រាជធានីភ្នំពេញ ៖ យោងតាមសេចក្តីជូនដំណឹងរបស់អគ្គលេខាធិការរដ្ឋសភាចុះថ្ងៃទី២៥មីនា បានឱ្យដឹងថា នៅថ្ងៃសុក្រទី១ មេសា ២០១១ វេលាម៉ោង៨ និង៣០នាទីព្រឹក រដ្ឋសភាជាតិនឹងបើកកិច្ចប្រជុំលើកទី៦នីតិកាលទី៤ ក្រោមអធិបតីភាពសម្តេចហេង សំរិន ប្រធានរដ្ឋសភា ។ មានរបៀបវារៈចំនួន៩ដែលត្រូវនឹងលើកយកមកពិភាក្សា និងអនុម័ត។
របៀបវារៈនៃសម័យប្រជុំរួមមាន ៖
ទី១-ព្រះរាជសាររបស់ព្រះករុណាព្រះបាទសម្តេចព្រះបរមនាថ នរោត្តម សីហមុនីព្រះមហាក្សត្រនៃព្រះរាជាណាចក្រកម្ពុជាជូនសម័យប្រជុំរដ្ឋសភាលើកទី៦នីតិកាលទី៤ ។
ទី២-របាយការណ៍របស់រដ្ឋសភាចន្លោះសម័យប្រជុំរដ្ឋសភាទី៥នីតិកាលទី៤ ។
ទី៣-ការអនុម័តច្បាប់សុំឈប់សម្រាកព្យាបាលជំងឺចំនួន៣ខែរបស់លោកអ៊ុន នឹង ។
ទី៤-ការពិភាក្សា និងអនុម័តសេចក្តីព្រាងច្បាប់ស្តីពីវិសោធនកម្មច្បាប់ស្តីពីការប្រឆាំងអំពើពុករលួយ ។
ទី៥-ការពិភាក្សា និងអនុម័តសេចក្តីព្រាងច្បាប់ស្តីពីការអនុវត្តក្រមរដ្ឋប្បវេណី ។
ទី៦-ការពិភាក្សា និងអនុម័តសេចក្តីព្រាងច្បាប់ស្តីពីការទូទាត់ថវិកាទូទៅរបស់រដ្ឋសម្រាប់គ្រប់គ្រងឆ្នាំ២០០៨ ។
ទី៧-ការពិភាក្សា និងអនុម័តសេចក្តីព្រាងច្បាប់ស្តីពីការការទូទាត់ថវិកាទូទៅសម្រាប់ការគ្រប់គ្រងឆ្នាំ២០០៩ ។
ទី៨-ការពិភាក្សា និងអនុម័តសេចក្តីព្រាងច្បាប់ស្តីពីការអនុម័តយល់ព្រមលើការទូទាត់របស់រាជរដ្ឋាភិបាលនៃព្រះរាជាណាចក្រកម្ពុជាឱ្យក្រុមហ៊ុនអគ្គិសនីវៀតណាម ។
ទី៩-ការពិភាក្សា និងអនុម័តសេចក្តីព្រាងច្បាប់ស្តីពីការអនុម័តយល់ព្រមលើពិធីសារលើកទី២ ដើម្បីធ្វើវិសោធនកម្មលើកិច្ចព្រមព្រៀងស្តីពីពាណិជ្ជកម្មទំនិញនៃកិច្ចព្រមព្រៀងក្របខណ្ឌស្តីពីកិច្ចសហប្រតិបត្តិការសេដ្ឋកិច្ចទូលំទូលាយរវាងសហគមន៍អាស៊ីអាគ្នេយ៍ និងសាធារណរដ្ឋប្រជាមានិតចិន ៕
ចែករំលែកព័តមាននេះ