ខេត្តកណ្តាល ៖ កាលពីព្រឹកថ្ងៃទី១២ កញ្ញា ឆ្នាំ២០១១ វេលាម៉ោង៨និង៣០នាទី អនុសាខាកាកបាទក្រហមកម្ពុជាស្រុកកណ្តាលសឹ្ទង បានរៀបចំពិធីចែកជំនួយសង្គ្រោះជូនអ្នកផ្ទុកមេ រោគអេដស៍ដែលមានជីវភាពក្រីក្រខ្វះខាតខ្លាំង មកពីឃុំទាំង១៨ របស់ស្រុកចំនួន៣០នាក់ នៅសាលប្រជុំសាលាស្រុកកណ្តាលសឹ្ទង។
ខេត្តកណ្តាល ៖ កាលពីព្រឹកថ្ងៃទី១២ កញ្ញា ឆ្នាំ២០១១ វេលាម៉ោង៨និង៣០នាទី អនុសាខាកាកបាទក្រហមកម្ពុជាស្រុកកណ្តាលសឹ្ទង បានរៀបចំពិធីចែកជំនួយសង្គ្រោះជូនអ្នកផ្ទុកមេ រោគអេដស៍ដែលមានជីវភាពក្រីក្រខ្វះខាតខ្លាំង មកពីឃុំទាំង១៨ របស់ស្រុកចំនួន៣០នាក់ នៅសាលប្រជុំសាលាស្រុកកណ្តាលសឹ្ទង។
ពិធីនេះប្រព្រឹត្តទៅក្រោមអធិបតីភាពលោកជំទាវភួង ម៉ាឡា កឹម ជាតិ អនុប្រធានកិតិ្តយសគណៈកម្មាធិការអនុសាខាកាកបាទក្រហមកម្ពុជាស្រុកកណ្តាលសឹ្ទង និងលោកកឹម ជាតិ ទីប្រឹក្សាផ្ទាល់សម្តេចអគ្គមហាធម្មពោធិសាល ជា ស៊ីម ប្រធានព្រឹទ្ធសភានៃព្រះរាជាណាចក្រកម្ពុជា និងជាសមាជិកទ្រទ្រង់កាកបាទក្រហម ព្រមទាំងមានការអញ្ជើញចូលរួមជាកិតិ្តយសពីលោក លោកស្រីជាសមាជិកគណៈកម្មាធិការអនុសាខាស្រុក គណៈអភិបាលស្រុក លោក លោកស្រីជាប្រធានក្រុមកាកបាទក្រហមឃុំទាំង១៨ និងក្មួយៗយុវជនកាកបាទក្រហមមួយចំនួនផង
ដែរ ។
បន្ទាប់ពីលោកបូរ ណារ៉េត អភិបាលរងស្រុក និងជាប្រធានគណៈកម្មាធិការអនុសាខាស្រុក មានមតិស្វាគមន៍រួចមក លោកជំទាវភួង ម៉ាឡា និងលោកកឹម ជាតិ មានមតិសំណេះសំណាលដោយនាំមកនូវការផ្តាំផ្ញើសាកសួរសុខ ទុក្ខពីលោកជំទាវកិតិ្តព្រឹទ្ធបណិ្ឌតប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនចំពោះបងប្អូនជនរងគ្រោះទាំងអស់ដោយកី្តនឹករឭក និងកី្តអាណិតអាសូរពន់ពេក។ គណៈអធិបតីក៏បានសំណូមពរដល់បងប្អូនដែលកំពុងតែរស់នៅ ជាមួយមេរោគអេដស៍ទាំងអស់ សូមមេត្តាតាំងស្មារតីកុំអស់សង្ឃឹមត្រូវតស៊ូជំនះរាល់ឧបសគ្គ និងការលំបាកទាំងឡាយ ហើយត្រូវគិតគូអំពីបញ្ហាការរកទទួលទានចិញ្ចឹមជីវិត និងក្រុមគ្រួសារ ដើម្បីបានរស់រានមានសុភមង្គលក្នុងសង្គមជាតិបន្តទៀត។
ក្នុងនោះដែរគណៈអធិបតី ក៏បានមានប្រសាសន៍បន្តថា កាកបាទក្រហមកម្ពុជា ក្រោមការដឹកនាំដ៏ឈ្លាសវៃប្រកបដោយគតិបណិ្ឌតរបស់លោកជំទាវកិតិ្តព្រឹទ្ធបណិ្ឌតប៊ុន រ៉ានី ហ៊ុន សែន បាននិងកំពុងយកចិត្តទុកដាក់ខ្ពស់អំពីសុខទុក្ខរបស់បងប្អូនជនរងគ្រោះដោយសារមេរោគអេដស៍នៅទូទាំងប្រទេស និងបានធ្វើឱ្យស្ថាប័នមនុស្សធម៌នេះមានឈ្មោះបោះសំឡេង ហើយទទួលបានការគាំទ្រទាំងនៅថ្នាក់ជាតិ និងអន្តរជាតិ ។
ជំនួយឧបត្ថម្ភដែលគ្រួសារនីមួយៗទទួលបានមាន អង្ករ១៥គីឡូក្រាម, សារុង១, ក្រមា ១ និងសម្ភារគ្រឿងឧបភោគបរិភោគចំនួន១១ មុខបន្ថែមទៀត ព្រមទាំងថវិកាចំនួន៣ម៉ឺនរៀល ។
សូមបញ្ជាក់ថា ភ្ជាប់ជាមួយនឹងកម្មវិធីចែកជំនួយសង្គ្រោះនោះ លោកកឹម ជាតិ និងលោកជំទាវភួង ម៉ាឡា កឹម ជាតិ បានឧបត្ថម្ភថវិកា ១.៧០០ដុល្លារសហរដ្ឋអាមេរិក ជូនដល់វិទ្យាល័យព្រែកស្លែង សម្រាប់ស្ថាបនា ខឿនក្រាលការ៉ូឡាទំហំ២០០ម៉ែត្រក្រឡា, ឧបត្ថម្ភជូនប្រធានក្រុមកាកបាទក្រហមឃុំទាំង១៨ របស់ស្រុក មន្រី្ត អនុសាខាស្រុក និងទីប្រឹក្សាយុវជន នូវថវិកាម្នាក់ៗ២ម៉ឺនរៀល និងសារុង១, យុវជនកាកបាទក្រហម៧នាក់ ថវិកាក្នុងម្នាក់ៗចំនួន១ម៉ឺនរៀល៕
ចែករំលែកព័តមាននេះ