ទឹកលិចចូលឃ្លាំងឱសថភ្លាមៗ! រដ្ឋមន្ត្រីសុខាភិបាល ចុះអន្តរាគមន៍ផ្ទាល់ និងបញ្ជាឱ្យសង្គ្រោះឱសថជាបន្ទាន់នៅមង្គលបូរី
- បន្ទាយមានជ័យ
ខេត្តបន្ទាយមានជ័យ ៖ រដ្ឋមន្ត្រីសុខាភិបាល និងក្រុមបច្ចេកទេសជំនាញ រួមជាមួយអជ្ញាធរ បន្តចុះពិនិត្យស្ថានភាពទឹកជន់លិចនៅការិយាល័យសុខាភិបាលស្រុកមង្គលបូរី ដែលជាឃ្លាំងរក្សាឱសថ ។ នេះបើយោងតាមផេកក្រសួងសុខាភិបាលនៃព្រះរាជាណាចក្រកម្ពុជាបានប្រកាសនាព្រឹកថ្ងៃទី៤ ខែតុលានេះ ។
បើទោះជាស្ថានភាពទឹកជន់លិចចូលឃ្លាំងរក្សាឱសថនៃការិយាល័យសុខាភិបាលស្រុក ដោយជង្ហុកមិនបានព្រៀងទុក ទាំងឱសថ ទាំងសម្ភារបរិក្ខាមួយចំនួនធំ ត្រូវបានលើកខ្ពស់ រក្សាទាន់ពេលវេលាក្នុងពេលវេលាមួយដ៏ខ្លី និងបន្តដឹកជញ្ជូនចេញយកទៅរក្សាទុក នៅទីតាំងសុវត្ថិភាព ដោយការប្រុងប្រយ័ត្ន និងយកចិត្តទុកដាក់ តាមប្រសាសន៍ណែនាំបន្ថែមពីឯកឧត្តមសាស្ត្រាចារ្យរដ្ឋមន្ត្រី ។
ឯកឧត្តមសាស្ត្រាចារ្យ បានជំរុញ និងក្រើនរំលឹកនូវអនុសាសន៏ដែលបានដាក់ជូនគ្រប់កម្រិតដឹកនាំតាមរយៈ កិច្ចប្រជុំជាបន្តបន្ទាប់ ទាំងពីមុនជំនន់ ទាំងកំពុងជំនន់ និងកិច្ចការក្រោយជំនន់ ដោយត្រូវបន្តតាមដានពិនិត្យស្ថានភាពទឹកជាប់ជាប្រចាំ ដែលក៏អាចនឹងមានការកើនឡើង និងត្រូវត្រៀមលក្ខណៈឱ្យបានគ្រប់ពេលវេលា ។
បន្ថែមពីនេះ ត្រូវធានាឱ្យបានសុវត្ថិភាពផ្ទាល់ខ្លួន និងសហភាតរៈ រួមទាំងការថែរក្សាឱសថ សម្ភារៈបរិក្ខាទាំងវេជ្ជសាស្ត្រ និងមិនវេជ្ជសាស្ត្រ សំដៅបន្តផ្គត់ផ្គង់បានគ្រប់គ្រាន់ ទាន់ពេលវេលា ដល់គ្រប់មូលដ្ឋានសុខាភិបាលក្នុងសហគមន៍ដែលនៅផ្ទាល់ជាមួយប្រជាពលរដ្ឋ ៕
ចែករំលែកព័តមាននេះ