សុខភាព៖ យោងតាមការចុះផ្សាយពីប្រភពបរទេស ប្រសិនបើអ្នកគេងមិនសូវលក់ ឬគេងមិនស្ងប់ ការជ្រើសរើសអាហារសមស្របនៅពេលល្ងាចអាចជួយគាំទ្រគុណភាពដំណេកបាន។ ផ្លែឈើមួយចំនួនមានសារធាតុ​ដែលពាក់ព័ន្ធនឹងការគ្រប់គ្រងវដ្តគេង និងភ្ញាក់របស់រាងកាយ។

ផ្លែឈឺរី ជាពិសេសផ្លែឈឺរីជូរ មាន​ជាសារធាតុធម្មជាតិជួយគ្រប់គ្រងវដ្តគេង។ ការសិក្សាមួយចំនួនក៏បង្ហាញថា ការទទួលទានផ្លែរីជាប្រចាំអាចជួយគាំទ្ររយៈពេល និងគុណភាពនៃការគេងនៅមនុស្សមួយចំនួន។

ផ្លែស្វាយ មាន​វីតាមីន B6 ដែលជួយឱ្យរាងកាយ​ដំណើរការបង្កើតសារធាតុពាក់ព័ន្ធនឹងការគេង។ ប៉ុន្តែស្វាយមានជាតិស្ករធម្មជាតិគួរសម ដូច្នេះគួរទទួលទានក្នុងបរិមាណមធ្យម ជាពិសេសនៅពេលល្ងាច។

ផ្លែចេក សម្បូរប៉ូតាស្យូម វីតាមីន B6 ​ដែលមានតួនាទីក្នុងមុខងារប្រព័ន្ធប្រសាទ និងដំណើរការដែលពាក់ព័ន្ធនឹងការគេង។ អាចញ៉ាំចេកជាមួយយ៉ាអួគ្មានជាតិស្ករ ដើម្បីបង្កើតជាអាហារសម្រន់ដែលមានតុល្យភាព។

ផ្លែគីវី មានសារធាតុដែលពាក់ព័ន្ធនឹងការគ្រប់គ្រងចង្វាក់ជីវសាស្ត្រ និងវដ្តគេងរបស់រាងកាយ។ គីវីក៏សម្បូរវីតាមីន C​ និងសារធាតុប្រឆាំងអុកស៊ីតកម្ម ដែលជួយគាំទ្រសុខភាពទូទៅ។

ទោះជាយ៉ាងណា ផ្លែឈើទាំងនេះមិនមែនជាថ្នាំព្យាបាលជំងឺគេងមិនលក់ទេ។ ដើម្បីឱ្យគេងបានល្អ គួររក្សាម៉ោងគេងឱ្យទៀងទាត់ កាត់បន្ថយកាហ្វេអ៊ីននៅពេលល្ងាច និងជៀសវាងការប្រើទូរស័ព្ទ ឬឧបករណ៍អេឡិចត្រូនិកច្រើនមុនចូលគេង៕