ក្រោយការប្រយុទ្ធគ្នាយ៉ាងសាហា.វពីថ្ងៃទី៩ កញ្ញា មក បណ្តាយុទ្ធជនរបស់ក្រុមប្រឹក្សាជាតិបណ្តោះអាសន្នលីប៊ី CNT កាលពីយប់ថ្ងៃទី១១ កញ្ញា បានផ្អាកការរុលទៅមុខរបស់ពួកគេចូលទីក្រុងបានីវ៉ាលីដ ជាទីតាំងចុងក្រោយមួយក្នុងចំណោមទីតាំងចុងក្រោយទាំងឡាយរបស់លោកមូអាម៉ា កាដាហ្វី
ក្រោយការប្រយុទ្ធគ្នាយ៉ាងសាហាវពីថ្ងៃទី៩ កញ្ញា មក បណ្តាយុទ្ធជនរបស់ក្រុមប្រឹក្សាជាតិបណ្តោះអាសន្នលីប៊ី CNT កាលពីយប់ថ្ងៃទី១១ កញ្ញា បានផ្អាកការរុលទៅមុខរបស់ពួកគេចូលទីក្រុងបានីវ៉ាលីដ ជាទីតាំងចុងក្រោយមួយក្នុងចំណោមទីតាំងចុងក្រោយទាំងឡាយរបស់លោកមូអាម៉ា កាដាហ្វី ស្ថិតនៅតំបន់វាលខ្សាច់ ចម្ងាយ១៥០គ.ម ភាគអាគ្នេយ៍ក្រុងទ្រីប៉ូលី។
អ្នកនាំពាក្យម្នាក់របស់ CNT លោកអាម៉េដ បានី អះអាងថា ការសម្រេចចិត្តនេះត្រូវបានប្រកាន់យកដើម្បីចៀសវាងកុំឱ្យជនស៊ីវិលស្លាប់ច្រើន ព្រោះបណ្តាមនុស្សលោកកាដាហ្វីបនប្រើជនស៊ីវិលធ្វើជាខែលមនុស្ស ។ លោកបន្តថា ពេលកងទ័ពរបស់យើងចូលក្នុងទីក្រុងបានីវ៉ាលីដគេសង្កេតឃើញថា បណ្តាកងពលរបស់លោកកាដាហ្វីប្រើប្រាស់ប្រជាជនជាខែលមនុស្សដោយដាក់ពង្រាយកាំភ្លើងបាញ់ គ្រាប់រ៉ុក្កែតធុន GRAD លើដំបូលផ្ទះទាំងឡាយដែលមានប្រជាជនរស់នៅក្នុងនោះ ។ យើងពុំអាចបាញ់ប្រហារព្រោះខ្លាចត្រូវបណ្តាជនស៊ីវិល ។ អូតង់ក៏មិនធ្វើការវាយប្រហារដែរ ខណៈយើងវិលមកប្រើវិធីឡោមព័ទ្ធទីក្រុងរង់ចាំបណ្តាមនុស្សខាងក្នុងស្វែងរកដំណោះស្រាយមួយ ។
មុននេះកងកម្លាំងរបស់ CNT រាយការណ៍ពីការត្រួតត្រាតំបន់ជាច្រើននៃទីក្រុងនេះ ។ តាមវិទ្យុក្នុងស្រុកមួយថា សកម្មជនម្នាក់របស់លោកកាដាហ្វីបានអំពាវនាវដល់ប្រជាជន ១០០.០០០នាក់ នៃទីក្រុងបានីវ៉ាលីដឱ្យការពារទីក្រុងរបស់ពួកគេប្រឆាំងពួកកណ្តុរ និងពួកជនប្រដាប់អាវុធ ។ សកម្មជនរូបនេះនិយាយថា កុំសុខចិត្តចុះចាញ់ ចូរលោកអ្នកតស៊ូរហូតដល់ស្លាប់ ។ កងកម្លាំង CNT ក៏បានរុលឆ្ពោះទៅកាន់ទីក្រុង SYRTE នៃទីក្រុងកំណើតរបស់លោកកាដាហ្វីដែរ ។ កងកម្លាំងនេះឥឡូវស្ថិតនៅចម្ងាយ៩០គ.មពីទីក្រុងនោះ ៕
ចែករំលែកព័តមាននេះ