ល្បួ.ងនារីម្នាក់ចូលផ្ទះសំណាក់ថានឹងឱ្យ ១០០ដុល្លារ តែបែរជាយកលុយ ២៣ម៉ឺនរៀល និងគំរា.មសម្លា.ប់នាង រួចគេចខ្លួនបាត់
- ភ្នំពេញ
រាជធានីភ្នំពេញ ៖ នារីម្នាក់ត្រូវបានបុរសម្នាក់និយាយលួងលោមត្រូវរ៉ូវគ្នាចូលផ្ទះសំណាក់ ស្រាប់តែបុរសរូបនោះ យកលុយ២៣ម៉ឺនរៀល ហើយថែមទាំងគំរាម រួចគេចខ្លួនបាត់ បង្កការភ្ញាក់ផ្អើលកាលពីម៉ោង ១១និង៣០នាទីយប់ ថ្ងៃទី០២ខែកញ្ញាឆ្នាំ២០២៦ នៅចំនុចដីឡូត៍មួយកន្លែង សង្កាត់ព្រៃស ខណ្ឌដង្កោ តែកើតហេតុនៅសង្កាត់ចោមចៅទី១ ខណ្ឌពោធិសែនជ័យ ។
ប្រភពពីនារីរងគ្រោះបានអោយដឹងថា រូបគាត់បានស្គាល់បុរសជនសង្ស័យ នៅម្តុំផ្សារខេម៉ល ផ្លូវវេងស្រេង ដោយបុរសរូបនោះ បានបបួលនាងអោយទៅកំដរផឹកស៊ី មួយភ្លែតថា និងអោយលុយចាយ ពេលផឹកស៊ីហើយ បុរសរូបនោះបាននិយាយលួងលោមនាង ទៅដេកនៅផ្ទះសំណាក់មួយកន្លែង នៅម្តុំទួលពង្រ សង្កាត់ចោមចៅទី១ ខណ្ឌពោធិសែនជ័យ ក្នុងតម្លៃ១០០ដុល្លារ លុយនៅតាមផ្លូវ បុរសរូបនោះបានយកលុយគាត់អស់២៣ម៉ឺនរៀល មុននិងចូលផ្ទះសំណាក់ផងដែរ ។
នារីរងគ្រោះបានអោយដឹងទៀតថា លុះពេលចេញពីផ្ទះសំណាក់វិញ បុរសខាងលើ បានចេញមកមុនហើយនិយាយថា ទៅដកលុយអោយរូបនាង ហើយមិនតែប៉ុណ្ណោះ ក៍បាននិយាយគំរាមថា កុំឲ្យនាងតាមមក បើសិនជាតាមមកគេនិងបាញ់សម្លាប់ទៀតផង ។
ប្រភពដដែលបានបន្តទៀតថា លុះចាំមួយសន្ទុះបាត់ទៅ មិនឃើញបុរសរូបនោះយកលុយមកអោយ ថែមទាំងយកលុយនាងចំនួន២៣ម៉ឺនរៀលទៅបាត់ទៀតនោះ ដោយរូបនាង មិនដឹងថាធ្វើយ៉ាងម៉េច ទើបរាយការណ៍ពឹងពាក់អ្នកសារព័ត៌មានអោយជួយផ្សព្វផ្សាយជូនដំណឹងនេះអោយកម្លាំងសមត្ថកិច្ចជួយអន្តរាគមន៍ផងដែរ ។
ក្រោយកើតហេតុ នារីរងគ្រោះត្រូវបានបងប្អូនប្រជាពលរដ្ឋ បាននែនាំអោយទៅដាក់ពាក្យបណ្ដឹងនៅប៉ុស្តិ៍នគរបាលរដ្ឋចោមចៅទី១ ដើម្បីអោយសមត្ថកិច្ចជួយស្រាវជ្រាវរកបុរសរូបនោះមកទទួលខុសត្រូវផងដែរ ៕
ចែករំលែកព័តមាននេះ