ក្រុងប៉ោយប៉ែត ៖ កម្មករស្តង់ត្រីម្នាក់នៅក្រុងប៉ោយប៉ែតឈ្មោះធី ថា ហៅជ្រូក អាយុ១៨ឆ្នាំ បានត្រូវជនដៃដល់កា.ប់២ប៉័ងតោបណ្តាលឱ្យរងរបួសឈាម ហូរស្រោចពេញខ្លួន និងបាននាំចូលគ្លីនិកឯកជនមួយកន្លែងដេរ៨ ថ្នេរ ។ ហេតុការណ៍នេះបានកើតឡើងកាលពីវេលាម៉ោង៩យប់ថ្ងៃទី៣១ សីហា នៅភូមិក្បាលស្ពាន សង្កាត់
ក្រុងប៉ោយប៉ែត ៖ កម្មករស្តង់ត្រីម្នាក់នៅក្រុងប៉ោយប៉ែតឈ្មោះធី ថា ហៅជ្រូក អាយុ១៨ឆ្នាំ បានត្រូវជនដៃដល់កាប់២ប៉័ងតោបណ្តាលឱ្យរងរបួសឈាមហូរស្រោចពេញខ្លួន និងបាននាំចូលគ្លីនិកឯកជនមួយកន្លែងដេរ៨ ថ្នេរ ។ ហេតុការណ៍នេះបានកើតឡើងកាលពីវេលាម៉ោង៩យប់ថ្ងៃទី៣១ សីហា នៅភូមិក្បាលស្ពាន សង្កាត់ប៉ោយប៉ែត ។
ជនរងគ្រោះបានរៀបរាប់ថា មុនពេលកើតហេតុ១ថ្ងៃ នាវេលារំលងអធ្រាត្រក្រុមជនដៃដល់មានគ្នា២នាក់ បានមកឱ្យក្រុមកម្មករស្តង់ត្រីដែលយាមទ្វាររបងជួយបើកទ្វារឱ្យក្នុងគោលបំណងចូលជួបមិត្តស្រីដែលជួលបន្ទប់នៅក្នុងស្តង់ត្រីនោះ ប៉ុន្តែពួកកម្មករទាំងអស់មិនព្រមបើកទ្វាររបងឱ្យទេ និងបានប្រាប់ថា មេមិននៅហើយយប់ជ្រៅបែបនេះអ្នកក្រៅមិនឱ្យចូល ឡើយ ។បន្ទាប់មកនៅវេលាម៉ោង៩យប់ថ្ងៃទី៣១ សីហា ក្រុមជនដដែលបានមកកន្លែងស្តង់ត្រីនៅក្នុងភូមិក្បាលស្ពាននោះម្តងទៀត ហើយ ស្រែកសួរថា តើអ្នកណាជាមេការកម្មករនៅទីនេះ ?
ជនរងគ្រោះបានរៀបរាប់ទៀតថា ពេលនោះរូបគេក៏ឆ្លើយថា ខ្លួនគឺមេការនិងបានទាញម៉ូតូកង់បីជិះមកដល់មុខសណ្ឋាគារហ៊ុយគា ស្រាប់តែជនដៃដល់យកកាំបិតប៉័ងតោកាប់ចំក្បាលចំនួន២កាំបិត ដោយ១កាំបិតចំពីមុខផ្នែកខាងស្តាំ និង១កាំបិតទៀតចំកណ្តាលក្បាលហើយត្រូវបានគេជួយនាំចូលគ្លីនិកនៅជិតកន្លែងកើតហេតុនោះភ្លាមៗ ។ គ្រូពេទ្យបានឱ្យដឹងថា ជនរងគ្រោះត្រូវគេកាប់ចំនួន២កាំបិតប៉័ងតោ ដេរចំនួន៨ថ្នេរ ប៉ុន្តែរបួសនោះមិនសូវជាជ្រៅប៉ុន្មានទេ ។
ជនរងគ្រោះបានមកដាក់ពាក្យបណ្តឹងនៅអធិការដ្ឋាននគរបាលក្រុងប៉ោយប៉ែតនាព្រឹកថ្ងៃទី១ កញ្ញា ដើម្បីឱ្យជួយរកយុត្តិធម៌ដោយបានរៀបរាប់ប្រាប់សមត្ថកិច្ចថា ក្រុមជនល្មើសដែលកាប់រូបគេឱ្យរងរបួសនោះគឺ ឈ្មោះវង់ អាន អាយុប្រមាណជាង២០ឆ្នាំ ជាបុគ្គលិកបម្រើការនៅក្នុងកាស៊ីណូ ហ្គ្រែនដាយម៉ិនស៊ីធី ជាមួយនឹងក្រុមស្ត្រីដែលជួលបន្ទប់ស្នាក់នៅជាប់ស្តង់ត្រីនោះដែរ ប៉ុន្តែជនល្មើសក្រោយពេលធ្វើសកម្មភាពរួច បានគេចខ្លួនបាត់ ។
លោកវរសេនីយ៍ត្រីអ៊ុំ សុផល អធិការនគរបាលក្រុងប៉ោយប៉ែតថ្លែងថា ចំពោះបញ្ហាខាងលើនេះលោកបានបញ្ជាឱ្យកម្លាំងជំនាញចុះស្រាវជ្រាវដើម្បីចាប់ជនល្មើសយកមកផ្តន្ទាទោសតាមច្បាប់ ៕
ចែករំលែកព័តមាននេះ