យោងទៅតាមការស្ទង់មតិថ្មីមួយបានបង្ហាញឃើញថា ជនជាតិអង់គ្លេសចូលចិត្តនិយាយពាក្យថា «សុំទោស» គឺមានចំនួនប្រាំបីដងក្នុងមួយថ្ងៃ ។ ពេលវេលាភាគច្រើនបំផុត សម្រាប់និយាយពាក្យ «សុំទោស» គឺមិនមែនដោយសារកំហុសរបស់ពួកគេទេ ។ ការស្ទង់មតិដែលធ្វើឡើងដោយ New York Bakery Co បានឱ្យដឹងថា ជាប្រចាំជនជាតិអង់គ្លេសបាននិយាយពាក្យសុំទោសប្រហែល២.៩២០ដងក្នុងមួយឆ្នាំ ឬក៏ប្រហែលជា២,៣លានដងក្នុងមួយជីវិត ។
ដោយឡែកការសិក្សារបស់ Daily Express ឱ្យដឹងថា ប្រជាជនអស់គ្លេសម្នាក់ក្នុងចំណោម៨នាក់ ដែលត្រូវបានគេស្ទង់មតិ បានឆ្លើយថា ៖ ខ្ញុំបាននិយាយពាក្យសុំទោសច្រើនជាង២០ដងក្នុងមួយថ្ងៃ ។ ការស្រាវជ្រាវបានឱ្យដឹងថា ពាក្យសុំទោសជារឿយៗត្រូវបានគេប្រើដើម្បីជាការឆ្លើយទៅ នឹងកំហុសរបស់នរណាម្នាក់ផៀងទៀត ។ ចំនួន៤៣ភាគរយដែលបានមកពីការស្ទង់មតិបាននិយាយសុំទោសទៅមនុស្សម្នាក់ដែលវាយពួកគេ ហើយ១៧ភាគរយទៀត បាននិយាយពាក្យសុំទោសនៅពេលមាននរណាម្នាក់ជាន់មេជើងរបស់ពួកគេ ។
ពាក្យសុំទោស (Sorry) ត្រូវបានគេប្រើប្រាស់ជំនួសឱ្យពាក្យសម្រាប់និយាយថា សុំអភ័យទោស (Excuse me) ដែលមានចំនួន៣០ភាគរយនៅពេលយើងនិយាយកាត់នរណាម្នាក់។
ពាក្យសុំទោសភាគច្រើនបំផុតត្រូវបានប្រើប្រាស់នៅកន្លែងធ្វើការ ហើយ៣៩ភាគរយប្រើប្រាស់វា ជាមួយមិត្តរួមការងារ ដោយសារការភ័យខ្លាចរំខានដល់នរណាម្នាក់ លើសពីនេះទៀតពាក្យ «សុំទោស» ក៏ត្រូវបានគេប្រើនៅពេលដើរផ្សារ ឬក៏នៅផ្ទះផងដែរ ។
លោក Victoria Wiltis ដែលធ្វើការនៅ New York Bakery Co បាននិយាយថា «យើងមានការសង្ស័យថា ប្រជាជនអង់គ្លេសបានប្រើពាក្យសុំទោសច្រើនហើយលទ្ធផលការសិក្សារបស់យើងបង្ហាញអ៊ីចឹងមែន ៕
ចែករំលែកព័តមាននេះ