កីឡាករហ្វាំងឡង់យ៉ារី ម៉ាតទី ឡាតវ៉ាឡាកំពុងតែសម្លឹងរកពានជើងឯកនៃការប្រណាំងរថយន្តប្រភេទរែលលីកម្មវិធី Rally Australiaបន្ទាប់ពីបានយកឈ្នះការប្រណាំងនៅថ្ងៃទី២កាលពីថ្ងៃសៅរ៍ទី១០ខែកញ្ញាកន្លងមកនេះ។ ការប្រណាំងនេះត្រូវបានបញ្ចប់នៅក្រុងCoffs Harbourប្រទេសអូស្ត្រាលី។
កីឡាករហ្វាំងឡង់យ៉ារី ម៉ាតទី ឡាតវ៉ាឡាកំពុងតែសម្លឹងរកពានជើងឯកនៃការប្រណាំងរថយន្តប្រភេទរែលលីកម្មវិធី Rally Australiaបន្ទាប់ពីបានយកឈ្នះការប្រណាំងនៅថ្ងៃទី២កាលពីថ្ងៃសៅរ៍ទី១០ខែកញ្ញាកន្លងមកនេះ។ ការប្រណាំងនេះត្រូវបានបញ្ចប់នៅក្រុងCoffs Harbourប្រទេសអូស្ត្រាលី។ ឡាតវ៉ាលឡាបានចូលដល់ទីព្រ័ត្រក្នុងថិរវេលា៣ម៉ោង១០នាទីនិង០១.២វិនាទីយកឈ្នះកីឡាករមិត្តរួមជាតិនិងមិត្តរួមក្រុមហ្វដគឺកីឡាករមីកកូ ហ៊ីវ៉ូណឹនដែលបានប្រើពេលច្រើនជាង១៩.៧វិនាទី។
ចំណែកកីឡាករស៊ុយអែតភីធ័រ ស៊ុលបឺកបើកបរឲ្យក្រុម Solberg Citroenបញ្ចប់ការប្រណាំងក្នុងលំដាប់ទី៣បន្ទាប់ពីបានប្រើពេលច្រើនជាងឡាតវ៉ាលឡា៥៧.៦វិនាទី។
ឡាតវ៉ាលឡាបាននិយាយថា៖«ខ្ញុំបើកបរបានល្អក្នុងថ្ងៃនេះ។ កីឡាករដទៃនឹងនៅពីក្រោយខ្ញុំនៅពេលដែលខ្ញុំយកឈ្នះការប្រណាំងនៅថ្ងៃបន្ទាប់ទៀត »។
សម្រាប់កីឡាករបារាំងសេបាស្ទៀន អូហ្ស៊ីយ៉េដែលបញ្ចប់ការប្រណាំងដណ្តើមបានចំណាត់ថ្នាក់លេខ១០នោះអាចនឹងធ្វើបានល្អវិញនៅថ្ងៃប្រណាំងផ្តាច់ព្រ័ត្រ ជាពិសេសនៅលើតារាងជើងឯកពិភពលោក។ កីឡាកររូបនេះបញ្ជាក់ថា គូប្រជែងដ៏ខ្លាំងរបស់គេគឺកីឡាករសេបាស្ទៀន ឡូអែប។ អូហ្ស៊ីយ៉េបានបន្តថា៖«មានកីឡាករតែម្នាក់ប៉ុណ្ណោះដែលស្ថិតនៅក្នុងភ្នែករបស់ខ្ញុំគឺសេបាស្ទៀន ឡូអែប។ គេជាគូប្រជែងតំណែងជើងឯក ។ គោលដៅរបស់ខ្ញុំគឺផ្តួលកីឡាករមិត្តរួមជាតិខ្ញុំម្នាក់នេះឲ្យខាងតែបាន»។
ការប្រណាំងរថយន្តប្រភេទរែលលីសម្រាប់ឆ្នាំ២០១១នេះមាន១៣ដំណាក់កាល។ ដំណាក់ទី១ចាប់ផ្តើមកាលពីថ្ងៃទី១០ខែកុម្ភៈដើមឆ្នាំនៅប្រទេសស៊ុយអែត និងដំណាក់ចុងក្រោយបំផុតនឹងធ្វើនៅថ្ងៃទី១០ដល់១៣ខែវិច្ឆិកាខាងមុខនៅក្រុងហ្គាឌីហ្វចក្រភពអង់គ្លេស ។ ដោយឡែកការការប្រណាំងនៅប្រទេសហ្វាំងឡង់នេះគឺស្ថិតនៅក្នុងដំណាក់ទី១០។
ខណៈការប្រណាំងនៅសល់តែ២ដំណាក់ទៀតត្រូវបញ្ចប់នោះ កីឡាករបារាំងសេបាស្ទៀន ឡូអែបនៅតែស្ថិតនៅលំដាប់លើគេជាដដែល។ ឆ្លងកាត់ការប្រណាំងអស់១១ដំណាក់កាលមកនេះ ឡូអែបសន្សំបានពិន្ទុ១៩៦នាំមុខកីឡាករហ៊ីវ៉ូណឹនដែលមាន១៨១ពិន្ទុ។ ឯកីឡាករសេបាស្ទៀន អូហ្សុីយ៉េស្ថិតនៅលំដាប់ទី៣មាន១៦៧ពិន្ទុ ៕
ចែករំលែកព័តមាននេះ