ក្នុងសបា្តហ៍នេះក្រុមគ្រួសារលោកប្រេដភីត និងនាងអេនចេលីណា ជោលី ព្រមព្រៀងគ្នាទៅដើរលេងនៅក្នុងទីក្រុងញូវអ័រឡេន ។ លោកប្រេដភីតនឹងចាប់ផ្តើមថតខ្សែភាពយន្តថ្មីមួយក្នុងពេលឆាប់ៗដែលមានចំណងជើងថា Cogan’s Trade in NOLA ។
ពួកគេបានធ្វើដំណើរទៅដល់រដ្ឋល្វីសាណា កាលពីថ្ងៃសុក្រ តាមយន្តហោះឯកជនរបស់គេ ហើយត្រូវគេឃើញនៅជាមួយគ្នាពេញមួយសបា្តហ៍ ។ ពួកគេបានចូលហាងកែងផ្លូវក្បែរផ្ទះខ្លួន ក្នុងទីក្រុងញូវអ័រឡេនជាមួយនឹងកូនរបស់ពួកគេទាំងអស់ ។ ពេលនេះ លោកប្រេដភីត និងនាងអេនចេលីណា ជោលី ព្រមទាំងក្រុម គ្រួសារបាននៅជុំគ្នាដែលឱកាសល្អសម្រាប់ពួកគេធ្វើការលំហែបានបន្តិចដែរ ជាពិសេសចាប់តាំងពីនាងជោលី ទើបតែបញ្ចប់ការធ្វើដំណើរជុំវិញពិភពលោកនៅប្រទេសអាហ្វហ្គានីស្ថាន ។
តែការសម្រាកលំហែរបស់គ្រួសារតារាមានកូនចិញ្ចឹមច្រើនមួយនេះក៏មិនអាចនៅបែបនេះយូរដែរ ដោយសារនាងអេនចេលីណា ជោលី ត្រូវផ្សព្វផ្សាយខ្សែភាពយន្តថ្មីរបស់នាង ។
ចែករំលែកព័តមាននេះ