រាជធានីភ្នំពេញ ៖ រដ្ឋមន្ត្រីក្រសួងព័ត៌មានលោកខៀវ កាញារីទ្ធ បានធ្វើការអំពាវនាវ និងជំរុញឱ្យស្ថានីយទូរទស្សន៍ទាំងអស់ធ្វើការផ្សព្វផ្សាយប្រសាសន៍ របស់សម្តេចអគ្គមហាសេនាបតីតេជោហ៊ុន សែន ដែលបានថ្លែងកាលពីថ្ងៃទី១២ កញ្ញា ឱ្យមានការបង្កើតធនាគារឈាមដោយសប្បុរស ដើម្បីសង្គ្រោះដោយយកគំរូតាមសមាគមយុវជនគណបក្សប្រជាជនកម្ពុជា ខេត្តកណ្តាល។
រាជធានីភ្នំពេញ ៖ រដ្ឋមន្ត្រីក្រសួងព័ត៌មានលោកខៀវ កាញារីទ្ធ បានធ្វើការអំពាវនាវ និងជំរុញឱ្យស្ថានីយទូរទស្សន៍ទាំងអស់ធ្វើការផ្សព្វផ្សាយប្រសាសន៍របស់សម្តេចអគ្គមហាសេនាបតីតេជោហ៊ុន សែន ដែលបានថ្លែងកាលពីថ្ងៃទី១២ កញ្ញា ឱ្យមានការបង្កើតធនាគារឈាមដោយសប្បុរស ដើម្បីសង្គ្រោះដោយយកគំរូតាមសមាគមយុវជនគណបក្សប្រជាជនកម្ពុជាខេត្តកណ្តាល។
លោករដ្ឋមន្ត្រីបានថ្លែងបែបនេះ នៅក្នុងពិធីបរិច្ចាគឈាមដោយសប្បុរសរបស់ថ្នាក់ដឹកនាំ និងមន្ត្រីរាជការក្រសួងព័ត៌មានកាលពីព្រឹកថ្ងៃទី១៤ កញ្ញា។ លោករដ្ឋមន្ត្រីមានប្រសាសន៍ថា យើងរីករាយក្នុងការអនុវត្តតាមសេចក្តីអំពាវនាវរបស់សម្តេចតេជោ ដែលបានអំពាវនាវឱ្យយកគំរូតាមសមាគមយុវជនខេត្តកណ្តាល ដែលបានបង្កើតជាធនាគារឈាម។ នេះជាចំណុចល្អមួយ ដែលទូរទស្សន៍អាចដាក់ជាសម្តី ឬក៏រត់ជាអក្សរក៏បានតាមកញ្ចក់ទូរទស្សន៍។ ការផ្សព្វផ្សាយអនុសាសន៍នេះអាចធ្វើឡើងជារឿយៗ ឬមួយសប្តាហ៍ម្តង ដើម្បីឱ្យមានការជ្រួតជ្រាបទៅដល់មជ្ឈដ្ឋានទូទៅ ។ក្រសួងព័ត៌មាននឹងអនុវត្តការផ្តល់ឈាមនេះជាបន្តបន្ទាប់ ប៉ុន្តែឥឡូវនេះខ្ញុំយកតាមប្រសាសន៍របស់សម្តេចនាយករដ្ឋមន្ត្រី ដោយរួមគ្នាបង្កើតជាធនាគារឈាមវិញ ដែលអាចផ្លាស់ប្តូរ ហើយនៅពេលដែលយើងត្រូវការឈាមអាចជួយគ្នាបានភ្លាមតែម្តង។
សូមរំលឹកថា នៅក្នុងពិធីប្រគល់សញ្ញាបត្រដល់និស្សិតនៅមជ្ឈមណ្ឌលសន្និសីទកោះពេជ្រ កាលពីថ្ងៃទី១២ កញ្ញា សម្តេចតេជោនាយករដ្ឋមន្ត្រីមានប្រសាសន៍ថា ការបង្កើតធនាគារឈាមដែលជាការផ្តួចផ្តើមរបស់យុវជនគណបក្សប្រជាជននៅខេត្តកណ្តាល គប្បីត្រូវបានពង្រីកពីខេត្តកណ្តាលទៅកាន់ខេត្តដទៃទៀត ។ការបង្កើតធនាគារឈាមនេះ មិនចាំបាច់បូមឈាមមកស្តុកទេ ឈាមនេះត្រូវទុកនៅខ្លួនយើងម្នាក់ៗតែម្តង ហើយគេអាចជួយគ្នាផ្តល់ឈាមម្តងម្នាក់ៗ ឬក៏អាចផ្ទេរឈាមទៅអ្នកដទៃនៅពេលមានតម្រូវការដែលនេះគឺជាការបង្កើតសម្ព័ន្ធភាពនៃការផ្លាស់ប្តូរការផ្តល់ឈាម ការបរិច្ចាគឈាម ដែលជាការធានានូវសាមគ្គីភាពក្នុងចំណោមយុវជនសម្រាប់ការផ្តល់ឈាមសង្គ្រោះជីវិតមនុស្ស។
លោកខៀវ កាញារីទ្ធ មានប្រសាសន៍ថា ប្រសាសន៍របស់សម្តេចតេជោហ៊ុន សែន មាន អត្ថន័យសំខាន់ណាស់ ដែលបណ្តាស្ថានីយទូរទស្សន៍គប្បីធ្វើការចាក់ផ្សាយ ៕
ចែករំលែកព័តមាននេះ