រាជធានីភ្នំពេញ ៖ ការិយាល័យប្រយុទ្ធប្រឆាំងបទល្មើសគ្រឿងញៀ.ន ដឹកនាំដោយលោកទៀង ចន្ទសារ បានចុះបង្ក្រាប និងឃាត់ខ្លួនបុរសម្នាក់ពីបទជួញដូរគ្រឿងញៀ.ន កាលពី ម៉ោង៩និង៣០នាទីថ្ងៃទី១២ សីហា ២០១១ នៅលើទីតាំងមួយកន្លែងស្ថិតក្នុងសង្កាត់បឹងត្របែក ខណ្ឌចំការមន។ ជនសង្ស័យដែលឃាត់ខ្លួន
រាជធានីភ្នំពេញ ៖ ការិយាល័យប្រយុទ្ធប្រឆាំងបទល្មើសគ្រឿងញៀន ដឹកនាំដោយលោកទៀង ចន្ទសារ បានចុះបង្ក្រាប និងឃាត់ខ្លួនបុរសម្នាក់ពីបទជួញដូរគ្រឿងញៀន កាលពី ម៉ោង៩និង៣០នាទីថ្ងៃទី១២ សីហា ២០១១ នៅលើទីតាំងមួយកន្លែងស្ថិតក្នុងសង្កាត់បឹងត្របែក ខណ្ឌចំការមន។ ជនសង្ស័យដែលឃាត់ខ្លួននេះឈ្មោះឆន រតនា អាយុ៣១ឆ្នាំ ជាមន្ត្រីយោធា មានទីលំនៅភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ។
លោកទៀង ចន្ទសារ ប្រធានការិយាល័យប្រយុទ្ធប្រឆាំងគ្រឿងញៀនរាជធានីភ្នំពេញ បានឱ្យដឹងថា ការបង្ក្រាបទីកន្លែងជួញដូរនោះ សមត្ថកិច្ចដកហូតបានវត្ថុតាងមួយចំនួនមានដូចជាម៉ាទឹកកក៥កញ្ចប់ យ៉ាម៉ា២គ្រាប់ ជញ្ជីងថ្លឹង១គ្រឿង ម៉ូតូម៉ាកឌ្រីម C125 ស៊េរី២០១០ ពណ៌ខ្មៅ ១គ្រឿង ព្រមទាំងសម្ភារជាច្រើនទៀត ។
លោកបន្តថា មកដល់វេលាម៉ោង៤និង៣០នាទីរសៀលថ្ងៃដដែល សមត្ថកិច្ចបានបន្តចុះទៅឆែកឆេរនៅផ្ទះប្រពន្ធជនជាប់សង្ស័យដែលមានទីតាំងនៅភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ជាបន្តទៀត។ ការឆែកឆេររកមិនឃើញគ្រឿងញៀនទៀតទេ ប៉ុន្តែរកឃើញឧបករណ៍សំខាន់ៗជាច្រើនទៀត ក្នុងនោះមានកំប៉ុងប៊ីយ៉ែរ ដែលជនល្មើសយកមកបន្លំភ្នែកសមត្ថកិច្ចដោយកាត់គម្រប ហើយដាក់គ្រឿងញៀននៅក្នុងនោះទុកធ្វើសកម្មភាពជួញដូរ។
គួររំលឹកផងដែរថា នេះជាលើកទី២៧ហើយ ដែលលោកទៀង ចន្ទសារ ចុះបង្ក្រាបករណីជួញដូរ និងចែកចាយគ្រឿងញៀន ៕
ចែករំលែកព័តមាននេះ