យោងតាមក្រុមអ្នកស្រាវជ្រាវមកពីសាកលវិទ្យាល័យ Chinese University of Hong Kongប្រទេសចិនបានអះអាងថា Niacinឬវីតាមីនបេ៣ដែលមាននៅក្នុងអាហារ ប្រភេទគ្រាប់ធញ្ញជាតិដែលយកទៅបបរអាចជួយធ្វើឲ្យបញ្ហាផ្លូវភេទ ល្អប្រសើរសម្រាប់បណ្តាបុរសដែលមានបញ្ហាប្រដាប់ភេទខ្សោយ។
យោងតាមក្រុមអ្នកស្រាវជ្រាវមកពីសាកលវិទ្យាល័យ Chinese University of Hong Kongប្រទេសចិនបានអះអាងថា Niacinឬវីតាមីនបេ៣ដែលមាននៅក្នុងអាហារប្រភេទគ្រាប់ធញ្ញជាតិដែលយកទៅបបរអាចជួយធ្វើឲ្យបញ្ហាផ្លូវភេទល្អប្រសើរសម្រាប់បណ្តាបុរសដែលមានបញ្ហាប្រដាប់ភេទខ្សោយ។
ក្រុមអ្នកស្រាវជ្រាវដដែលនេះបានបង្ហាញថា Niacinជួយជម្រុញឲ្យឈាមហូរទៅកាន់ត្រង់ម្តុំត្រគាក។ វាដូចជាថ្នាំបញ្ចុះកម្រិតកូឡេស្ទេរ៉ូលដែរ Niacinគឺអាចជួយកាត់បន្ថយកម្រិតខ្លាញ់គ្រោះថ្នាក់ដែលធ្វើឲ្យស្ទះសសៃរឈាមសំខាន់ៗក្នុងរាងកាយ។ កាលណាយើងលេបវាជារៀងរាល់ថ្ងៃនោះវាអាចជួយកាត់បន្ថយកូឡេស្ទេរ៉ូលដែលស្ថិតនៅក្នុងសសៃរឈាមសំខាន់ៗត្រង់ម្តុំត្រគាកហើយបង្កលក្ខណៈឲ្យឈាមហូរទៅដល់ប្រដាប់បន្តពូជដោយងាយស្រួល។
សូមបញ្ជាក់ថា Niacinក្រៅពីសំបូរនៅក្នុងប្រភេទគ្រាប់ធញ្ញជាតិដែលយកទៅបបរ ក៏មាននៅក្នុងអាហារមួយចំនួនទៀតដូចជាសាច់ត្រី សាច់ ស៊ុតឬក៏ទឹកដោះគោ។ បុរសម្នាក់ក្នុងចំណោមបុរស៤នាក់នៅអង់គ្លេសត្រូវបានគេរាយការណ៍ថាមានបញ្ហាខ្សោយប្រដាប់ភេទ។ បើទោះជាថ្នាំមួយចំនួនដូចជាវីយ៉ាហ្គ្រា ស៊ីអាលីស ឬក៏ឡេវីត្រាត្រូវបានគេអះអាងថាមានប្រសិទ្ធិភាពខ្លាំងជួយបង្កើនសមត្ថភាពផ្លូវភេទក៏ដោយ ប៉ុន្តែមនុស្ស៣៦ភាគរយដែលបានប្រើថ្នាំប្រភេទទាំងនេះហើយនៅតែពុំឃើញមានប្រសិទ្ធិភាពជាដដែល។
អ្នកជំនាញខាងជំងឺបេះដូងមួយចំនួនក្នុងពេលបច្ចុប្បន្ននេះបាននិយាយថា បញ្ហាលឹង្គមិនងើបគឺជាសញ្ញាប្រឈមខ្លាំងក្លាបំផុតទី១នៃជំងឺបេះដូងដែលគ្មានរោគសញ្ញាឲ្យដឹងមុន។ សសៃរឈាមទាំងឡាយដែលស្ថិតនៅម្តុំត្រគាកអាចត្រូវបានធ្វើឲ្យស្ទះតាមរយៈរបបអាហារដែលគ្មានជីវជាតិ ការជក់បារីនិងកង្វះខាតការហាត់ប្រាណ ។ Niacinគឺជាវីតាមីនមួយប្រភេទផងដែរដែលរាងកាយត្រូវការចាំបាច់ដើម្បីជួយបំលែងអាហារដែលយើងទទួលទានឲ្យទៅជាថាមពលនិងរក្សាប្រព័ន្ធសសៃរប្រសាទក៏ដូចជាប្រព័ន្ធរំលាយអាហារឲ្យមានសុខភាពល្អ។
លោកវេជ្ជបណ្ឌិតដេវីដ អេដវ៉ដអ្នកជំនាញខាងឱសថនៃសាកលវិទ្យាល័យ Chipping Nortonនៅ Oxfordshireប្រទេសអង់គ្លេសបាននិយាយថា ការរកឃើញនេះពិតជាគួរឲ្យចាប់អារម្មណ៍។ ប៉ុន្តែលោកបានព្រមានថា គេមិនត្រូវប្រញាប់ប្រញាល់ប្រើថ្នាំដែលមានកម្រិត Niacinលើសដូសកំណត់នោះទេ។ ដូច្នេះពួកគេគួរតែទៅរកការពិគ្រោះយោបល់ពីអ្នកជំនាញវេជ្ជសាស្ត្រត្រឹមត្រូវ។ លោកបន្តថា៖«ថ្នាំអ្វីមួយដែលអាចជួយឲ្យលឹង្គងើបឡើងវិញគឺជាពិតជាព័ត៌មានដ៏មានតម្លៃបំផុត តែប្រសិនជាប្រើលើសកំណត់គ្រោះថ្នាក់នឹងពិតជាកើតឡើង»៕
ចែករំលែកព័តមាននេះ