កីឡាករដាណឺម៉ាក Jakob Fuglsang បានសម្តែងនូវក្តីរីករាយជាខ្លាំងបន្ទាប់ពីបានយកឈ្នះដំណាក់បើកឆាក(ដំណាក់ទី១)នៃការប្រណាំងកង់កម្មវិធី Tour of Spain នៅប្រទេសអេស្ប៉ាញកាលពីថ្ងៃសៅរ៍ទី២០ខែសីហាកន្លងមកនេះ។ ការប្រណាំងដំណាក់ខាងលើនេះបញ្ចប់នៅទីក្រុង Benidorm ប្រទេសអេស្ប៉ាញ។
កីឡាករដាណឺម៉ាក Jakob Fuglsang បានសម្តែងនូវក្តីរីករាយជាខ្លាំងបន្ទាប់ពីបានយកឈ្នះដំណាក់បើកឆាក(ដំណាក់ទី១)នៃការប្រណាំងកង់កម្មវិធី Tour of Spain នៅប្រទេសអេស្ប៉ាញកាលពីថ្ងៃសៅរ៍ទី២០ខែសីហាកន្លងមកនេះ។ ការប្រណាំងដំណាក់ខាងលើនេះបញ្ចប់នៅទីក្រុង Benidorm ប្រទេសអេស្ប៉ាញ។
Fuglsang ដែលជាអ្នកជិះកង់ឲ្យក្រុម Leopard Trek បានយកឈ្នះដំណាក់ដែលមានចម្ងាយផ្លូវ១៣,៥គីឡូម៉ែត្រដោយការប្រណាំងត្រូវធ្វើនៅជុំវិញទីក្រុង Benidorm ។
Fuglsang បានបោះពួយឆ្លងកាត់គំនូសខ្សែព្រ័ត្រក្នុងថិរវេលា១៦នាទីនិង៣០វិនាទី ជួយឲ្យក្រុមនិងមិត្តរួមក្រុមរបស់ខ្លួនយកឈ្នះលើក្រុម Liquigas-Cannondale ដែលមានកីឡាករអ៊ីតាលី Damiano Caruso, Eros Capecchi, Valerio Agnoli និងVincenzo Nibali ព្រមទាំងកីឡាករស្លូវ៉ាគី Peter Sagan ដែលទាំងអស់គ្នាបានប្រើថិរវេលាយឺតជាង៤វិនាទី។
សូមបញ្ជាក់ថា កីឡាករ Fuglsang និងមិត្តរួមក្រុមរបស់ខ្លួនហ្វេបាន កង់សេឡារ៉ា គឺជាកីឡាករនាំមុខគេសម្រាប់ក្រុម Leopard Trek ទាំងមូលក្នុងការប្រណាំង Tour of Spain លើកទី៦៦នេះ។ ថ្លែងបន្ទាប់ពីបញ្ចប់ការប្រកួត Fuglsang បានបញ្ជាក់ថា៖ «ក្នុងពេលប្រណាំង ខ្ញុំសង្ឃឹមថានឹងមានកីឡាករណាម្នាក់វ៉ាខ្ញុំបានមិនខាន ប៉ុន្តែការពិតមិនដូចជាការគិតរបស់ខ្ញុំនោះទេ។ នេះជាការប្រណាំងមួយដែលយើងត្រូវតែមានល្បិចក្នុងអំឡុងការប្រណាំង»។
សូមបញ្ជាក់ថា ការប្រណាំងកម្មវិធី Tour of Spain ឆ្នាំនេះចែកចេញជា២១ដំណាក់ និងមានចម្ងាយផ្លូវសរុប៣.៣០០គីឡូម៉ែត្រ។ ដោយឡែកដំណាក់ទី២ដែលជាដំណាក់បន្ត មានចម្ងាយផ្លូវ១៧១,៥គីឡូម៉ែត្រ ចេញដំណើរពីទីក្រុង La Nucía ឆ្ពោះទៅកាន់ទីក្រុង Playas de Orihuela ប្រទេសអេស្ប៉ាញ។ គួរសម្គាល់ផងដែរថា ការប្រណាំងលើកទី៦៦ឆ្នាំនេះ ពុំមានវត្តមានចូលរួមពីសំណាក់កីឡាករល្បីឈ្មោះខ្លាំងក្នុងលោកដូចជាអាល់បឺតូ កុងតាឌ័រ កាដែល អេវែននិងកីឡាករបងប្អូនត្រកូល Schleck នោះទេ ៕
ចែករំលែកព័តមាននេះ