អង្គការ UNICEF ថា អត្រាបោះបង់ការសិក្សានៅកម្ពុជានៅតែខ្ពស់
- ភ្នំពេញ
អង្គការយូនីសីហ្វ UNICEF បានបញ្ជាក់តាមរយៈសារនៅលើបណ្តាញសង្គម កាលពីថ្ងៃទី០៨ ខែកញ្ញា ឆ្នាំ២០២៦ ថា អត្រាបោះបង់ការសិក្សារបស់សិស្សានុសិស្សនៅកម្ពុជានៅតែខ្ពស់ ។
ប្រភពដដែលបានលើកឡើងថា អត្រាបោះបងការសិក្សា គឺច្រើនកើតមាននៅកម្រិតអនុវិទ្យាល័យ ។ ប្រភពដដែលបានអះអាងថា «សិស្សានុសិស្សប្រមាណ១៥ភាគរយ បានបោះបង់ការសិក្សានៅត្រឹមកម្រិតអនុវិទ្យាល័យក្នុងឆ្នាំ២០២៥» ។
ប្រភពដដែលបានបន្តថា ចំពោះក្មេងស្រី ការរៀបអាពាហ៍ពិពាហ៍ទាំងវ័យក្មេង និងការរំពឹងទុករបស់សង្គមលើតួនាទីយេនឌ័រ តែងតែជាឧបសគ្គរារាំងដំណើរការសិក្សារបស់ពួកគេ ។
រីឯក្មេងប្រុសវិញ កត្តាជីវភាព និងសម្ពាធក្នុងការស្វែងរកប្រាក់ចំណូលបានបង្ខំឱ្យពួកគេចាកចេញពីសាលារៀន ដើម្បីទៅរកការងារ ។
ចែករំលែកព័តមាននេះ