យោងតាមការសិក្សាស្រាវជ្រាវថ្មីមួយបង្ហាញថា ការរួមភេទមានសារសំខាន់បំផុតសំរាប់បុរស គឺអាចធ្វើឱ្យបុរសចៀសផុតពីការកើតជំងឺបេះដូង ជាពិសេសជំងឺគាំងបេះដូង ។ បុរសដែលបានរួមភេទ២ដងក្នុង១សបា្ដហ៍អាចកាត់បន្ថយការប្រឈមមុខនឹងការកើតជំងឺបេះដូងជាងបុរសដែលបានរួមភេទតែម្ដងក្នុងមួយខែ ។
តាមការសិក្សនោះដែលបានសិក្សាលើបុរសជាង១.០០០នាក់បង្ហាញថា បុរសដែលបានរួមភេទញឹកញាប់ប្រឈមមុខនឹងការកើតជំងឺបេះដូងក្នុងកំរិតទាបជាងបុរសដែលបានរួមភេទម្ដងក្នុងមួយខែ ព្រោះការរួមភេទហាក់ដូចជាមានឥទ្ធិពលការពារបេះដូងរបស់មនុស្សប្រុស ប៉ុន្ដែចំពោះស្ដ្រីមិនដឹងថា មានឥទ្ធិពលការពារបេះដូងដូចបុរសដែរ ឬក៏អត់នោះទេ ។
ក្រោយពីការសិក្សាអ្នកស្រាវជ្រាវអាមេរិកមួយក្រុមដែលរៀបចំការសិក្សាស្រាវជ្រាវនោះបានអញ្ជើញវេជ្ជបណ្ឌិតឱ្យត្រួតពិនិត្យបុរសដែលបានសិក្សា ដើម្បីវាយតំលៃពីការប្រឈមមុខនឹងការកើតជំងឺបេះដូងរបស់ពួកគេ ។ ជាមួយគ្នានេះដែរយោងតាមប្រភពព័ត៌មានបានឱ្យដឹងថា ជារៀងរាល់ឆ្នាំនៅប្រទេសអង់គ្លេសមានមនុស្សប្រហែល២៧០.០០០នាក់ កើតជំងឺគាំងបេះដូងក្នុងនោះភាគច្រើនជាបុរសដោយសារមិនសូវបានរួមភេទ ។
ទោះបីជាការរួមភេទត្រូវបានចាត់ទុកថា មានសារសំខាន់សំរាប់រាងកាយ និងសុខភាពផ្លូវអារម្មណ៍និងផ្លូវចិត្ដក៏ដោយ ក៏នៅមិនទាន់មានភស្ដុតាងជាលក្ខណៈវិទ្យាសាស្ដ្របង្ហាញថា ការរួមភេទញឹកញាប់មិនមែនមិនធ្វើឱ្យប្រឈមមុខនឹងការកើតជំងឺបេះដូងនៅឡើយទេ ។
បុរសដែលចង់រួមភេទបានច្រើនដង ទំនងជាមានសុខភាពល្អជាងបុរសដែលមិនសូវបានរួមភេទ ។ ជាមួយគ្នានេះដែរការសិក្សាមួយផ្សេងទៀតបង្ហាញថា នៅក្នុងរដូវរងាបើបានរួមភេទម្ដងឬ២ដងក្នុងមួយសបា្ដហ៍នឹងអាចចៀសផុតពីជំងឺផ្ដាសាយ ៕
ចែករំលែកព័តមាននេះ