បាក់ឌុបឆ្នាំនេះ! ខេត្តកំពង់ចាម មានសិស្សប្រឡងជាប់និទ្ទេស A ចំនួន ១០០នាក់ ថយចុះជាងឆ្នាំមុន
- កំពង់ចាម
ខេត្តកំពង់ចាម ៖ ការទន្ទឹងរង់ចាំលទ្ធផលប្រឡងសញ្ញាបត្រទុតិយភូមិឬបាក់ឌុបបានធ្វើឲ្យសិស្សមើលឈ្មោះនៅមណ្ឌលប្រលងក្នុងវិទ្យាល័យព្រះសីហនុនិងសាលាភូមិភាគរុកោសល្យខេត្តក្នុងក្រុងកំពង់ចាម បានរីករាយដោយទឹកមុខញញឹមស្រស់។ តែលទ្ធផលដែលសិស្សជាប់និទ្ទេសA មានចំនួន១០០នាក់គឺថយចុះចំនួន៤១នាក់ បើប្រៀបធៀបឆ្នាំកន្លងទៅ។
បើតាមយុវសិស្ស កុល ម៉េងតុង រៀនថ្នាក់ទី១២”B” នៅវិទ្យាល័យតេជោធិបតីរបស់ខ្នុរស្រុកចំការលើបានប្រាប់ឲ្យដឹងថា: រូបគេហ្នឹងមិត្តរួមថ្នាក់ជាច្រើនអ្នកទៀតបានជិះម៉ូតូចេញដំណើរពីផ្ទះរបស់ខ្លួនមកមើលលទ្ធផលប្រឡងនៅមណ្ឌលវិទ្យាល័យព្រះសីហនុក្រុងកំពង់ចាមនាព្រឹកថ្ងៃទី២ខែកញ្ញាឆ្នាំ២០២៦ ដំបូងនៅក្នុងចិត្តនឹកស្មានខ្លួនឯងមិនប្រឡងជាប់នោះទេ។ដោយសារសរសេរអក្សរមិនសូវស្អាតតែលទ្ធផលចេញមកគឺបានជាប់និទ្ទេស «D» ហើយមិត្តភក្តិដែលរួមដំណើរមកជាមួយក៏ប្រឡងជាប់ដែរ។
យុវៈសិស្សរូបនេះបានប្រាប់បន្តហើយដឹងទៀតថា ក្រោយពីឃើញលទ្ធផលជាប់បែបនេះបានទូរសព្ទប្រាប់ដល់ឪពុកម្ដាយរបស់ខ្លួននៅឯផ្ទះ។ដោយគ្រាន់តែលឺដំណឹងកូនជាប់ពួកគាត់ល្អសប្បាយបិទមាត់មិនជិត។ ក្នុងពេលខាងមុខរូបគេនឹងធ្វើដំណើរទៅកាន់រាជធានីភ្នំពេញដើម្បីបន្តការសិក្សានៅថ្នាក់ឧត្តមសិក្សាដោយជ្រើសរើសរៀនផ្នែកឌីសាញ ព្រោះថាសិស្សច្បងរបស់គេរៀនជំនាញមួយនេះទទួលបានប្រាក់ខែខ្ពស់ធ្វើឲ្យជីវភាពមានភាពល្អប្រសើរ ។ក្រោយពីរៀនចប់និងវិលត្រឡប់មកស្រុកកំណើតរបស់ខ្លួនវិញដើម្បីយកចំណេះដឹងដែលរៀនមកបើករបរចិញ្ចឹមជីវិត។
លោកលី ម៉េងសាន ប្រធានមន្ទីរអប់រំយុវជននិងកីឡាខេត្ត មានប្រសាសន៍ឲ្យដឹងដែរថា ចំពោះសិស្សដែលបានមកប្រឡងបាក់ឌុបដែលបានប្រព្រឹត្តទៅនៅថ្ងៃទី១០សីហាឆ្នាំ២០២៦មានចំនួន ៩៤៨៥នាក់ ដល់ពេលលទ្ធផលប្រឡងជាប់មានចំនួន៨១០២នាក់
ក្នុងនោះស្រី៥០៥៧នាក់ ជាប់និទ្ទេស A មានចំនួន១០០នាក់ និទ្ទេសB ចំនួន៤៩៨នាក់ និទ្ទេសC ចំនួន១៤៦៩ នាក់។ បើគិតជាភាគរយឆ្នាំ២០២៦ នេះជាប់រហូតដល់៨៥,៤២% ប្រៀបធៀបនិងឆ្នាំ ២០២៥កន្លងទៅនិទ្ទេសA មានចំនួន ១៤១នាក់ ។ ចំនួនសិស្សដែលបានប្រឡងជាប់ច្រើនបែបនេះដោយសារម្នាក់ៗខិតខំរៀនសូត្រ លោកគ្រូអ្នកគ្រូយកចិត្តទុកដាក់បង្រៀនដល់សិស្សរបស់ខ្លួនទៅតាមមុខជំនាញវិជ្ជាជីវៈនីមួយៗ មួយចំណុចទៀតដោយមានការយកចិត្តទុកដាក់ពីឯកឧត្តមអ៊ុន ចាន់ដា អភិបាលខេត្តដោយបានជំរុញដល់លោកគ្រូអ្នកគ្រូធ្វើយ៉ាងណាខិតខំប្រឹងប្រែង ដើម្បីឲ្យសន្ទុះសិស្សបានប្រឡងជាប់ឱ្យបានច្រើន ៕
ចែករំលែកព័តមាននេះ