យោងតាមព័ត៌មានមួយដែលចេញផ្សាយ នៅថ្ងៃទី២៩ មេសា បានឱ្យដឹងថា នាងសាន់ដ្រា ប៊ូឡុក ដែលជាតារាភាពយន្ដបូលីវូដល្បីឈ្មោះ និងទទួលបានពានរង្វាន់អូស្ការប្រចាំឆ្នាំ២០១០ ពេលនេះបានសំរេចដាក់ពាក្យប្ដឹងលែងប្ដីរបស់នាងគឺលោក Jesse Jame ។ តាមព័ត៌មានដដែលឱ្យដឹងទៀតថា នាងសាន់ដ្រា ប៊ូឡុក បានទំលាយពីផែនការដាក់ពាក្យប្ដឹងលែងប្ដីរបស់នាងចំពោះទស្សនាវដ្ដី People ដែលនឹងចេញលក់នៅថ្ងៃទី៣០ ខែមេសា ។
នាងសាន់ដ្រា ប៊ូឡុក ជាតារាភាពយន្ដបូលីវូដល្បីឈ្មោះមួយរូប មានរឿងចំរូងចំរាសគ្នាជាមួយប្ដីរបស់នាងក្រោយពីនាង ទទួលបានពានរង្វាន់អូស្ការប្រចាំឆ្នាំបានរយៈពេល១០ថ្ងៃដោយសារមិនចុះសំរុងគ្នា ។ នាង សាន់ដ្រា ប៊ូឡុក និងលោក Jesse Jame បានរៀបការជាមួយគ្នានៅឆ្នាំ២០០៦ ដែលបើគិតគិតរហូតមកដល់បច្ចុប្បន្នចំណងអាពាហ៍ពិពាហ៍របស់ពួកគេមានរយៈពេល៥ឆ្នាំ មានកូនម្នាក់ ប៉ុន្ដែជាកូនចិញ្ចឹមទេ។ ប្ដីរបស់នាងជាបុរសពោះម៉ាយ ហើយមានកូន២នាក់ ជាមួយប្រពន្ធមុន ។
នាងសាន់ដ្រា ប៊ូឡុក និយាយថា នាង មានការសោកស្ដាយនិងក្រៀមក្រំយ៉ាងខ្លាំង ដែលពេលនេះចំណងអាពាហ៍ពិពាហ៍របស់នាងជាមួយលោក Jesse Jame ត្រូវបានកាត់ផ្ដាច់ទៅវិញ ។ តាមពិតនាងមិនចង់លែងលះគ្នាទេ ប៉ុន្ដែធ្វើម៉េចបើវាសនាបានតំរូវឱ្យ នាងនិងលោក Jesse Jame បានជួបគ្នាជាប្ដីប្រពន្ធត្រឹមនេះ ៕
ចែករំលែកព័តមាននេះ