រាជធានីភ្នំពេញ ៖ ក្រសួងពាណិជ្ជកម្ម នៃព្រះរាជាណាចក្រកម្ពុជា និងសភាពាណិជ្ជកម្ម និងឧស្សាហកម្មបារាំងប្រចាំកម្ពុជា (ហៅកាត់ថា CCIFC) បានចុះហត្ថលេខាជាផ្លូវការលើអនុស្សរណៈនៃការយោគយល់គ្នា (MOU) ដើម្បីសហការរៀបចំវេទិកាធុរកិច្ចកម្ពុជា-បារាំង លើកទី៣ ដែលគ្រោងនឹងប្រព្រឹត្ត ទៅនៅថ្ងៃទី១៦ និង១៧ ខែវិច្ឆិកា ឆ្នាំ២០២៦ នៅរាជធានីភ្នំពេញ ។
ពិធីចុះហត្ថលេខាលើ MOU នៅថ្ងៃទី៣ ខែកញ្ញា ឆ្នាំ២០២៦ បានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម ដោយមានការចូលរួមពីថ្នាក់ដឹកនាំ និងមន្ត្រីរាជការ នៃក្រសួងពាណិជ្ជកម្ម និង CCIFC។
ឯកឧត្តម ទិត សីច័ន្ទលី អគ្គនាយក នៃអគ្គនាយកដ្ឋានគោលនយោបាយ និងជំរុញពាណិជ្ជកម្ម និងលោក Julien Bert អនុប្រធាន CCIFC បានចុះហត្ថលេខាលើ MOU ដែលកំណត់ពីតួនាទី និងទំនួលខុសត្រូវរបស់ភាគីទាំងពីរ ក្នុងការរៀបចំវេទិកាធុរកិច្ច ដោយរាប់បញ្ចូលទាំងការសម្របសម្រួល ការចូលរួម របស់ធុរជន និងការរៀបចំកម្មវិធី ។
វេទិកាធុរកិច្ចកម្ពុជា-បារាំង ដើរតួជាវេទិកាដ៏សំខាន់ក្នុងការបន្តពង្រឹងទំនាក់ទំនងសេដ្ឋកិច្ចរវាងកម្ពុជា និងបារាំង លើកកម្ពស់ដៃគូយុទ្ធសាស្ត្រ និងផ្តល់នូវការព្យាករណ៍លក្ខណៈពិសេស សម្រាប់ក្រុមហ៊ុន សហគ្រាស និងវិនិយោគិន ដែលកំពុងធ្វើប្រតិបត្តិការនៅក្នុងទីផ្សារកម្ពុជា និងក្នុងវិសាលភាពទីផ្សារកាន់តែទូលំទូលាយ ។
ព្រឹត្តិការណ៍នេះ នឹងប្រព្រឹត្តទៅរយៈពេល ២ថ្ងៃ។ សម្រាប់ថ្ងៃទីមួយ ដែលជាពិធីបើកវេទិកាធុរកិច្ច លើកទី៣ នឹងប្រព្រឹត្ត ទៅក្រោមអធិបតីភាពដ៏ខ្ពង់ខ្ពស់របស់ថ្នាក់ដឹកនាំជាន់ខ្ពស់ នៃព្រះរាជាណាចក្រកម្ពុជា និងសាធារណរដ្ឋបារាំង អមដោយមន្ត្រីជាន់ខ្ពស់នៃរដ្ឋាភិបាលទាំងពីរផងដែរ។ កម្មវិធីនេះនឹងរំពឹងទុកថា មានវត្តមានរបស់ថ្នាក់ដឹកនាំធុរកិច្ច វិនិយោគិនកម្ពុជា-បារាំង ក៏ដូចជាតំណាងស្ថាប័នពាក់ព័ន្ធសរុបប្រមាណ ៤០០នាក់ ។
ចំណែកថ្ងៃទីពីរ នៃវេទិកានេះ នឹងផ្តោតសំខាន់លើការភ្ជាប់ទំនាក់ទំនងធុរកិច្ចនិងធុរកិច្ច (B2B), កិច្ច ពិភាក្សាតាមវិស័យ, កាលានុវត្តភាពវិនិយោគ, និងការបង្កើតបណ្តាញទំនាក់ទំនង សម្រាប់ក្រុមហ៊ុនកមកកម្មជ សហប្រតិបត្តិការនាងយល់ពីភាពជាដៃគូ, ការផ្លាស់ប្តូរជំនាញ និងកា សហប្រតិបត្តិការ។
វេទិកាឆ្នាំ២០២៦នេះ នឹងផ្តោតសំខាន់លើកាលានុវត្តភាពធុរកិច្ចជាក់ស្តែងនិងការផ្លាស់ប្តូរយោបល់កម្រិតខ្ពស់ រួមទាំងជំនួបផ្គូរផ្គងធុរកិច្ច (B2B) សក្តានុពលរវាងក្រុមហ៊ុនបារាំង ជាមួយដៃ គូកម្ពុជា ដោយផ្អែកលើតម្រូវការ និងផលប្រយោ ជន៍ធុរកិច្ចជាក់ស្តែង។ បន្ថែមពីនេះ សិក្ខាសាលាកម្រិត ក្រសួង និងជំនួបរវាងធុរជននិងរដ្ឋាភិបាល (B2G) នឹងអនុញ្ញាតឱ្យក្រុមហ៊ុននានាជួបពិភាក្សាដោយផ្ទាល់ ជាមួយតំណាងស្ថាប័នរដ្ឋាភិបាល និងអាជ្ញាធរកម្ពុជា លើបញ្ហាបទប្បញ្ញត្តិ ឱកាសវិនិយោគ និងការអភិវឌ្ឍ វិស័យផ្សេងៗ។ ទន្ទឹមនឹងនេះ កិច្ចពិភាក្សាតុមូលតាមវិស័យនីមួយៗ នឹងប្រមូលផ្តុំថ្នាក់ដឹកនាំធុរកិច្ច អ្នកជំនា ញ និងតំណាងរដ្ឋាភិបាលកម្ពុជា និងបារាំង ដើម្បីស្វែងរកវិស័យយុទ្ធសាស្ត្រ និងកាលានុវត្តភាព សម្រាប់កិច្ចសហប្រ តិបត្តិការទ្វេភាគី។
ក្រសួងពាណិជ្ជកម្ម និងសភាពាណិជ្ជកម្ម និងឧស្សាហកម្មបារាំងប្រចាំកម្ពុជា បានបញ្ជាក់ជាថ្មីនូវប្តេជ្ញាចិត្ត រួមគ្នាក្នុងការសម្របសម្រួលការធ្វើពាណិជ្ជកម្ម លើកកម្ពស់ការវិនិយោគប្រកបដោយចីរភាព និងពង្រីក កាលានុវត្តភាពសម្រាប់បណ្តាក្រុមហ៊ុនដែលមានវត្ត មានក្នុងទីផ្សារនៃប្រទេសទាំងពីរ និងលើសពីនោះផងដែរ ៕
ចែករំលែកព័តមាននេះ