រំសុខភាព និងការថែទាំសុខភាពបឋមក្នុងសហគមន៍ ការលើកកម្ពស់គោលការណ៍គ្រឹះ តម្លៃមនុស្សធម៌ និងការងារអភិវឌ្ឍស្ថាប័ន អភិវឌ្ឍធនធាន ។ ជានិច្ចកាល លោកជំទាវកិតិ្តព្រឹទ្ធបណ្ឌិតប្រធាន តែងតែយកចិត្តទុកដាក់ខ្ពស់ចំពោះសុខទុក្ខប្រជាពលរដ្ឋរងគ្រោះ និងងាយរងគ្រោះនៅទូទាំងព្រះរាជាណាចក្រកម្ពុជា ដោយមិនរើសអើង ឬប្រកាន់និន្នាការនយោបាយ ហើយអនុវត្តតាមគោលការណ៍គ្រឹះទាំង៧របស់ចលនាកាកបាទក្រហម សមតាមពាក្យស្លោកថា «ទីណាមានទុក្ខលំបាក ទីនោះមានកាកបាទក្រហមកម្ពុជាចុះជួយសង្គ្រោះ» ។
លោកស្រី គង់ សារីយ៉ា នាយិកាសាខា បានអាននាមសប្បុរសជនដែលបានផ្តល់ជំនួយសង្គ្រោះជូនជនរងគ្រោះ ហើយជំនួយដែលគ្រួសារនីមួយៗបានទទួលមាន អង្ករ២៥គីឡូក្រាម, មី១កេស, មុង១, ភួយ១, សារុង១, ក្រមា១ សម្ភារ និងគ្រឿងឧបភោគបរិភោគចំនួន១៧មុខបន្ថែមទៀត ព្រមទាំងថវិកាចំនួន៣៨ម៉ឺនរៀល។ ក្រៅពីនេះ ប្រតិភូក៏បានចែកអំណោយជូនយាយជីតាជីចំនួន២០នាក់ ដែលបានអញ្ជើញចូលរួមក្នុងពិធីនេះ ដោយក្នុងម្នាក់ៗទទួលបានក្រណាត់ស១ដុំ និងថវិកា៣៥.០០០ រៀលផងដែរ ។
សប្បុរសជនដែលបានឧបត្ថម្ភសម្ភារ និងថវិការួមមាន លោកជំទាវឃួន សុដារី ថវិកា១ លាន២០ម៉ឺនរៀល និងក្រណាត់ស២០ដុំ, លោកជំទាវ អៀង វុឌ្ឍី ឈុន ស៊ីរុន ថវិកា២០ម៉ឺនរៀល, លោកជំទាវ គឹង ចាន់ឌី គន់ គីម ថវិកា៥០ម៉ឺនរៀល, លោកជំទាវ ម៉ែន នារីវុឌ្ឍី ហូ សិទ្ធី ថវិកា១០ម៉ឺនរៀល, លោកជំទាវ គង់ ចនី្ធ ជា សុន ថវិកា២០ម៉ឺនរៀល, លោកជំទាវ ដូ ញូ ប៊ុន សម ថវិកា២០ម៉ឺនរៀល, លោកជំទាវ ហូ ណូន ថវិកា៨ម៉ឺនរៀល, លោកជំទាវ ប្រាក់ សុគន្ធា ថវិកា១០ម៉ឺនរៀល, លោកឧកញ៉ា ថៃ សេងឡុង ថវិកា១០ម៉ឺនរៀល, លោកកឹម ជាតិ និងលោកជំទាវ ភួង ម៉ាឡា ថវិកា៣០ម៉ឺនរៀល, លោកប្រាក់ ផល្លី ថវិកា២០ម៉ឺនរៀល, លោកឡាច ទូច ថវិកា២០ម៉ឺនរៀល, លោកឈឹម កន ថវិកា១០ម៉ឺនរៀល, លោកមាស សឿន ថវិកា៣៣ម៉ឺនរៀល, លោកស្រីវេជ្ជបណិ្ឌត ម៉ែន នារីសុជាតិ និងស្វាមី នំ១០ប្រអប់, លោកស្រី សុខ សុវណ្ណារី ថវិកា៥ម៉ឺនរៀល, លោកស្រី កិច អៃដាគន្ធារី ថវិកា១០ម៉ឺនរៀល, លោកស្រី ជ វ៉ាងលី ថវិកា១០ម៉ឺនរៀល, លោកស្រី ហ៊ី សៀ ថវិកា៥ម៉ឺនរៀល និងលោកស្រី ម៉ែន នារីនិមលថវិកា២០ម៉ឺនរៀល៕
ចែករំលែកព័តមាននេះ