សង្គ្រាមអ៉ីរ៉ង់់ ៖ អ្នកទទួលខុសត្រូវអាមេរិកម្នាក់គូសបញ្ជាក់ កាលពីថ្ងៃទី១ តុលា ថា កងទ័ពអាមេរិកបានបញ្ជូនទាហានប្រមាណជា៩០០០នាក់ទៀត តាមកងនាវាថ្មីមកកាន់មជ្ឈឹមបូព៌ា ។ ការបង្កើនវត្តមានយោធាអាមេរិកនេះ កើតមានពេលដែលប្រធា នាធិបតីលោកដូណាល់ត្រាំ បានព្រមានជាថ្មីថា ការវាយប្រហារថ្មីៗប្រឆាំងអ៉ីរ៉ង់ អាចមានក្នុងពេលឆាប់ៗខាងមុខនេះ ។
ការដាក់ពង្រាយទ័ពនេះរបស់អាមេរិក ដែលមាននាវាផ្ទុកយន្តហោះទី៣ គូសបញ្ជាក់ពីការតាំងចិត្តមុតមាំរបស់លោកត្រាំក្នុងការធ្វើសង្គ្រាមប្រឆាំងអ៉ីរ៉ង់ ក្នុងពេលលោកពិចារណាពីការផ្ដួចផ្ដើមគំនិតនាពេលខាងមុខ ខណៈការបោះឆ្នោតពាក់គណ្ដាលអាណត្តិ នៅសហរដ្ឋអាមេរិកកាន់តែខិតចូលមកដល់ និងប្រឈមមុខចំពោះសញ្ញាថ្មីៗ ដែលបញ្ជាក់ពីប្រភពនៃជម្លោះដែលអាចនាំឲ្យមានភាពស្មុគ្រស្មាញថែមទៀត ។
ដើម្បីធ្វើឲ្យសភាពការណ៍កាន់តែស្មុគ្រស្មាញថែមទៀត លោកត្រាំថ្លែង នាថ្ងៃទី១ តុលា ទៅកាន់បណ្ដាអ្នកកាសែតថា មានសញ្ញាដំបូងៗដែលបង្ហាញថា អ៉ីរ៉ង់អាចទាក់ទិនជាមួយសកម្មភាពរបស់អ្នកបើកយន្តហោះរបស់ក្រុមហ៊ុនអាកាសចរណ៍FLYDUBAI ដែលចាក់មេបញ្ជាការខ្លួនក្នុងកាប៊ីនយន្តហោះប៉ុនប៉ងឲ្យយន្តហោះនោះដែលហោះទៅកាន់អ៉ីស្រាអែលធ្លាក់។ លោកត្រាំបន្តថា បើរកឃើញថា អ៉ីរ៉ង់ចូលរួមក្នុងសកម្មភាពនេះ នោះសហរដ្ឋអាមេរិកនឹងតបតវិញ។
នាយករដ្ឋមន្ត្រីអ៉ីស្រាអែល លោកបេនចាមីននេតាន់យ៉ាហ៊ូ អះអាង នាព្រឹកថ្ងៃទី១ តុលា ថា លទ្ធផលដំបូងៗនៃការស៊ើបអង្កេតបង្ហាញថា ជនសង្ស័យចង់ធ្វើឲ្យយន្តហោះនោះធ្លាក់ ជាអ្នកប្រកាន់លទ្ធិអ៊ិស្លាមនិយមរ៉ាឌីកាល់ តែមិនផ្ដល់ភាពលម្អិតឡើយ។ លោកត្រាំបន្តថាអ៉ីរ៉ង់ដឹងច្បាស់ថា គេនឹងទទួលរងការវាយប្រហារខ្លាំងក្លាបំផុត បើយើងរកឃើញពីការផ្សំគំនិតគ្នា ។
កងនាវាចម្បាំងក្រុមថ្មីដែលអាមេរិកបញ្ជូនមកមជ្ឈឹមបូព៌ា ដឹកនាវិក៩០០០នាក់ ក្នុងនោះប្រុស៧០០០នាក់ និងនារី២០០០នាក់។ កងនាវាក្រុមថ្មីដែលបញ្ជូនមកនោះ រួមមាននាវាផ្ទុកយន្តហោះUSS ROOSEVELT មានន័យថា ពេលនេះនៅមជ្ឈឹមបូព៌ា អាមេរិកដាក់ពង្រាយនាវាផ្ទុកយន្តហោះដល់៣ទៅគ្រឿង ។ ជាមួយកងនាវាផ្ទុកយន្តហោះទី៣អាមេរិក មាននាវិកដល់២០.០០០នាក់ ព្រមទាំងយន្តហោះច្រើនរយគ្រឿងនៅមជ្ឈឹមបូព៌ា ៕
ចែករំលែកព័តមាននេះ